Home Fitness Plus পাইলছৰ সমস্যা ভুগিছে নেকি? এইবিধ পাচলি খাওক

পাইলছৰ সমস্যা ভুগিছে নেকি? এইবিধ পাচলি খাওক

বিশ্বত দিনক দিনে পাইলছ বা অৰ্শ ৰোগত ভোগা লোকৰ সংখ্যা অভাৱনীয়ভাৱে বৃদ্ধি পাইছে৷ প্ৰতিবছৰে ৫০ শতাংশৰো বেছি মানুহ এই ৰোগৰ চিকাৰ হৈছে৷ সাধাৰণতে ৫০ বছৰৰ ওপৰৰ ক্ষেত্ৰত এই ৰোগত আক্ৰান্ত হোৱা বেছি দেখা যায়৷ অধিকসংখ্যক মানুহৰ দেহত অৰ্শ বা পাইলছে দেখা দিলে লজ্জাবোধ কৰি বেমাৰটো লুকুৱায়, যাৰ ফলত পাছলৈ এয়ে ভয়াৱহ ৰূপ ল’ব পাৰে৷ অত্যন্ত কষ্টদায়ক এইবিধ ৰোগ যিসকলৰ হয়, তেওঁলোকেহে ইয়াৰ যন্ত্ৰণা অনুভৱ কৰে৷ অৰ্শত আক্ৰান্ত হ’লে মলদ্বাৰৰ অংশ ফুলি উঠে, মল ত্যাগৰ সময়ত অস্বাভাৱিক বিষ অনুভৱ হয়, মলদ্বাৰত জ্বলা-পোৰা ভাব, শৌচৰ লগত তেজ ওলায়, মলদ্বাৰৰ কাষত ফোঁহা ওলায় আৰু এই ফোঁহা ফাটি তেজ নিৰ্গত হৈ ৰোগীজনক দুৰ্বল, নিশকতীয়া কৰে৷ এই ৰোগত ভুগিছে বহুতো চিকিৎসা পদ্ধতি গ্ৰহণ কৰা হয়৷ ইয়াৰ লগতে চিকিৎসকে নানা পৰামৰ্শ দিয়ে যদিও ঘৰুৱাভাৱে এই ৰোগত পৰা হাত সাৰিব পাৰি৷ সহজে বাৰীত পোৱা ওলৰ সহায়ত অৰ্শ ৰোগত পৰা নিৰাময় পাব পাৰি৷ ওল খালে পাইলছৰ পৰা মুক্তি পোৱা যায় লগতে একাধিক শাৰীৰিক সমস্যা ওলে নিৰাময় কৰিব পাৰে৷
আয়ুৰ্বেদ মতে ওল নিয়মিতভাৱে খালে কোষ্ঠকাঠিন্য সমস্যাৰ দূৰ হয়৷ যিসকল লোকে পেটৰ বিষত ভুগি আছে, কৃমিৰ পৰা উপশম পাবলৈ, গেছৰ সমস্যা, এচিডিটি আদিৰ পৰা নিৰাময় পাবলৈ ওল যথেষ্ট উপকাৰী৷ ওলত ভিটামিন-বি৬, ভিটামিন-বি১, ৰাইবোফ্লেভিন, ফলিক এচিড, নিয়াছিন, ভিটামিন-এ, কেৰোটিন আদি প্ৰচুৰ পৰিাণে থাকে৷ ইয়াৰ উপৰি ওলত প্ৰ’টিন, পটেচিয়াম, ফাইবাৰ পোৱা যায়, যি শৰীৰৰ বিভিন্ন ৰোগৰ নিৰ্মূলত সহায় কৰে৷ পাইলছ নিৰাময়ৰ বাবে ওলৰ উপৰি মিঠা আলু, গাজৰ, তৰমুজ আদি খাদ্য তালিকাত ৰাখিব লাগে৷ আনহাতে মছলাযুক্ত খাদ্য কমকৈ খোৱা, এলকহল বৰ্জন কৰা, দুগ্ধজাত খাদ্য, পনীৰ, চিজ, মাখন আদি এৰাই চলিলে পাইলছ বা অৰ্শ ৰোগৰ পৰা হাত সাৰিব পাৰি৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,