Home Daily news নোহোৱা হ’ব ১৫ বছৰ পুৰণি বাহন

নোহোৱা হ’ব ১৫ বছৰ পুৰণি বাহন

প্ৰদূষণৰ প্ৰতি লক্ষ্য ৰাখি ৰাজ্য চৰকাৰখনে ১৫ বছৰৰ পুৰণি গাড়ীসমূহ ৰাজ পথৰ পৰা নোহোৱা কৰিবলৈ আঁচনি প্ৰস্তুত কৰিছে৷ সেই অনুসৰি পুৰণি গাড়ীসমূহ নষ্ট কৰি পেলাবলৈ মুখ্যমন্ত্ৰী ড॰ হিমন্ত বিশ্ব শৰ্মাৰ নেতৃত্বাধীন ৰাজ্য চৰকাৰখনে কাৰ্যকৰী কৰিবলৈ ওলাইছে স্ক্ৰেপেজ আঁচনিখন৷ এই আঁচনি অনুসৰি চৰকাৰে প্ৰথমে অহা ডিচেম্বৰ মাহৰ ভিতৰত ১৫ বছৰৰ পুৰণি সকলো চৰকাৰী বাহন স্ক্ৰেপেজ কৰাৰ লক্ষ্য নিৰ্ধাৰণ কৰিছে৷ জানিব পৰা মতে ৰাজ্য চৰকাৰখনে ইতিমধ্যে ১৫ বছৰৰ পুৰণি চৰকাৰী গাড়ীসমূহৰ তালিকা প্ৰস্তুত কৰি উলিয়াইছে৷ 
আনহাতে চৰকাৰী বাহনৰ উপৰি ব্যক্তিগত বাহনৰ ক্ষেত্ৰতো  ১৫ বছৰৰ পুৰণি বাহন যাতে ৰাজপথত নচলে, তাৰ বাবেও কঠোৰ ব্যৱস্থা গ্ৰহণ কৰিব পৰিবহণ বিভাগে৷ এই ক্ষেত্ৰত ১৫ বছৰৰ পুৰণি বাহনসমূহ ৰাজপথত চলাবলৈ হ’লে অধিক কৰ আদায় দিব লাগিব৷ আনহাতে কোনো লোকে ১৫ বছৰৰ পুৰণি বাহনখন স্ক্ৰেপ কৰাৰ পাছত নতুন বাহন ক্ৰয় কৰিব খুজিলে তেওঁক ২৫ শতাংশ কৰ ৰেহাই দিয়াৰো সিদ্ধান্ত লৈছে ৰাজ্য চৰকাৰখনে৷ উল্লেখ্য যে কিছুদিনৰ পূৰ্বে ৰাজ্য চৰকাৰখনে নতুন স্ক্ৰেপেজ নীতি ২০২২ত অনুমোদন জনাইছিল৷ ইয়াৰ পাছতে  প্ৰথমেই  পুৰণি চৰকাৰী বাহনসমূহ নষ্ট কৰাৰ বাবে ৰাজ্য চৰকাৰখনে গ্ৰহণ কৰা সিদ্ধান্ত বিশেষ লক্ষণীয় হৈ পৰিছে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...