Home Daily news ধঁপাত সেৱনৰ ভয়াৱহতাক লৈ কি ক’লে মুখ্যমন্ত্ৰীয়ে ?

ধঁপাত সেৱনৰ ভয়াৱহতাক লৈ কি ক’লে মুখ্যমন্ত্ৰীয়ে ?

এখন শক্তিশালী ধঁপাত বিৰোধী আইনৰ দাবীৰে গুৱাহাটীত কনজুমাৰ্ছ লিগেল প্ৰটেক্‌শ্যন ফ’ৰাম, অসম আৰু কনজুমা ভয়েচ, নতুন দিল্লীৰ উদ্যোগত তথা অসম চাইকেলিং সন্থা আৰু গুৱাহাটী চাইকেলিং কমিউনিটিৰ সহযোগত চাইকেলাথন কাৰ্যসূচী অনুষ্ঠিত হয়৷ 
এই কাৰ্যসূচীত উপস্থিত থাকি মুখ্যমন্ত্ৰী ড॰ হিমন্ত বিশ্ব শৰ্মাই ৰাজ্যৰ বিভিন্ন প্ৰান্তৰ পৰা অহা তিনি শতাধিক যুৱ চাইকেলিষ্টক উৎসাহিত কৰে৷ ইয়াৰ পূৰ্বে বিশ্ব ধঁপাত বিৰোধী দিৱস উপলক্ষে খানাপাৰাৰ পশু চিকিৎসা মহাবিদ্যালয় খেলপথাৰৰ পৰা আৰম্ভ হোৱা চাইকেলাথন কাৰ্যসূচীৰ ফ্লেগ অফ কৰি আনুষ্ঠানিকভাৱে আৰম্ভ কৰে স্বাস্থ্য বিভাগৰ প্ৰধান সচিব অবিনাশ যোশী
অসম আৰক্ষীৰ অপৰাধ অনুসন্ধান শাখাৰ আই জি পি দেৱৰাজ উপাধ্যায়, ডাঃ বি বৰুৱা কৰ্কট প্ৰতিষ্ঠানৰ সঞ্চালক ডাঃ অমল চন্দ্ৰ কটকী, উপ কৰ আয়ুক্ত ফুলেশ্বৰ বসুমতাৰী, নৰ্থ ইষ্ট কেঞ্চাৰ ইন্‌ষ্টিটিউট এণ্ড ৰিছাৰ্চ চেণ্টাৰৰ সঞ্চালক ডাঃ মুনীন্দ্ৰ নাৰায়ণ বৰুৱাই৷ 
শেহতীয়া গ্ল’বেল য়ুথ টবাক ছাৰ্ভেৰ উদ্ধৃতি দি বক্তাসকলে কয়  যে ভাৰতৰ ১৩-১৫ বছৰ বয়সৰ এক পঞ্চমাংশ ছাত্ৰ-ছাত্ৰীয়ে ধঁপাত সেৱন কৰে৷  কৰ্কট ৰোগৰ অন্যতম কাৰণ ধঁপাত সেৱন বুলিও তেওঁলোকে সতৰ্ক কৰি দিয়ে৷ তেওঁলোকে ধঁপাত ব্যৱহাৰৰ ভয়াৱহতাৰ বিষয়ে ব্যাখ্যা আগবঢ়ায়৷ 
খানাপাৰাৰ পৰা উলুবাৰী হৈ পুনৰ খানাপাৰালৈ উভতি অহা চাইকেলিষ্টসকলে ধঁপাত বিৰোধী আইন শক্তিশালী কৰা, যুৱ প্ৰজন্মক ধঁপাতৰ ভয়াৱহতাৰ পৰা ৰক্ষা কৰা, ধঁপাত বিক্ৰীৰ ক্ষেত্ৰত অনুজ্ঞাপত্ৰৰ ব্যৱস্থা আৰম্ভ কৰা আদি সন্দৰ্ভত সৰ্বসাধাৰণ লোকৰ মাজত ব্যাপক সজাগতা অভিযান চলায়৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...