শীতৰ বতৰত ঠাণ্ডাৰ সৈতে মোকাবিলা কৰিবৰ বাবে আমি যিদৰে গৰম কাপোৰ পিন্ধো, ঠিক একেদৰে শৰীৰটোক ভিতৰৰ পৰা গৰম কৰি ৰাখিবলৈ খাদ্য তালিকাৰো কিছু পৰিৱৰ্তন কৰা প্ৰয়োজন৷ সেয়েহে আজি আমি কথা পাতিম এনে কিছুমান খাদ্য বা পানীয়ৰ বিষয়ে, যাৰ সেৱনে শীতত আপোনাক গৰম কৰি ৰখাৰ লগতে বিভিন্ন বেমাৰৰ পৰাও দূৰত ৰাখিব৷(১) তাৰ ভিতৰৰ এবিধ হ’ল চাহ৷ শীতৰ বতৰত ঘনাই গৰম চাহ খোৱাটো সকলোৰে অভ্যাস৷ কিন্তু আমি যদি চাহকাপ আদা, জালুক, তুলসী দিয়া চাহ কৰি খাওঁ, তেন্তে ইয়াৰ পৰা অধিক সুফল লাভ কৰিব পাৰি৷
(২) শীতত খেজুৰ আৰু গৰম গাখীৰ একেলগে খালে শৰীৰ গৰম হৈ থাকে৷ বৃদ্ধ লোকসকলৰ বাবে ই অতি উত্তম৷
(৩) খেজুৰৰ পৰিৱৰ্তে আপুনি গুৰো খাব পাৰে৷ গুৰ গৰম খাদ্য৷ সেয়েহে শীতত হ’ব পৰা কাহ-চৰ্দি আদি দূৰত ৰাখিব পাৰে গুৰে৷
(৪) হালধিযুক্ত গাখীৰেও শৰীৰটো গৰম কৰি ৰখাত অৰিহণা যোগায়৷
(৫) লগতে শীতত আপুনি বিভিন্ন ধৰণৰ পাচলিৰে তৈয়াৰী চুপ খায়ো শীতৰ প্ৰকোপৰ পৰা বাচিব পাৰে৷
