Home Daily news বিষাক্ত হৈ পৰিছে গুৱাহাটীৰ বায়ুমণ্ডল

বিষাক্ত হৈ পৰিছে গুৱাহাটীৰ বায়ুমণ্ডল

গুৱাহাটী মহানগৰীৰ বায়ুমণ্ডল ক্ৰমান্বয়ে যেন বিষাক্ত হৈ পৰিছে৷ মহানগৰৰ কেইবাটাও ঠাইৰ দৈনিক গড় বায়ু মানদণ্ড সূচক (AQI) অতি দুৰ্বল হৈ পৰিছে৷ অতি উদ্বেগজনক তথ্য মতে দেশৰ ভিতৰতে প্ৰদূষিত চহৰ ৰাজধানী দিল্লীতকৈও এতিয়া গুৱাহাটী মহানগৰৰ একাধিক স্থানৰ বায়ু বিষাক্ত হৈ পৰিছে৷ চলিত বৰ্ষৰ মাৰ্চৰ প্ৰথমভাগত গুৱাহাটীৰ বায়ুৰ মানদণ্ড দুৰ্বল শ্ৰেণীত অন্তৰ্ভুক্ত আছিল যদিও বৰ্তমান এই মানদণ্ড অৰ্থাৎ AQI ৩১০লৈ বৃদ্ধি পাইছে৷ এই সময়ত গুৱাহাটীৰ বায়ুৰ মানদণ্ড অতি দুৰ্বল শ্ৰেণীত অন্তৰ্ডুক্ত হৈছে৷ যাৰ ফলত ইয়াৰ একাধিক অঞ্চল ভাৰতৰ আটাইতকৈ প্ৰদূষিত চহৰবোৰৰ ভিতৰত স্থান পাইছে৷ সাধাৰণতে AQIৰ মান ০-৫০ৰ ভিতৰত থাকিলে স্বাস্থ্যকৰ বায়ু বুলি গণ্য কৰা হয়৷ একেদৰে ৫১-১০০ৰ ভিতৰত সন্তোষজনক, ১০১-২০০ৰ ভিতৰত মধ্যমীয়া, ৩০১-৪০০ৰ ভিতৰত অতি দুৰ্বল আৰু ৪০০-৫০০ৰ ভিতৰত বিপজ্জনক বুলি গণ্য কৰা হয়৷ মহানগৰীৰ এই মান অতি দুৰ্বল শ্ৰেণীত অন্তৰ্ভুক্ত হৈছে৷ ই অতি দুৰ্বল শ্ৰেণীৰ AQIৰ ফলত শ্বাস-প্ৰশ্বাসৰ ৰোগৰ লগতে হৃদৰোগ, ছালৰ ৰোগ আদি হোৱাৰ আশংকা থাকে৷ তথ্য অনুসৰি যান-বাহনৰ চলাচল বৃদ্ধি, কল-কাৰখানাৰ ধোঁৱা, ধূলিপ প্ৰভাৱ আদিয়েই বায়ু প্ৰদূষণৰ মূল কাৰক হিচাপে দেখা দিছে৷ সেয়েহে প্ৰদূষণৰ বিৰুদ্ধে সজাগতা, সচেতনতা সৃষ্টিৰ জৰিয়তে পদক্ষেপ গ্ৰহণ কৰিলে নি(য় কম সময়ৰ ভিতৰতে প্ৰদূষণমুক্ত এখন অঞ্চল হিচাপে চিহ্নিত হ’ব৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...