Home Daily news পৌৰ নিগমে নিৰ্মাণ কৰিব জাবৰ নিষ্কাশনৰ বিজ্ঞানসন্মত প্ৰকল্প

পৌৰ নিগমে নিৰ্মাণ কৰিব জাবৰ নিষ্কাশনৰ বিজ্ঞানসন্মত প্ৰকল্প

গুৱাহাটীৰ ২নং মঠঘৰীয়াত গুৱাহাটী পৌৰ নিগমে এক অভিযান চলায়৷ গুৱাহাটী পৌৰ নিগমৰ আয়ুক্ত দেৱাশিস শৰ্মা আৰু মধ্য আৰক্ষী জিলাৰ এ ডি চি পি পল্লৱ তামুলী এই অভিযানত উপস্থিত থাকে৷ ২নং মঠঘৰীয়াস্থিত চৰকাৰী ভূমিত দীৰ্ঘদিন ধৰি মঠঘৰীয়া ক্ৰীড়া আৰু সাংস্কৃতিক সংঘৰ নামত একাংশ লোকে বেদখল কৰি আহিছিল৷ উক্ত ভূমিখিনি একাংশ ব্যৱসায়ীয়ে বেদখল কৰি শিল, বালি ৰখাৰ লগতে বিভিন্ন যান-বাহন আদি পাৰ্কিং কৰি ৰাখিছিল৷ গুৱাহাটী পৌৰ নিগমে দখল মুক্ত কৰে অবৈধভাৱে বেদখল কৰি ৰখা এই চৰকাৰী ভূমিখিনি৷ উক্ত ভূমিখিনিৰ চাৰি ভাগৰ এভাগ ভূমিত গুৱাহাটী পৌৰ নিগমে নিৰ্মাণ কৰিব জাবৰ নিষ্পত্তিৰ বাবে সম্পূৰ্ণ বিজ্ঞানসন্মত পদ্ধতিৰে এটা প্ৰকল্প৷ প্ৰকল্পটোত সম্পূৰ্ণ বিজ্ঞানসন্মতভাৱে জাবৰ নিষ্কাশন কৰা হ’ব৷ বাকী থকা চাৰি ভাগৰ তিনি ভাগ ভূমিত মঠঘৰীয়া ৰাইজৰ বাবে নিৰ্মাণ কৰা হ’ব এখন খেলপথাৰ৷ গুৱাহাটী মহানগৰীৰ বিভিন্ন ঠাইত এনেদৰে নিৰ্মাণ কৰা হ’ব জাবৰ নিষ্কাশন প্ৰকল্প৷ প্ৰকল্প স্থান সন্দৰ্ভত তথা বেদখল মুক্ত কৰাৰ ক্ষেত্ৰত বিপথে পৰিচালিত কৰা মানুহৰ কথাত ভুল নাযাবলৈ মঠঘৰীয়াবাসীক পৌৰ নিগমৰ আয়ুক্ত দেৱাশিস শৰ্মাই আহ্বান জনাইছে৷ মঠঘৰীয়াবাসীয়ে গুৱাহাটী পৌৰ নিগমক সহযোগ কৰাৰ বাবে ধন্যবাদ জনায় আয়ুক্তগৰাকীয়ে৷ ইফালে পৌৰ নিগমৰ এই ঘোষণাক আদৰণি জনাইছে স্থানীয় ৰাইজে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...