Home Health Talks শোৱাৰ সময়ত চুলি মেলি শোৱে নেকি?

শোৱাৰ সময়ত চুলি মেলি শোৱে নেকি?

আমি ছালৰ প্ৰতি বহুত বেছি যত্নপৰ হওঁ যদিও চুলিৰ যত্নৰ ক্ষেত্ৰত যথেষ্ট অৱহেলা কৰোঁ৷ মহিলাসকলে গোটেই দিনটো অফিচ-কাছাৰী বা অন্যান্য ঘৰুৱা কাম-কাজত ব্যস্ত থকা বাবে চুলিকোছাৰ যত্ন ল’বলৈ যেন আহৰিয়েই নাপায়৷ অতিৰিক্ত প্ৰদূষণ, ধূলি-বালিৰ কাৰণে  চুলিখিনিৰ ওপৰত সহজে কুপ্ৰভাৱ পৰে৷ বিশেষকৈ শীতকালত চুলিকোছা ৰুক্ষ, অনুজ্জ্বল হৈ পৰে৷ শোৱাৰ আগে আগে মুখখনত নাইট ক্ৰিম আদি ঘঁহি যতন সঠিকভাৱে লোৱা হয় যদিও চুলিকোছাৰ কোনো পৰিচৰ্যা নকৰে৷ ইয়াৰ লগতে বহুতৰে শোৱাৰ সময়ত চুলি মেলি শোৱাৰ অভ্যাস আছে৷ শোৱাৰ আগতে চুলিকোছাৰ কিদৰে যত্ন ল’ব জানো আহক৷
চুলিৰ যত্নত তেল কিমান উপকাৰী সেই কথা সকলোৱে জানে৷ তেলে চুলিক নৰম তথা চকচকীয়া উজ্জ্বল কৰাত সহায় কৰে৷ ইয়াৰ লগতে চুলিকোছাৰ পুষ্টিৰ যোগান ধৰে৷ ৰাতি শোৱাৰ আগে আগে অলপ তেল সামান্য গৰম কৰি মূৰত কিছু সময় মাচাজ কৰিব পাৰে৷ তাৰ পাছত চুলিখিনি বান্ধি ৰাখক৷ এইদৰে মাচাজ কৰাৰ ফলত চুলি মজবুত হয়৷ তেলৰ পৰিৱৰ্তে  ছিৰামো ব্যৱহাৰ কৰিব পাৰে৷
শোৱাৰ সময়ত গাৰn ব্যৱহাৰ কৰিলে গাৰুৰ ওপৰত এখন কপাহী পাতল কাপোৰ পাৰি ল’ব৷ তেনে কৰিলে চুলিটাৰিয়ে আৰাম পায় আৰু চুলি কমকৈ সৰে৷

কৰ্মব্যস্ত জীৱনত বহুতেই নিয়মমতে চুলি নোধোৱে বা ছেম্পু নকৰে৷ তেনে কৰিলে চুলিৰ গুৰিত ময়লা জমা হয় আৰু খজুৱতি, চুলি সৰা আদি সমস্যাই দেখা দিব পাৰে৷
ভিজা চুলিৰে বেছি সময় নাথাকিব৷ ইয়াৰ কাৰণে চুলি ফাটিব পাৰে৷ এই ক্ষেত্ৰত হেয়াৰ ড্ৰায়াৰ ব্যৱহাৰ কৰিব পাৰে৷
শোৱাৰ আগতে সদায় চুলিকোছা ফণিয়াব ল’ব৷ এই কাৰ্যৰ ফলত চুলিকোছা সুস্থ থকাৰ লগতে চুলিৰ বিভিন্ন সমস্যাৰ পৰা সকাহ দিয়াব পাৰে৷ চুলি ফণিওৱাৰ ফলত মূৰৰ ৰক্ত সঞ্চালনৰ মাত্ৰা বৃদ্ধি হয়৷ ইয়াৰ উপৰি চুলিৰ বৃদ্ধিতো ই সহায় কৰে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...