ডাব নাৰিকলৰ পানীৰ উপকাৰিতাৰ বিষয়ে আপোনালোকে নিশ্চয় জানে৷ ইয়াৰ সেৱনে আমাৰ শৰীৰটোক ইলেক্ট্ৰলাইটছেৰে পৰিপূৰ্ণ কৰি দেহত পানীৰ সমতা স্থাপন কৰাত সহায় কৰে৷ পিছে ডাব নাৰিকলৰ পানী খোৱাৰ উপৰি আপুনি কেতিয়াবা মুখত লগাই পাইছেনে? যদি নাই তেন্তে আজিয়েই আৰম্ভ কৰক আৰু পাওক আচৰিত লাভ৷(১) দৈনিক নাৰিকলৰ পানীৰে মুখ ধুলে ছালৰ উজ্জ্বলতা বৃদ্ধি হয়৷ যদি অধিক সুফল লাভ কৰিব বিচাৰিছে, তেন্তে নাৰিকলৰ পানীৰ লগত হালধি আৰু ৰঙা চন্দন মিশ্ৰণ কৰি লগাব পাৰে৷ এই উপকৰণে আপোনাৰ ছাল দাগবিহীন তথা মসৃণ কৰাত সহায় কৰিব পাৰে৷
(২) নাৰিকলৰ পানীক মইশ্বৰাইজাৰ হিচাপে ব্যৱহাৰ কৰিব পাৰে৷ ই ছালৰ পৰা তেলেতীয়া ভাব নাইকিয়া কৰাত সহায় কৰে৷ তেলেতীয়া ছালৰ লোকৰ বাবে ই উত্তম৷
(৩) ৰ’দে পোৰা ছালতো নাৰিকলৰ পানী বিশেষভাৱে কাৰ্যকৰী৷ ইয়াৰ বাবে মুলটানি মাটিৰ লগত নাৰিকলৰ পানী মিশ্ৰণ কৰি লগাব লাগে৷
(৪) দৈনিক নাৰিকলৰ পানী মুখত লগালে ব্লেকহেডছ, একণী, পিম্পল, ব্লেমিছ আদিৰ পৰা হাত সাৰিব পাৰি৷
(৫) আপোনাৰ যদি ছালখন শুকান হয়, তেন্তে নাৰিকলৰ পানীয়ে এই সমস্যা নিৰাময় কৰিব পাৰে৷
