Home Daily news মহানগৰীত মাত্ৰ ৩০ শতাংশইহে ঘৰুৱা নলৰ পানী পায়

মহানগৰীত মাত্ৰ ৩০ শতাংশইহে ঘৰুৱা নলৰ পানী পায়

গুৱাহাটীত খোৱাপানীৰ সংকট সম্পৰ্কে আলোচনাৰ বাবে ইলোৰা বিজ্ঞান মঞ্চৰ উদ্যোগত আমবাৰীৰ  চন্দ্ৰপ্ৰভা শইকীয়ানী ভৱনত বিভিন্ন নাগৰিক সংস্থা আৰু উন্নয়ন সমিতিসমূহৰ এখন প্ৰতিনিধিত্বমূলক যৌথ সভা অনুষ্ঠিত কৰা হয়৷ ৰাষ্ট্ৰীয় তথ্য কেন্দ্ৰৰ প্ৰাক্তন উপ-সঞ্চালকপ্ৰধান দীপক গোস্বামীৰ লগতে সভাখনত মহানগৰৰ বিভিন্ন নাগৰিক সংস্থা আৰু উন্নয়ন সমিতিৰ প্ৰতিনিধিয়ে অংশগ্ৰহণ কৰি খোৱাপানী সংকটৰ সমাধানৰ দাবীত সন্মিলিত প্ৰচেষ্টা সম্পৰ্কে আলোচনা কৰে৷ গুৰুত্বপূৰ্ণ বিষয়টোৰ ওপৰত অসম চৰকাৰৰ নগৰ পানীযোগান আৰু পয়ঃপ্ৰণালী ব’ৰ্ডৰ অৱসৰপ্ৰাপ্ত মুখ্য অভিযন্তা সত্যব্ৰত শৰ্মাই মহানগৰৰ পানীযোগান আঁচনিকেইখনৰ শেহতীয়া অৱস্থা তথ্য সহকাৰে দাঙি ধৰে৷ ৰাজ্য চৰকাৰে গুৱাহাটীত চাৰিটা পানী যোগান প্ৰকল্পৰ কাম আৰম্ভ কৰিছিল৷ এইকেইটাৰ ভিতৰত ২০০৯ চনত দক্ষিণ-পশ্চিম গুৱাহাটী প্ৰকল্প, ২০১১ চনত দক্ষিণ-মধ্য গুৱাহাটী প্ৰকল্প, ২০১১ চনত উত্তৰ গুৱাহাটী প্ৰকল্প আৰু ২০১৬ চনত দক্ষিণ-পূব গুৱাহাটী প্ৰকল্পৰ নিৰ্মাণ আৰম্ভ কৰা হৈছিল৷ কিন্তু  সেইবোৰ আজিলৈকে অসম্পূৰ্ণ হৈ আছে৷ গুৱাহাটীৰ প্ৰায় তিনি লাখ পৰিয়ালৰ মাত্ৰ ৩০ শতাংশ লোকে ঘৰুৱা নলৰ পানী পাই আছে৷ বাকীবোৰ পৰিয়াল ব্যক্তিগত পানী যোগানকৰ্তা বা টিউবৱেলৰ ওপৰত নিৰ্ভৰশীল৷ ইতিমধ্যে গভীৰ নলীনাদ বা ডিপ টিউবৱেলৰ পানীৰ স্তৰ হাজাৰ ফুটৰ তললৈ নামিল আৰু অত্যন্ত ব্যয়বহুল হ’ল৷  বিভিন্ন সংগঠনৰ প্ৰতিনিধিবৰ্গই গুৱাহাটীত খোৱাপানীৰ সংকটৰ সমাধানৰ দাবীত চৰকাৰৰ ওচৰত হেঁচা প্ৰয়োগৰ বাবে মহানগৰখনৰ বিভিন্ন নাগৰিক সংস্থা আৰু উন্নয়ন সমিতিবোৰক একত্ৰিত কৰি সকলোৰে মাজত আলোচনা সাপেক্ষে যৌথ কৰ্মসূচী গ্ৰহণ কৰাৰ পৰামৰ্শ আগবঢ়ায়৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...