Home Daily news মাধমাৰ! দাম বাঢ়িব ২১ বিধ খাদ্য সামগ্ৰীৰ

মাধমাৰ! দাম বাঢ়িব ২১ বিধ খাদ্য সামগ্ৰীৰ

অহা ১৮ জুলাইৰ পৰা বৃদ্ধি পাব ২১বিধ খাদ্য সামগ্ৰীকে ধৰি আন বহুতো সামগ্ৰীৰ দাম৷ এই দাম বৃদ্ধিয়ে পুনৰ সাধাৰণ লোকৰ মূৰত মাধমাৰ শোধাব৷ কেন্দ্ৰীয় চৰকাৰে বহুতো সামগ্ৰীত নতুনকৈ জি এছ টি  বলৱৎ কৰাৰ লগতে আন বহুতো সামগ্ৰীৰ জি এছ টি বৃদ্ধিৰ সিদ্ধান্ত লৈছে৷
 সেয়েহে ১৮ জুলাইৰ পৰা পেকেজিং কৰা তথা লেবেল থকা খাদ্য সামগ্ৰী যেনে দৈ, মৌ, মাখন, লাচ্ছি, ৱাটাৰ মিল্ক, চিৰা, পিঠাগুৰি, কৰ্নফ্লেক্স, ছয়াবিন, মটৰ আদিৰ পৰা আৰম্ভ কৰি মাছ, মাংস, পনীৰলৈকে সকলোতে পাঁচ শতাংশ জি এছ টি দিব লাগিব৷ 
কেন্দ্ৰীয় চৰকাৰে থলুৱা ক্ষুদ্ৰ উদ্যোগীয়ে প্ৰস্তুত কৰা সামগ্ৰীতো জি এছ টি আৰোপ কৰাৰ বাবে লোৱা সিদ্ধান্তৰ ফলত সৰু সৰু ব্যৱসায়ীসকলৰ মূৰত এতিয়া ৰামটাঙোন পৰিব৷ আনহাতে অহা ১৮ জুলাইৰ পৰা হোটেলত থকা আৰু চিকিৎসালয়ত ভৰ্তি হৈ চিকিৎসা কৰাও ব্যয়বহুল হৈ পৰিব৷ কিয়নো কেন্দ্ৰীয় চৰকাৰে চিকিৎসালয়ৰ কোঠাৰ মাচুল প্ৰতিদিনে ৫ হাজাৰ টকাৰ ওপৰত হ’লে ৫ শতাংশ জি এছ টি আৰোপ কৰাৰ সিদ্ধান্ত লৈছে৷ 
একেদৰে প্ৰতিদিনে ১০০০ টকাতকৈ কম মূল্যৰ হোটেলৰ কোঠাত ১২ শতাংশ কৰ দিব লাগিব৷ ইতিমধ্যে চাউল, দাইল, খোৱা তেলৰ পৰা আৰম্ভ কৰি শাক-পাচলিলৈকে প্ৰতিবিধ সামগ্ৰীৰে দাম আকাশলংঘী হৈ পৰিছে৷ ক’বলৈ গ’লে বজাৰত জুই জ্বলিছে৷ সাধাৰণ লোকসকলে এতিয়া নিমখৰ সৈতে হ’লেও দুবেলা দুসাঁজ খাবলৈকো চিন্তা কৰিবলগীয়া হৈছে৷

Most Popular

চাহৰ সৈতে বিস্কুট কিমান স্বাস্থ্যকৰ ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

চাহৰ সৈতে বিস্কুটকিমান স্বাস্থ্যকৰ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...