Home Daily news প্ৰদূষণ নিয়ন্ত্ৰণ ব’ৰ্ডৰ নিৰ্দেশ পৰিৱেশ-অনুকূল দীপাৱলী পালন কৰক

প্ৰদূষণ নিয়ন্ত্ৰণ ব’ৰ্ডৰ নিৰ্দেশ পৰিৱেশ-অনুকূল দীপাৱলী পালন কৰক

পোহৰৰ উৎসৱ দীপাৱলীলৈ মাজত মাত্ৰ কেইটামান দিন বাকী৷ প্ৰতিবছৰেই  দীপাৱলীৰ সময়ত প্ৰদূষণ ৰোধ কৰিবলৈ প্ৰদূষণ নিয়ন্ত্ৰণ ব’ৰ্ডে বিভিন্ন নীতি-নিৰ্দেশনা জাৰি কৰে৷ এইবাৰো ৰাজ্যত প্ৰদূষণ নিয়ন্ত্ৰণ ব’ৰ্ডে কিছু নীতি-নিৰ্দেশনা জাৰি কৰিছে৷ প্ৰদূষণ নিয়ন্ত্ৰণ ব’ৰ্ডে  দীপাৱলীৰ সময়ত আতচবাজীৰ ফলত সৃষ্টি হোৱা শব্দ আৰু বায়ু প্ৰদূষণ নিৰীক্ষণ কৰিবলৈ গুৱাহাটী চহৰত এটা পষেকীয়া ড্ৰাইভ আৰু আন সাতখন ঠাইত দুদিনীয়া অভিযান চলাবলৈ সিদ্ধান্ত লৈছে৷ উচ্ছতম ন্যায়ালয়ৰ ৰায়ৰ কাৰ্যকৰীকৰণ নিশ্চিত কৰাৰ বাবে এই পদক্ষেপ লোৱা হৈছে৷ সেই অনুসৰি নিশা ১০ বজাৰ পৰা পুৱা ৬ বজাৰ ভিতৰত আতচবাজী ফুটোৱাৰ ক্ষেত্ৰত সম্পূৰ্ণ নিষেধাজ্ঞা আৰোপ কৰা হৈছে৷  উচ্ছতম ন্যায়ালয়ে ১২৫ ডেছিবল্‌ বা ১৪৫ ডেছিবলতকৈ অধিক শব্দৰ স্তৰ সৃষ্টি কৰা আতচবাজী নিৰ্মাণ, বিক্ৰী আৰু ব্যৱহাৰ নিষিদ্ধ কৰিছিল৷ 
সেয়ে প্ৰদূষণ নিয়ন্ত্ৰণ ব’ৰ্ডে ১৮ অক্টোবৰত গুৱাহাটী, ডিব্ৰুগড়, নগাঁও, গোলাঘাট, তেজপুৰ, শিলচৰ আৰু বঙাইগাঁৱৰ কিছুমান স্থানত দেৱালীৰ পূৰ্বে পৰিৱেশৰ বায়ুৰ মান আৰু শব্দ-স্তৰৰ নিৰীক্ষণ কৰিব৷ ইয়াৰ পাছত পুনৰ দেৱালীৰ দিনা একেধৰণৰ অভিযান চলাব৷ দেৱালীৰ প্ৰাকমুহূৰ্তত অসমৰ প্ৰদূষণ নিয়ন্ত্ৰণ ব’ৰ্ডে ৰাজ্যখনত গ্ৰীন ফট্‌কাৰ বাহিৰে সকলোধৰণৰ আতচবাজী ফুটোৱা আৰু বিক্ৰী কৰাৰ ক্ষেত্ৰত সম্পূৰ্ণ নিষেধাজ্ঞা আৰোপ কৰিছে৷ ৰাষ্ট˜ীয় সেউজ ন্যায়াধিকৰণৰ নিৰ্দেশনা অনুসৰি উৎসৱৰ বতৰত বায়ু প্ৰদূষণ নিয়ন্ত্ৰণ কৰাৰ বাবে দিয়া এই নিৰ্দেশ পৰৱৰ্তী অধিসূচনা জাৰি নকৰালৈকে বাহাল থাকিব৷ আনহাতে দীপাৱলীৰ কেইদিন দুঘণ্টাৰ বাবে গ্ৰীন ফট্‌কা, অৰ্থাৎ তুলনামূলকভাৱে পৰিৱেশ-অনুকূল ফট্‌কা ফুটাবলৈ অনুমতি দিয়া হৈছে৷ ইফালে ৰাজ্যৰ আৰক্ষী-প্ৰশাসনক আতচবাজী যোগান বন্ধ কৰিবলৈ ব্যৱস্থা হাতত ল’বলৈও কোৱা হৈছে৷  ইয়াৰ অন্যথা এই নিৰ্দেশ কোনোবাই ভংগ কৰিলে বা অবৈধভাৱে ফটকা মজুত কৰি ৰখা, বিক্ৰী কৰে লোকক ক্ষেত্ৰতো বিভাগে নিৰ্দেশ দিছে৷

Most Popular

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...