পিজ্জা আৰু ঠাণ্ডা পানীয় এনেকুৱা এটা কম্বিনেশ্যন, যাক ভাল নোপোৱা মানুহ একেবাৰে নাই৷ পিজ্জাত থকা চিজ আৰু ঠাণ্ডা পানীয়ৰ মিঠা সোৱাদে দুয়োটাৰে সোৱাদক দুগুণ কৰি তোলে৷ কিন্তু এই দুয়োবিধ খাদ্য একেলগে খোৱাটো শৰীৰৰ কাৰণে যে অপকাৰী, এই কথা আপুনি জানেনে?
হয়, এই দুইবিধ খাদ্য জাংকফুডৰ অন্তৰ্গত৷ আৰু এই কথা আমি সকলোৱে জানো যে জাংকফুড আমাৰ দেহৰ কাৰণে হেল্থি নহয়৷ পিজ্জা আৰু ঠাণ্ডা পানীয়ৰ কম্বিনেশ্যনৰ ক্ষেত্ৰতো একেই কথা খাটে৷ কিয়নো ঠাণ্ডা পানীয়ত ছ’ডা থাকে আৰু পিজ্জা আৰু ছ’ডা একেলগে খালে ব্লাড ছুগাৰ বৃদ্ধি, ওজন বৃদ্ধি আদি হ’ব পাৰে৷
ছ’ডা আৰু পিজ্জা নাইবা যিকোনো উচ্চ পৰিমাণৰ ফ্ৰুক্টজ কৰ্ন ছিৰাপ আৰু ৰিফাইণ্ড কাৰ্বহাইড্ৰেট থকা খাদ্য একেলগে খালে আমাৰ অধিক ভোক লাগে৷ অৱশ্যে এই ভোক স্বাভাৱিক ভোক নহয়৷ ফলত কিমান খোৱা হয় গমেই পোৱা নাযায়৷ লগতে পিজ্জাত ২৮৫-৭০০ কেলৰি পোৱা যায়৷ ফলস্বৰূপে ওজন বৃদ্ধিৰ সমস্যাই দেখা দিয়ে৷
ইয়াৰ উপৰি ছ’ডাত থকা উচ্চ পৰিমাণৰ নিমখ, ফ্ৰুক্টজ কৰ্ন ছিৰাপ আৰু কেফেইনে পিজ্জাৰ লগত লগ লাগি ডায়েবেটিছ, হাই ব্লাড প্ৰেছাৰ, হাৰ্টৰ সমস্যাৰ সৃষ্টি কৰিব পাৰে৷
যিহেতু পিজ্জাত প্ৰ’টিন আৰু কাৰ্বহাইড্ৰেট পোৱা যায়, সেয়েহে ই ঠাণ্ডা পানীয়ত থকা প্ৰচুৰ পৰিমাণৰ চেনিৰ লগত লগ লাগি আপোনাৰ হজম প্ৰক্ৰিয়াৰ গতি মন্থৰ কৰিব পাৰে৷
