Home Daily news মানসিক চাপে হৃদযন্ত্ৰৰ বিকলতা বৃদ্ধি কৰে

মানসিক চাপে হৃদযন্ত্ৰৰ বিকলতা বৃদ্ধি কৰে

হাৰ্ট ফেইলাৰ হৈছে এক দীৰ্ঘদিনীয়া অৱস্থা, য’ত হৃদযন্ত্ৰই  ফলপ্ৰসূভাৱে তেজ পাম্প কৰাৰ ক্ষমতা হেৰুৱাই পেলায়৷ এই দীৰ্ঘদিনীয়া অৱস্থাটো আজীৱন চিকিৎসা আৰু সামগ্ৰিক ব্যৱস্থাপনাৰ দ্বাৰা সফলতাৰে নিয়ন্ত্ৰণ কৰিব পাৰি৷ কিন্তু বিশ্বাসযোগ্য তথ্য আৰু সজাগতাৰ অভাৱ, প্ৰাচীন ধাৰণা, চিকিৎসাৰ ফলাফলৰ বিষয়ে সন্দেহে ৰোগীৰ উচ্ছ মাত্ৰাৰ মানসিক চাপত অৰিহণা যোগায়, যাৰ ফলত উদ্বেগ আৰু হতাশাৰ দৰে মানসিক সমস্যাৰ সৃষ্টি হয়৷ এই সন্দৰ্ভত গুৱাহাটীৰ কেইবাজনো বিশিষ্ট চিকিৎসকে মন্তব্য প্ৰকাশ কৰিছে৷ গুৱাহাটীৰ হায়াট হাস্পতালৰ কাৰ্ডিঅ’লজিষ্ট ডাঃ চি°¬য় মজুমদাৰে কয় যে ক্লিনিকেল পৰ্যবেক্ষণৰ ভিত্তিত হৃদযন্ত্ৰৰ বিকলতা ধৰা পৰা প্ৰায় ৪০-৫০ শতাংশ ৰোগীয়ে স্বাস্থ্যৰ ওপৰত প্ৰভাৱ পেলোৱা মানসিক চাপৰ মাত্ৰা বৃদ্ধিৰ অভিযোগ কৰে৷ 
কিন্তু ৰোগীক নিয়মীয়াকৈ নিৰীক্ষণ কৰিলে মানসিক আৰু এইচ এফ সম্পৰ্কীয় দুয়োটা বিপদৰ আগতীয়া হস্তক্ষেপত সহায় কৰাই নহয়, ইয়াৰ তীব্ৰতাও বিশ্লেষণ কৰিব পাৰি৷ আনহাতে গুৱাহাটীৰ এপ’ল’ এক্সেলকেয়াৰ হাস্পতালৰ সঞ্চালক তথা কাৰ্ডিঅ’লজি বিভাগৰ মুৰব্বী ডাঃ নীল বৰদলৈৰ মতে ভাৰতত হাৰ্ট ফেইলাৰ ৰোগীৰ গড় বয়স ৫৯ বছৰ, যিটো পশ্চিমীয়া দেশৰ ৰোগীতকৈ প্ৰায় ১০ বছৰ কম৷ উচ্ছ ৰক্তচাপ আৰু ডায়েবেটিছৰ দৰে গতানুগতিক বিপদাশংকা কাৰকৰ উপৰি বহি থকা জীৱনশৈলী, দৈনন্দিন জীৱনত মানসিক, ব্যক্তিগত, পেছাদাৰী বা পৰিৱেশগত মানসিক চাপ, উচ্ছ চেনি আৰু নিমখ সেৱন, অস্বাস্থ্যকৰ খাদ্য আৰু পৰিৱেশ প্ৰদূষণৰ বৃদ্ধি পোৱা মাত্ৰা আদি কিছুমান কাৰক, যাৰ বাবে আমাৰ জনসংখ্যাক হৃদযন্ত্ৰৰ বিকলতাৰ অধিক আশংকাত পেলাইছে৷ গতিকে সময়মতে চিকিৎসাৰ সৈতে ফলপ্ৰসূ ব্যৱস্থাপনা কৰাটো অতি গুৰুত্বপূৰ্ণ৷ উল্লেখ্য যে গৱেষণাৰ পৰা দেখা গৈছে যে প্ৰতি প্তজন হৃদযন্ত্ৰৰ বিকলতাৰ ৰোগীৰ ভিতৰত এজনেই হতাশাত ভুগিবলগীয়া হৈছিল৷ গতিকে আগতীয়া হস্তক্ষেপ আৰু সঠিক ঔষধৰ দ্বাৰা এনে ৰোগীয়ে তেওঁলোকৰ জীৱনৰ মান বহু পৰিমাণে উন্নত কৰিব পাৰে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...