Home Daily news পৃথিৱীৰ দৰে অবিকল গ্ৰহৰ সন্ধান লাভ বিজ্ঞানীৰ !

পৃথিৱীৰ দৰে অবিকল গ্ৰহৰ সন্ধান লাভ বিজ্ঞানীৰ !

পৃথিৱীৰ বাহিৰতো জীৱ আছে নেকি? এই লৈ নিৰন্তৰ গৱেষণা-পৰীক্ষা চলাই আছে বিজ্ঞানী মহলে৷ মহাশূন্যত তাক প্ৰতীয়মান কৰিবলৈ অহৰহ চেষ্টা কৰি থকাৰ মাজতে সেই সন্ধানৰ পথ মুকলি হৈছে৷ কাংক্ষিত সাফল্যৰ পোহৰ দেখিছে বিজ্ঞানীয়ে৷ মহাকাশত পৃথিৱীৰ দৰে অবিকল এটা গ্ৰহৰ সন্ধান লাভ কৰিছে বিজ্ঞানীয়ে৷ কানাডাৰ মনট্ৰিয়েল বিশ্ববিদ্যালয়ৰ নেতৃত্বাধীন এটা আন্তৰ্জাতিক গৱেষকৰ দলে এই বিশেষ গ্ৰহৰ সন্ধান লাভ কৰিছে৷ মহাকাশ বিজ্ঞানীসকলে এই গ্ৰহটোৰ নাম ৰাখিছে টি অ’ আই ১৪৫২ বি বা ছুপাৰ আৰ্থ৷ নাছাৰ এক বিবৃতিত জানিব পৰা গৈছে যে সৌৰমণ্ডলৰ কেইবাটাও উপগ্ৰহৰ সৈতে এই ছুপাৰ আৰ্থৰ বহু মিল আছে৷ বৃহস্পতিৰ উপগ্ৰহ গেনিমিড, কেলিষ্ট তথা শনিৰ উপগ্ৰহ টাইটান, এনজিলাডৰ ভিতৰত এখন মহাসমুদ্ৰ লুকাই আছে বুলি অনুমান কৰা হয়৷ সেই জলৰাশিত আছে বৰফৰ নিচিনা চাপ৷ অনুমান কৰা মতে এই নতুন গ্ৰহটো পৃথিৱীতকৈ বহু ডাঙৰ৷

পৃথিৱীৰ আয়তনকৈ এই গ্ৰহটোৰ আয়তন ৭০ শতাংশ বেছি৷ ইয়াতো পৃথিৱীৰ দৰে গভীৰ সমুদ্ৰ আছে৷ সকলোতকৈ আকৰ্ষণীয় হৈছে এই গ্ৰহটোৰ প্ৰদক্ষিণৰ বৈশিষ্ট্য৷ গ্ৰহটোৰ চাৰিওদিশে একেলগে দুটা নক্ষত্ৰ ঘূৰে৷ আমাৰ পৃথিৱীৰ আলোকবৰ্ষ এই গ্ৰহটোৰ ১০০ আলোকবৰ্ষ দূৰত৷ ছুপাৰ আৰ্থ পৃথিৱীতকৈ পাঁচ গুণ ডাঙৰ৷ বিজ্ঞানীসকলে জনাইছে যে ছুপাৰ আৰ্থৰ ভিতৰত এক বিশাল সমুদ্ৰ আছে৷ সমগ্ৰ পৃথিৱীৰ যিমান পানী আছে, ছুপাৰ আৰ্থৰ মাত্ৰ এক শতাংশ ভৰৰ সমান৷ ছুপাৰ আৰ্থত ১১ দিনত এটা বৰ্ষ সম্পূৰ্ণ হয়৷ কাৰণ এটা নক্ষত্ৰক প্ৰদক্ষিণ কৰিলে এই গ্ৰহটোৰ ১১ দিন সময় লাগে৷

ছুপাৰ আৰ্থত তৰল অৱস্থাত পানী থকাটো সম্ভৱ হৈছে বুলি জনাইছে গৱেষকৰ দলটোৱে৷ আন নক্ষত্ৰৰ চাৰিওফালে এই গ্ৰহটো ঘূৰিবলৈ সময় লাগে এহেজাৰ চাৰিশ বছৰ৷ একশ আলোকবৰ্ষ দূৰত্বৰ এই গ্ৰহত সঁচাকৈয়ে পানী আছে নে নাই, সেই বিষয়ে অধিক জানিবলৈ আৰু পৰ্যবেক্ষণৰ প্ৰয়োজন আছে বুলি বিজ্ঞানী জানিবলৈ দিয়ে৷ একাংশই কৈছে পানীৰ অৱস্থিতি পালেও এই গ্ৰহত জীৱ থকা সম্ভৱপৰ নহয়৷ তেওঁলোকে ধাৰণা কৰিছে যে আদ্যোপান্ত পাথৰে গ্ৰহটিত সামান্য হাইড্ৰজেন বা হিলিয়াম থাকিবও পাৰে৷ জেমছ ৱেব স্পেচ টেলিস্কোপৰ সহায়ত এই গ্ৰহটোৰ বিষয়ে আৰু অধিক তথ্য লাভ কৰিব পৰা যাব বুলি বিজ্ঞানীসকলে সদৰী কৰিছে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...