Home Daily news বন্যাৰ্তক সহায়ৰ বাবে ড্ৰন আগবঢ়াব আই আই টি, গুৱাহাটী-এ

বন্যাৰ্তক সহায়ৰ বাবে ড্ৰন আগবঢ়াব আই আই টি, গুৱাহাটী-এ

ৰাজ্যত অব্যাহত থকা ভয়াৱহ বানত আক্ৰান্ত এলেকাৰ ক্ষয়-ক্ষতি আৰু পৰিস্থিতিৰ বুজ লোৱাৰ উপৰি সাহায্য বিতৰণৰ বাবে অসম চৰকাৰক ড্ৰন প্ৰদান কৰিব আই আই টি, গুৱাহাটীয়ে৷ বানাক্ৰান্ত এলেকাৰ যোগাযোগ বিচ্ছিন্ন হৈ পৰাৰ পাছত উদ্ধাৰ আৰু সাহায্য প্ৰদানৰ সময়ত চৰকাৰক সহায় কৰিবৰ বাবে আই আই টিয়ে বিশেষ ড্ৰনৰ উন্নয়নৰ কাম আৰম্ভ কৰিছে৷ 
অসম চৰকাৰে আই আই টিক কৰা আহবানৰ পাছত এটা যৌথ প্ৰকল্প ইতিমধ্যে আৰম্ভ কৰিছে৷ আই আই টিয়ে উন্নয়ন কৰা প্ৰকল্পত গুৱাহাটী আদি এলেকাত বাৰিষা ভয়াৱহ ৰূপ ধাৰণ কৰা কৃত্ৰিম বান আৰু ভূ্‌মিস্খলন প্ৰৱণ এলেকা চিনাক্ত কৰাৰ কামতো ব্যৱহাৰ কৰিব পৰা যাব৷ 
আই আই টি, গুৱাহাটীৰ ডীন পৰমেশ্বৰ আয়াৰে কয় যে নিৰ্মাণ কৰি থকা ড্ৰনৰ সহায়ত পথ যোগাযোগ বিচ্ছিন্ন হৈ পৰা স্থানত আকাশমাৰ্গৰ পৰা পৰিস্থিতি পৰ্যবেক্ষণ কৰাৰ লগতে সাহায্য আৰু উদ্ধাৰ অভিযানত নামিব পৰা যাব৷ দুৰ্গত বন্যাৰ্ত কোন স্থানত আছে সেয়াও আকাশমাৰ্গৰ পৰা চিনাক্ত কৰি সাহায্য সেই স্থানলৈ প্ৰেৰণ কৰাত সহায় কৰিব পৰা যাব এই ড্ৰনৰ সহায়ত৷ আই আই টিয়ে এই কাম কৰিবৰ বাবে ড্ৰনছ টেক্‌ লেব্‌ নামৰ প্ৰতিষ্ঠানৰ সৈতে এটা যৌথ ষ্টাৰ্ট আপ প্ৰকল্প আৰম্ভ কৰা বুলিও তেওঁ সদৰী কৰে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...