Home Daily news ধান খেতিৰ সমন্বয়ত মোৱা মাছ পালন

ধান খেতিৰ সমন্বয়ত মোৱা মাছ পালন

মৰিগাঁও জিলা মীন বিভাগৰ জৰিয়তে ৰূপায়ণ কৰি থকা বিশ্ব বেংকৰ সাহায্যপ্ৰাপ্ত ‘অসম কৃষি বাণিজ্য আৰু গ্ৰাম্য ৰূপান্তৰকৰণ প্ৰকল্প’ (এপাৰ্ট)ৰ অধীনত ধান খেতিৰ সমন্বয়ত মীন পালন আঁচনিৰ হিতাধিকাৰীসকলৰ মাজত মোৱা মাছ ধাননি পথাৰত মেলি দিয়া আঁচনিখনৰ শুভাৰম্ভ কৰা হয়৷ মৰিগাঁও জিলা মীন উন্নয়ন বিষয়া ভাস্কৰ জ্যোতি নাথৰ নেতৃত্বত জিলাখনৰ এপাৰ্ট টীমৰ দ্বাৰা এই বিশেষ প্ৰশিক্ষণ মৈৰাবাৰী উন্নয়ন খণ্ডত আয়োজন কৰা হয় আৰু অঞ্চলটোৰ প্ৰায় পঞ্চাশজন মীনপালকে অংশগ্ৰহণ কৰে৷ উল্লেখ্য যে এই আঁচনিৰ জৰিয়তে ধাননি পথাৰত বিশেষ ব্যৱস্থা কৰি কমন কাৰ্প, ভাঙোন, মিৰিকা আদি মাছ পালন কৰি অহা হৈছিল যদিও এই বছৰৰ পৰা অধিক উৎপাদনক্ষম মাছ যেনে জয়ন্তী ৰৌ, আমূৰ কাৰ্প আৰু সৰু মাছ যেনে মোৱা মাছ পালনৰ ব্যৱস্থা কৰা হৈছে৷ এই বিশেষ প্ৰশিক্ষণকালত উপস্থিত থাকি বিশ্ব বেংকৰ আঁচনিখনৰ মীন সমন্বয়ক ড॰ সঞ্জয় শৰ্মাই মোৱা মাছত যথেষ্ট পৰিমাণৰ কেলচিয়াম, আইৰন আৰু ভিটামিন-এ থকাৰ কথা ব্যক্ত কৰি এইবোৰ মাছ গৰ্ভৱতী মহিলা আৰু শিশুৰ বাবে যে অধিক উপযোগী সেই সংক্ৰান্তত বিস্তৃত তথ্য আগবঢ়ায়৷ মৰিগাঁও জিলা মীন বিভাগৰ এপাৰ্টৰ নডেল বিষয়া আনোৱাৰ হুছেইন খান, মীন কাৰিকৰী পৰামৰ্শদাতা ক্ৰমে আবু চুভান আৰু ৰোহিণী কুমাৰ নাথে প্ৰশিক্ষাৰ্থীসকলক ক্ষেত্ৰভিত্তিক পৰামৰ্শ আগবঢ়ায়৷ এনে প্ৰচেষ্টাত জিলাখনত সৰু মাছৰ উৎপাদন আৰু ইয়াৰ সেৱনৰ প্ৰতি ৰাইজৰ মাজত সজাগতা বৃদ্ধি পাব বুলি আশা কৰিব পাৰি বুলি একাংশ লোকে মন্তব্য কৰিছে৷

Most Popular

চাহৰ সৈতে বিস্কুট কিমান স্বাস্থ্যকৰ ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

চাহৰ সৈতে বিস্কুটকিমান স্বাস্থ্যকৰ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...