Home Daily news মহানগৰত বিপজ্জনকভাৱেকৰিছে ভাৰাঘৰৰ ব্যৱসায়

মহানগৰত বিপজ্জনকভাৱেকৰিছে ভাৰাঘৰৰ ব্যৱসায়

গুৱাহাটী মহানগৰত জনসংখ্যা অধিক বৃদ্ধি পোৱাৰ বিপৰীতে জধে-মধে নিৰ্মাণ কৰা হৈছে ভাৰাঘৰ৷ পৌৰ নিগমৰ অনুমতি নোলোৱাকৈয়ে একাংশই একমাত্ৰ ব্যাৱসায়িক স্বাৰ্থত নিৰ্মাণ কৰিছে অট্টালিকা আৰু ভাৰাঘৰ৷ ভাৰাঘৰ এতিয়া একপ্ৰকাৰ লাভজনক ব্যৱসায় হৈ পৰাৰ বাবেই একাংশৰ মাজত ভাৰাঘৰ নিৰ্মাণ কৰি ঘৰ ভাৰা দিয়া প্ৰতিযোগিতাৰ সৃষ্টি হৈছে৷ কিন্তু ভাৰাঘৰত থাকিবলগীয়া সুবিধা তথা প্ৰয়োজনীয় সুৰক্ষাৰ ব্যৱস্থা ঘৰৰ মালিকে নাৰাখে৷ মহানগৰৰ অধিকাংশ ঠাইতেই এতিয়া কম ঠাইতেই একাধিক জুপুৰি সাজি দি একাংশই ঘৰ ভাৰা দি আছে৷ কিন্তু আবদ্ধ ঠাইত অধিক ভাৰাঘৰ সজা কাৰ্য অধিক বিপজ্জনক৷  আনহাতে, বিভিন্ন ঠাইত অবৈধভাৱে ঘৰ নিৰ্মাণ কৰাৰ ফলতো পূৰ্বতকৈ অধিক ঠেক হৈ পৰিছে পথ-উপপথসমূহ৷
মহানগৰত এতিয়া একাংশ ভাৰাঘৰৰ মালিকে জধে-মধে ঘৰ ভাৰা দিয়াৰ ফলতেই মহানগৰত বিভিন্ন সময়ত দুৰ্ঘটনা সংঘটিত হৈ আহিছে৷ আনহাতে, মহানগৰৰ অধিকাংশ পথ ঠেক হোৱা বাবে অগ্নিকাণ্ড সংঘটিত হ’লে সেইবোৰ পথ-উপপথত সোমাব নোৱাৰে অগ্নিনিৰ্বাপক বাহিনীৰ গাড়ী৷ সেইবাবেই মহানগৰত হোৱা অগ্নিকাণ্ডৰ ঘটনাৰ সময়ত অগ্নি নিৰ্বাপণ কৰাৰ ক্ষেত্ৰত অগ্নিনিৰ্বাপক বাহিনী যথেষ্ট বিপদৰ সন্মুখীন হ’বলগীয়া হয়৷ প্ৰণিধানযোগ্যভাৱে বহু বছৰৰ আগতেই হিমন্ত বিশ্ব শৰ্মাই মহানগৰত বিপজ্জনকভাৱে বহুতো ঘৰ আছে বুলি নিজেই সদৰী কৰিছিল৷ জনবসতিপূৰ্ণ এলেকাত যাতে আৰু অধিক দুৰ্ঘটনা হ’ব নোৱাৰে, তাৰ প্ৰতি লক্ষ্য ৰাখি অগ্নি আৰু আপদকালীন বিভাগক সকলো অঞ্চল পৰিদৰ্শন কৰি সুৰক্ষাৰ ব্যৱস্থা গ্ৰহণৰ বাবেও নিৰ্দেশ দিছিল৷ কিন্তু কাৰ্যতঃ সকলো অসাৰ হ’ল৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...