Home Fitness Plus মাখিৰ উপদ্ৰৱৰ পৰা ৰক্ষা পৰাৰ কৌশল

মাখিৰ উপদ্ৰৱৰ পৰা ৰক্ষা পৰাৰ কৌশল


মাখি বেক্টেৰিয়া তথা বিভিন্ন ক্ষতিকৰ জীৱাণুৰ বাহক বুলি জনা যায়৷ আমাৰ চৌপাশৰ লেতেৰা ঠাই, আৱৰ্জনা, নলা-নৰ্দমা, মল-মূত্ৰ আদিত মাখিয়ে বসতি স্থাপন কৰে৷ এইবোৰৰ পৰা উৰি আহি খাদ্যবস্তুত পৰিলে সেয়া খোৱাৰ অনুপযোগী হৈ পৰে৷ মাখিৰ ঠেঙত লাগি অহা বিভিন্ন ৰোগৰ বীজাণু সেই খাদ্যবস্তু লাগিলে বিভিন্ন ধৰণৰ ৰোগৰ সৃষ্টি হয়৷ সেয়েহে মাখিক ৰোগৰ বাহক বুলি কোৱা হয়৷ মাখিৰ এইধৰণৰ উপদ্ৰৱৰ পৰা হাত সাৰিবলৈ কিছু কৰিবলগীয়া কাম আছে৷ সেয়েহে মাখিৰ পৰা হাত সাৰিবলৈ কি কৰিব জানো আহক৷
ফল-মূল, শাক-পাচলি আদি ভালদৰে ধুই ৰাখিব৷ কেতিয়াবা পচনশীল ফলৰ সৈতে অন্য ফল ৰাখিলে এই ফলৰ ওপৰভাগ নৰম বা ঢিলা হৈ পৰে৷ ঘৰত বেছি পকা ফল ৰাখিব নালাগে৷ সামান্য পচিবলৈ ধৰিলেও ফলবোৰ পেলাই দিব লাগে, কিয়নো অত্যধিক পকা বা পচা ফলৰ প্ৰতি মাখি সহজে আকৃষ্ট হয়৷
ঘৰৰ চাৰিওফালে আৱৰ্জনা জমা নকৰিব৷ নাইবা ঘৰৰ ভিতৰতো শাক-পাচলি বা অন্য আৱৰ্জনা ঢাকি ৰাখি সেনকালে পেলাই দিয়া ব্যৱস্থা কৰিব৷ নহ’লে এইধৰণৰ আৱৰ্জনাত মাখিয়ে সহজে কণী পাৰিব পাৰে৷ অন্যহাতে লেতেৰা বস্তু পেলোৱা ডাষ্টবিনত সদায় ঢাকনি ব্যৱহাৰ কৰিব৷
ৰান্ধনি ঘৰ সদায় পৰিষ্কাৰ-পৰিচ্ছন্নকৈ ৰাখিব৷ ফ্ৰীজৰ তল, বেচিন, পাকঘৰৰ আলমিৰা আদি সদায় পৰিষ্কাৰ কৰিব৷ ৰান্ধনি ঘৰৰ গেছ অভেনত আঞ্জাৰ ৰস বা গাখীৰ আদি পৰিলে সুন্দৰকৈ চাফা কৰি দিয়ক৷ ইয়াৰ উপৰি ব্যৱহাৰ কৰা বাচন-বৰ্তন চাবোন-ডিটাৰডেণ্টেৰে পৰিষ্কাৰভাৱে ধুই শুকাই থৈ দিয়ক৷
এটা কথা মন কৰিব মাখিয়ে যাতে ঘৰত বাস কৰিব নোৱাৰে, সেইবাবে মাখিয়ে বাস কৰিব পৰা সম্ভাৱ্য ঠাইবোৰ নিৰীক্ষণত ৰাখক৷ তদুপৰি ঘৰৰ মজিয়া, ঘৰৰ চুক, আচবাব আদি লিকিউড ফ্ল’ৰ ৱাছ, ফেনাইল আদিৰে নিয়মিতভাৱে মচি দিব৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...