Home Daily news নৱপ্ৰজন্মক অসমৰ গ্ৰাম্য কৃষি অৰ্থনীতিক আগুৱাই নিয়াৰ আহ্বান

নৱপ্ৰজন্মক অসমৰ গ্ৰাম্য কৃষি অৰ্থনীতিক আগুৱাই নিয়াৰ আহ্বান

নলবাৰীৰ পাগলাদিয়া ৰিজৰ্টত একাংশ নিবনুৱা যুৱকে ‘শংকৰদেৱ জৈৱিক কৃষি ফাৰ্ম’ খুলি ৮০ বিঘা মাটিত ৰঙালাওৰ খেতি কৰি উপাৰ্জন লাভ কৰিবলৈ সক্ষম হৈছে৷ কৃষি মন্ত্ৰী অতুল বৰাই এই ফাৰ্মখন পৰিদৰ্শন কৰি কয় যে অসমে কৃষি-অৰ্থনীতিৰ বুনিয়াদ গঢ়াৰ বাবে সংকল্প লৈছে৷ কৃষিৰ উৎপাদন, ফচল বৃদ্ধি আদিৰ লক্ষ্যৰে যাতে অসমে অসমৰ উৎপাদিত সামগ্ৰীৰে বহিঃৰাজ্যৰ লগতে বিদেশৰ বজাৰো দখল কৰিব পাৰে তাৰ বাবে অসমে বিশেষ ব্যৱস্থা গ্ৰহণ কৰিছে৷ তেওঁ আৰু কয় যে কৃষকে কৃষিৰ আয় বৃদ্ধি আৰু জি ডি পি বৃদ্ধিৰ লগতে এক যুগান্তকাৰী অৰ্থনৈতিক বিপ্লৱৰ জৰিয়তে প্তখন অগ্ৰণী ৰাজ্যৰ ভিতৰত অসমকো আগবঢ়াই নিব লাগিব৷ অসম চৰকাৰে কৃষিজাত সামগ্ৰী ৰপ্তানি
তো গুৰুত্ব দিছে৷ ৰাষ্ট্ৰীয় আৰু আন্তঃৰাষ্ট্ৰীয় বজাৰত অসমৰ কৃষিজাত সামগ্ৰীয়ে ইতিমধ্যে স্থান লাভ কৰিবলৈ সক্ষম হৈছে৷ ইয়াৰ লগতে উদ্যান শস্যৰ শ্ৰীবৃদ্ধিৰ ক্ষেত্ৰতো কৃষি বিভাগে গুৰুত্ব দিছে৷ মন্ত্ৰীগৰাকীয়ে আৰু কয় যে কৃষিৰ প্ৰতি অসমৰ যুৱ প্ৰজন্মৰ আগ্ৰহ বৃদ্ধি কৰিবৰ বাবে কেতবোৰ ব্যৱস্থা গ্ৰহণ কৰা হৈছে আৰু নতুন প্ৰজন্মই নিজেও উদ্যান শস্যৰে জড়িত হৈ অসমৰ গ্ৰাম্য কৃষি-অৰ্থনীতিক আগুৱাই নিব লাগে৷ ইপিনে খেতিয়কক পাৱাৰ টিলাৰ, ফচল আৰু বীজ ব্যাপক পৰিমাণত যোগান ধৰা হৈছে৷ সেয়ে কৃষকে একেডৰা মাটিতে বিভিন্ন শস্যৰ খেতি কৰিব লাগে৷ অসমত অচিৰেই আন্তঃৰাষ্ট্ৰীয় পৰ্যায়ৰ এখন প্ৰদৰ্শনী অনুষ্ঠিত কৰা হ’ব বুলিও মন্ত্ৰীগৰাকীয়ে জানিবলৈ দিয়ে৷ উল্লেখ্য যে এই কৃষি ফাৰ্মে ২০১২ চনৰ পৰা ৰঙালাওৰ খেতিৰ জৰিয়তে অৰ্থনৈতিক ভেটি গঢ়ি তুলিছে৷ এইবেলি ৰঙালাও বিক্ৰী কৰি ২০ লাখ টকা উপাৰ্জন কৰাৰ লক্ষ্য বান্ধি লৈছে এই ফাৰ্মখনে৷ এই ফাৰ্মখনেই গঢ়ি তুলিছে পাগলাদিয়া ৰিজৰ্ট৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...