Home Daily news যোৰহাট বিজ্ঞান কেন্দ্ৰ আৰু তাৰকাগৃহত উদ্ভাৱনী কেন্দ্ৰ উদ্বোধন

যোৰহাট বিজ্ঞান কেন্দ্ৰ আৰু তাৰকাগৃহত উদ্ভাৱনী কেন্দ্ৰ উদ্বোধন

ৰাজ্যৰ বিজ্ঞান প্ৰযুক্তি আৰু জলবায়ু পৰিৱৰ্তন, স্বাস্থ্য আদি বিভাগৰ মন্ত্ৰী কেশৱ মহন্তই যোৰহাট বিজ্ঞান কেন্দ্ৰ আৰু তাৰকাগৃহত উদ্ভাৱনী কেন্দ্ৰ উদ্বোধন কৰে৷ নৱপ্ৰজন্মৰ মাজত বিজ্ঞানৰ নৱ উদ্ভাৱনী শক্তি সৃষ্টিৰ উদ্দেশ্যে নিৰ্মাণ কৰা উদ্ভাৱনী কেন্দ্ৰটো উদ্বোধন কৰি মন্ত্ৰী কেশৱ মহন্তই কয় যে এই উদ্ভাৱনী কেন্দ্ৰটোৰ যোগেদি ছাত্ৰ-ছাত্ৰীসকল উপকৃত হ’ব৷ মন্ত্ৰীগৰাকীয়ে ভাষণত কয় যে ৰাজ্যৰ ২২টা স্থানত যদি ৰিজনেল বিজ্ঞান কেন্দ্ৰৰ সমপৰ্যায়ৰ একোটাকৈ জিলা বিজ্ঞান কেন্দ্ৰ হয় তেতিয়া ভাৰতবৰ্ষৰ ভিতৰত বিজ্ঞানৰ ক্ষেত্ৰত এক নম্বৰ ৰাজ্য হ’ব৷ 
ইফালে মন্ত্ৰীগৰাকীয়ে জলবায়ু অনুকূল গাঁও আঁচনি গ্ৰহণ কৰিছে বুলি উল্লেখ কৰি জলবায়ু পৰিৱৰ্তন হৈছে৷ সেয়েহে এই আঁচনিৰ জৰিয়তে বিজ্ঞান প্ৰযুক্তিবিদ্যাৰ স্নাতকোত্তৰ শ্ৰেণীৰ এশজন ছাত্ৰক নিৰ্বাচন কৰি দুখনকৈ গাঁৱৰ মানুহৰ জলবায়ু অনুকূল গাঁও হ’বলৈ কি প্ৰয়োজন তাক অধ্যয়ন কৰিব৷ সভাখনত যোৰহাটৰ বিধায়ক হিতেন্দ্ৰনাথ গোস্বামী, যোৰহাটৰ লোক সভাৰ সাংসদ তপন কুমাৰ গগৈ, ৰাজ্য সভাৰ সাংসদ কামাখ্যা প্ৰসাদ তাছাই ভাষণ আগবঢ়ায়৷ অসম বিজ্ঞান প্ৰযুক্তিবিদ্যা আৰু পৰিৱেশ পৰিষদৰ সঞ্চালক কিমনেই চাংছনে আদৰণী ভাষণ আগবঢ়োৱা সভাখনত নেশ্যনেল কাউঞ্চিল অব্‌ ছায়েন্স মিউজিয়ামৰ [উত্তৰ-পূবৰ] সঞ্চালক ইন্দ্ৰনীল সন্ন্যালে উদ্ভাৱনী কেন্দ্ৰটোৰ সম্পৰ্কে প্ৰকাশ কৰে৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...