Home Daily news প্ৰথমবাৰলৈ মুকলি সৌৰজগতৰ বৃহত্তম গ্ৰহৰ সুদৃশ্য ছবি

প্ৰথমবাৰলৈ মুকলি সৌৰজগতৰ বৃহত্তম গ্ৰহৰ সুদৃশ্য ছবি

জ্যোতিৰ্বিজ্ঞানীসকলে প্ৰতিদিনে বিশ্বব্ৰহ্মাণ্ডৰ ন ন উদ্ভাৱন তথা বিভিন্ন তথ্য সংগ্ৰহৰ আপ্ৰাণ চেষ্টা চলাই আহিছে৷ বিশ্বব্ৰহ্মাণ্ডক লৈ বিজ্ঞানীসকলৰ ভিন্ন গৱেষণাই নতুন তথ্যৰ সন্ধান দিয়াৰ লগতে বিশেষ মাত্ৰা লাভ কৰিছে৷ শেহতীয়াকৈ বিশ্বৰ আটাইতকৈ বৃহৎ তথা মহাশক্তিমান দূৰবীণেৰে সৌৰজগতৰ বৃহত্তম গ্ৰহ বৃহস্পতিৰ আলোকচিত্ৰ সংগ্ৰহ কৰা হৈছে৷ জেমছ বেৱ মহাকাশ দূৰবীণ চমুকৈ জে ডব্লিউ এছ টি নামৰ দূৰবীণেৰে বৃহত্তম গ্ৰহটোৰ বিভিন্ন ছবি সংগ্ৰহ কৰিছে৷ সংগ্ৰহ কৰা আলোকচিত্ৰবোৰত বৃহস্পতি গ্ৰহটোৰ বুকুত সৃষ্টি হোৱা ধুমুহা, ইয়াৰ উপগ্ৰহ আৰু ইয়াৰ চাৰিওফালে থকা আঙঠিসদৃশ সৰ্পিল ৰেখাবোৰ স্পষ্ট হৈ পৰিছে৷ উল্লেখ্য যে ইয়াৰ পূৰ্বে বৃহস্পতি গ্ৰহৰ এনে অতুলনীয় আলোকচিত্ৰ সংগ্ৰহ কৰাটো সম্ভৱ হোৱা নাছিল৷ কেলিফৰ্নিয়া বিশ্ববিদ্যালয়ৰ বিজ্ঞানী ইমকে ডে পিটাৰে বৃহস্পতিৰ এই ৰূপক আৱিষ্কাৰ কৰাটো এক অন্যতম বৃহৎ সাফল্য বুলি উল্লেখ কৰে৷ উল্লেখ্য যে জেমছ বেৱ মহাকাশ দূৰবীণ মিছন মাৰ্কিন মহাকাশ গৱেষণা সংস্থা নাছাই চলাই আছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,