Home Daily news বিশ্বত ভিতৰতে প্ৰদূষণত মৃত্যু হোৱাৰ ক্ষেত্ৰত প্ৰথম স্থান কাৰ ?

বিশ্বত ভিতৰতে প্ৰদূষণত মৃত্যু হোৱাৰ ক্ষেত্ৰত প্ৰথম স্থান কাৰ ?

এটা নতুন অধ্যয়নত কোৱা হৈছে যে সকলো ধৰণৰ প্ৰদূষণৰ কাৰণে সমগ্ৰ পৃথিৱীত ২০১৯ চনত ৯০ লাখ লোকৰ অকাল মৃত্যু হয়৷ তাৰ ভিতৰত সকলো ধৰণৰ প্ৰদূষণৰ কাৰণে ভাৰতত অকাল মৃত্যু হয় ২৩.৫ লাখৰো অধিক লোকৰ, পৃথিৱীৰ সকলো দেশৰ ভিতৰত বেছি৷ এই ২৩.৫ লক্ষাধিক লোকৰ ভিতৰত ১৬.৭ লাখৰ মৃত্যু হয় বায়ু প্ৰদূষণৰ কাৰণে৷ 
গাড়ী, ট্ৰাক আৰু উদ্যোগৰ পৰা নিৰ্গত প্ৰদূষকৰ কাৰণে ২০০০ চনৰ পৰা প্ৰদূষণত মৃত্যু হোৱা লোকৰ সংখ্যা ৫৫ শতাংশ বাঢ়িছে৷ কিন্তু খৰি, কয়লা বা আন তেনেকুৱা বস্তু ঘৰৰ ভিতৰত ব্যৱহাৰ কৰাৰ আওপুৰণি ব্যৱস্থাৰ বাবে আৰু মানুহ তথা জীৱ-জন্তুৰ বৰ্জিত বস্তুৰ কাৰণে পানীৰ প্ৰদূষণৰ ফলত মৃত্যু হোৱা লোকৰ সংখ্যা কম৷ 
প্ৰদূষণৰ কাৰণে আটাইতকৈ বেছি মানুহৰ মৃত্যু হোৱা শীৰ্ষৰ দহখন দেশৰ ভিতৰত আমেৰিকাহে একমাত্ৰ সম্পূৰ্ণৰূপে ঔদ্যোগিক ৰাষ্ট্ৰ৷ দেশখনৰ স্থান সপ্তমত৷ প্ৰদূষণৰ কাৰণে ২০১৯ চনত আমেৰিকাত ১ লাখ ৪২ হাজাৰ ৮৮৩জন লোকৰ মৃত্যু হয়৷ ‘দ্য লেনচেট প্লেনেটেৰি হেল্‌থ’ৰ এটা নতুন অধ্যয়নত এই কথা কোৱা হৈছে৷ 
অধ্যয়নটো ক’ভিড মহামাৰীৰ আগৰ পৰিস্থিতিক লৈ চলোৱা হৈছিল৷ অধ্যয়নটোত কোৱা হৈছে যে প্ৰদূষণৰ কাৰণে মৃত্যু হোৱা লোকৰ ক্ষেত্ৰত পৃথিৱীৰ ভিতৰত প্ৰথম আৰু দ্বিতীয় স্থানত আছে ক্ৰমে ভাৰত আৰু চীন৷ প্ৰদূষণৰ কাৰণে ২০১৯ চনত ভাৰতৰ পাছতে চীনত প্ৰায় ২২ লাখ লোকৰ মৃত্যু হয়৷ 
অৱশ্যে এই দুয়োখন বিশ্বৰ বৃহত্তম জনসংখ্যাৰ দেশ৷ বায়ু প্ৰদূষণৰ কাৰণে হোৱা মৃত্যুৰ [৯.৮ লাখ] গৰিষ্ঠ অংশৰ কাৰণ প্ৰদূষণ সৃষ্টিকাৰী কণা [পি এম ২.৫]৷ আন ৬.১ লাখৰ মৃত্যু হয় ঘৰৰ ভিতৰত বায়ু প্ৰদূষণৰ কাৰণে৷ বায়ু প্ৰদূষণৰ কাৰণে বিশ্বত মৃত্যু হয় ৬.৬৭ মিলিয়ন লোকৰ৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...