মানসিক স্বাস্থ্য কেৰিয়াৰ পৰামৰ্শ বিভাগ আৰম্ভ : ক’ত ?

0
1382

বৰ্ধিত মানসিক স্বাস্থ্য সম্পৰ্কীয় সমস্যাসমূহৰ পৰিপ্ৰেক্ষিতত গুৱাহাটীৰ মডাৰ্ন ইংলিছ স্কুলে শিক্ষাৰ্থীসকলক বিভিন্ন আৱেগিক আৰু মানসিক উদ্বেগৰ সৈতে মোকাবিলা কৰাত সহায় কৰিবলৈ এক মানসিক স্বাস্থ্য পৰামৰ্শ বিভাগ আৰম্ভ কৰে৷ বিভাগটোৰ সৈতে জড়িত দলটোৱে শিক্ষাৰ্থীসকলক চাপ নিয়ন্ত্ৰণ কৰা আৰু স্বাস্থ্যৰ বাবে উপকাৰী বিকল্পসমূহ বাছনি কৰাৰ ক্ষেত্ৰতো পৰামৰ্শ প্ৰদান কৰিব৷
বিদ্যালয়  প্ৰশাসনে বিশেষকৈ ক’ভিড-১৯ মহামাৰীৰ পিছত শিক্ষাৰ্থীসকলৰ মাজত চাপ আৰু উদ্বেগৰ বৰ্ধিত ঘটনাৰ বাবে মানসিক স্বাস্থ্য সম্পৰ্কীয় পৰামৰ্শৰ প্ৰয়োজনীয়তা অনুভৱ কৰিছিল৷ সেই উপলক্ষে বিদ্যালয়খনে মুম্বাইস্থিত প্ৰশিক্ষণ আৰু পৰীক্ষা প্ৰস্তুতি প্ৰতিষ্ঠান, ইনস্পাইৰাছ এডুকেশ্যনৰ সৈতে কেৰিয়াৰ পৰামৰ্শ বিভাগ আৰম্ভ কৰিছে৷ 
ৰেভ ফ্ৰ জোচেফ থেলেক্কাটে বিদ্যালয়খনৰ মানসিক স্বাস্থ্য বিভাগৰ মুৰব্বী হিচাপে দায়িত্ব গ্ৰহণ কৰিব৷ গুৱাহাটীৰ ডনবস্ক’ স্কুলৰ প্ৰাক্তন অধ্যক্ষ আৰু নৱপ্ৰেৰণা-চাইকো-স্পিৰিচুৱেল কাউন্সেলিং ছাৰ্ভিচেছৰ সঞ্চালকগৰাকীয়ে মডাৰ্ন ইংলিছ স্কুলৰ পৰামৰ্শ বিভাগৰ মুখ্য উপদেষ্টা হিচাপে কাম কৰিব৷ তেওঁক ক্লিনিকেল ছাইক’লজিষ্ট ডৰথী ডেকা, পৰামৰ্শদাতা ধৃতি কলিতা আৰু স্বাস্থ্য আৰু কল্যাণ অনুষদৰ দেৱাহুতি ভট্টাচাৰ্যই সহযোগিতা আগবঢ়াব৷

LEAVE A REPLY

Please enter your comment!
Please enter your name here