Home Diet Plus বেছিকৈ পিঁয়াজ খালে কি হ’ব পাৰে ?

বেছিকৈ পিঁয়াজ খালে কি হ’ব পাৰে ?

যিমানে উপকাৰিতা নাথাকক কিয় প্ৰয়োজনতকৈ অধিক সেৱন কৰাটো যিকোনো বস্তুৱেই বেয়া৷ অত্যধিক সেৱনে ঘিউ-মৌও বিষলৈ পৰিণত হ’ব পাৰে৷ ঠিক একেদৰে পিঁয়াজ আমাৰ শৰীৰৰ বাবে লাগতিয়াল উপাদান৷ কিন্তু আপুনি যদি প্ৰয়োজনতকৈ অধিক মাত্ৰাত পিঁয়াজ গ্ৰহণ কৰে, তেন্তে বিভিন্ন ধৰণৰ সমস্যাৰ সন্মুখীন হ’ব পাৰে৷ সেয়েহে জানো আহক অধিক মাত্ৰাত পিঁয়াজ সেৱন কৰিলে স্বাস্থ্যৰ কি অপকাৰ হয়৷ বিশেষকৈ অধিক মাত্ৰাত খালে কেঁচা পিঁয়াজে আপোনাৰ স্বাস্থ্যৰ কিদৰে অনিষ্ট সাধন কৰিব পাৰে৷
পিঁয়াজত অধিক পৰিমাণে গ্লুকজ আৰু ফ্ৰুক্টজ পোৱা যায়৷ ইয়াৰ উপৰি পিঁয়াজত ফাইবাৰ বা আঁহ যথেষ্ট পৰিমাণে থাকে৷ কিছু ক্ষেত্ৰত এইধৰণৰ উপাদান হজম কৰিবলৈ সহজ নহয়৷ সেয়েহে পিঁয়াজ অধিক পৰিমাণে খালে কিছুমানৰ গেছ-এচিডিটিৰ সমস্যাই দেখা দিব পাৰে৷
কেঁচা পিঁয়াজ ব্লাড ছুগাৰৰ বাবে অপকাৰী৷ সেয়েহে ডায়েবেটিছ,উচ্চ ৰক্তচাপজনিত ৰোগত ভোগাসকলে কেঁচা পিঁয়াজ খোৱাৰ পৰা দূৰত থকাই ভাল৷ অথবা কেঁচা পিঁয়াজ খোৱাৰ আগতে চিকিৎসকৰ পৰামৰ্শ লোৱা উচিত৷ নহ’লে বিপদৰ শংকা থাকিব পাৰে৷
আপুনি যদি বেছি পৰিমাণে কেঁচা পিঁয়াজ খায়, তেন্তে সাৱধান হোৱাটো উচিত৷ অধিক পৰিমাণে পিঁয়াজ খালে বুকু জ্বলা-পোৰা কৰিব পাৰে৷
আনহাতে কেঁচা পিঁয়াজ খোৱাৰ ফলত মুখৰ পৰা ওলোৱা দুৰ্গন্ধই আনক অস্বস্তিত পেলাব পাৰে৷ ইয়ে আপোনাৰ আত্মসন্মান লাঘৱ কৰিব পাৰে৷ অফিচ-কাছাৰীলৈ যাওঁতে কেঁচা পিঁয়াজ খাই নাযাব৷ কিয়নো ইয়াৰ মুখৰ দুৰ্গন্ধই আপোনাৰ সহকৰ্মীসকলক অসুবিধাত পেলাব পাৰে৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...