Home Daily news শীতত কঁপিছে দিল্লী : বতৰ বিজ্ঞান বিভাগে জনতালৈ কি দিলে পৰামৰ্শ

শীতত কঁপিছে দিল্লী : বতৰ বিজ্ঞান বিভাগে জনতালৈ কি দিলে পৰামৰ্শ

উত্তৰ ভাৰতত চলি থকা শীতপ্ৰবাহৰ মাজতে দিল্লীৰ উষ্ণতা এই দশকটোৰ ভিতৰত দ্বিতীয় নিম্নতম উষ্ণতাৰ অভিলেখ গঢ়ে৷ ভাৰতীয় বতৰ বিজ্ঞান বিভাগে জনায় যে দিল্লীৰ চফদৰগঞ্জত নিম্নতম উষ্ণতা ১.৯ ডিগ্ৰী চেলছিয়াছ হয়৷ যোৱা দহটা বছৰৰ ভিতৰত কেৱল ২০২১ চনৰ ১ জানুৱাৰীৰ পুৱাহে দেশৰ ৰাজধানী মহানগৰত অধিক শীত অনুভূত হৈছিল৷ আনহাতে দিল্লীৰ আয়া নগৰত নিম্নতম উষ্ণতা ২.৬ ডিগ্ৰী চেলছিয়াছ, লোধী ৰ’ডত নিম্নতম উষ্ণতা ২.৮ ডিগ্ৰী চেলছিয়াছ আৰু পালামত নিম্নতম উষ্ণতা ৫.৯ ডিগ্ৰী হয়৷ দেশৰ ৰাজধানী মহানগৰ আৰু কাষৰীয়া ৰাজ্যসমূহত হাড় কঁপোৱা জাৰ আৰু ডাঠ কুঁৱলী অব্যাহত আছে৷ বতৰ বিজ্ঞান বিভাগৰ মতে দুদিনৰ পাছৰ পৰা উত্তৰ-পশ্চিম ভাৰতৰ বহু অংশত নিম্নতম উষ্ণতা ২ ডিগ্ৰীৰ ওপৰলৈ উঠিব৷ অহা তিনি দিনত পূব ভাৰতত নিম্নতম উষ্ণতাত কোনো বিশেষ পৰিৱৰ্তন নহ’ব৷ পাছত উষ্ণতা ২-৩ ডিগ্ৰী বৃদ্ধি পাব৷ বতৰ বিজ্ঞান বিভাগৰ মতে অহা তিনি দিন অসম, ত্ৰিপুৰা, পশ্চিম বংগ, ছিকিম, বিহাৰ উত্তৰ ৰাজস্থান আৰু উত্তৰাখণ্ডৰ ঠাই বিশেষে অতি ঘন কুঁৱলী পৰিব৷ ইফালে উত্তৰ ভাৰতত হৈ থকা শীত প্ৰবাহ আৰু হাড় কঁপোৱা জাৰৰ পৰিপ্ৰেক্ষিতত ফ্ৰষ্টবাইট [অতিপাত শীতৰ বাবে দেহৰ কোনো অংগ পচি গৈ হোৱা ক্ষত] হোৱাৰ আশংকাত ভাৰতীয় বতৰ বিজ্ঞান বিভাগে ঘৰৰ বাহিৰৰ কাম-কাজ সীমিত কৰিবলৈ জনসাধাৰণক আহ্বান জনাইছে৷ পৰামৰ্শাৱলী বিভাগে কয় যে দীৰ্ঘ সময় ঠাণ্ডা পাই থাকিলে ফ্ৰষ্টবাইট হ’ব৷ শৰীৰৰ তাপ কমাৰ লক্ষণ কঁপনিকো আওকাণ নকৰিবলৈ বিভাগে আহ্বান জনাইছে৷ বতৰ বিজ্ঞান বিভাগৰ পৰামৰ্শাৱলীত কোৱা হৈছে, ‘পৰ্যাপ্ত প্ৰতিৰোধ শক্তি ৰাখিবলৈ ভিটামিন চিসমৃদ্ধ ফল-মূল আৰু পাচলি খাওক; যথেষ্ট কুহুমীয়া পানী খাওক৷ বাহিৰৰ কাম-কাজ পৰিহাৰ বা সীমিত কৰক৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...