বছৰৰ দ্বিতীয়টো সংহাৰী বানত বন্যাৰ্ত ৰাইজৰ জীৱন যাত্ৰা দুঃসহনীয় হৈ পৰিছে৷ থানবান হৈ হৈছে বানাক্ৰান্ত লোকৰ জীৱন-জীৱিকাৰ সকলো আশা৷ সকলো হেৰুৱাই এতিয়া সৰ্বস্তান্ত হৈ অসহায় জীৱন কটাবলগীয়া পৰিস্থিতিৰ সৃষ্টি হৈছে৷ চৰকাৰী সাহায্য পাইছে যদিও সেয়া কিমান দিনলৈ পাই থাকে তাৰ কোনো নি(য়তা নাই৷ বন্যাৰ্তৰ দুখ এতিয়া কুলাই-পাচিয়ে নধৰা হৈছে৷ নাজল-নাথল অৱস্থান সন্মুখীন হৈ এইসকল লোক৷ বানত সকলো হেৰুৱাই বহু লোকে এতিয়াও আশ্ৰয় শিবিৰতে বাস কৰি আছে৷ নিজৰ সপোনৰ ঘৰখন নিমিষতে বানে উটুৱাই নিয়াত ফলত এতিয়া এই লোকসকলে পানী শুকুওৱাৰ পাছত ক’লৈ যাব, ক’ত থাকিব এইলৈও অনিশ্চয়তাই দেখা দিয়ে৷ ৰাজ্যত যোৱা দুদিনত বান পৰিস্থিতিৰ কিছু উন্নতি হৈছে যদিও এতিয়াও বানাক্ৰান্ত অঞ্চলসমূহ বাসোপযোগী পৰিৱেশ হোৱা নাই৷ বানপানী শুকোৱাৰ পাছত এতিয়া আকৌ ভূতৰ ওপৰত দাহত পৰাদি বিভিন্ন মহামাৰী ৰোগে দেখা দিব পাৰে ৷ গতিকে এইবোৰৰ পৰা ৰক্ষা পাবলৈ বন্যাৰ্ত ৰাইজে আগতীয়াকৈ কিছু সাৱধানতা অৱলম্বন কৰা দৰকাৰ৷ এনে সাৱধানতাৰ ফলত বানৰ পাছত কোনোধৰণৰ বিঘিনিয়ে যাতে দেখা নিদিয়ে, সেয়ে অত্যন্ত সাৱধান হওক এইবোৰ দিশলৈ৷
বানপানী শুকুওৱাৰ ফলত সেই অঞ্চলত প্ৰধানকৈ পানী সেৱন কৰোঁতে গুৰুত্ব দিব৷ কাৰণ কুঁৱা, দমকল আদি বহুদিনলৈ পানীত ডুব গৈ থকাৰ ফলত সেই পানী খোৱাৰ উপযোগী গৈ নাথাকে৷ বিভিন্ন বেক্টেৰিয়া, ভেঁকুৰ আদি সেই পানীত মিহলি হৈ থাকি আপোনাৰ অনিষ্ট কৰিব পাৰে৷ সেয়ে কুঁৱা, দমকল আদিত ব্লিছিং পাউডাৰ বা তেনে কীটনাশক দৰব ছটিয়াই সেই পানী উতলাই বিশুদ্ধ কৰিহে সেৱন কৰিব৷
পানী নোহোৱা হোৱাৰ পাছত সেই অঞ্চলত কলেৰা, হাইজা, গ্ৰহণী আদিৰ দৰে ৰোগ হোৱাৰ সম্ভাৱনা যথেষ্ট থাকে৷ সেয়ে খাদ্য সেৱন কৰোঁতে সাৱধানতা অৱলম্বন কৰক৷ সকলো বস্তু ভালদৰে নিৰীক্ষণ কৰি, সিজাই খোৱাৰ উপযোগী কৰি তোলক৷
আপোনাৰ ঘৰৰ আচবাব পত্ৰ, পাকঘৰৰ বাচন-বৰ্তন আদি ভালদৰে পানীত উতলাইহে ব্যৱহাৰ কৰক৷
পিন্ধা কাপোৰ কানি, বিছনাৰ সকলোবোৰ ভালদৰে ধুই-মেলিহে ব্যৱহাৰ কৰিব৷
ইয়াৰ বাহিৰেও ঘৰৰ চৌহদ, নলা-নৰ্দমাত জমা হোৱা আৱৰ্জনা, গেদ আদি পৰিষ্কাৰ কৰি তাত ব্লিছিং পাউডাৰ, ফেলাইল আদি ছটিয়াওক৷ নহ’লে জমা হোৱা আৱৰ্জনাত মহ-মাখিয়ে বংশবৃদ্ধি কৰি আপোনাৰ অনিষ্ট কৰিব পাৰে৷
বানাক্ৰান্ত অঞ্চলত পানী শুকুওৱাৰ পাছত কিদৰে সাৱধানতা অৱলম্বন কৰিব ?
Appreciation
March 31, 2022
Very informative. Helpful for people irrespective of age, gender, education and to develop fundamental knowledge on various food and beverages around us.
very useful website
November 6, 2021
For me, health is everything. Without a healthy body we cannot perform our level best. So, people, who are concern about their health, can visit this website regularly.
Strong information on health
March 12, 2021
From this website anyone can get good information on health. As health is wealth, so, following this website let’s take care for our health.