Home Daily news দেশৰ বিভিন্ন ঠাইত বিক্ৰী হৈছে অসমৰ শিশু-মহিলা

দেশৰ বিভিন্ন ঠাইত বিক্ৰী হৈছে অসমৰ শিশু-মহিলা

দেশৰ বিভিন্ন প্ৰান্তত পণ্যৰ দৰে বিক্ৰী হৈছে অসমৰ মহিলা-যুৱতী৷ চাকৰিৰ প্ৰলোভন দি অথবা প্ৰেমৰ নাটক কৰি বোৱাৰী-যুৱতীক অসমৰে একাংশ মানৱ সৰবৰাহকাৰীৰ এজেণ্টে দিল্লী, হাৰিয়ানা আদি বিভিন্ন স্থানত লৈ গৈ বিক্ৰী কৰে৷ জামুগুৰিহাটৰ এগৰাকী তিনিটা সন্তানৰ মাতৃক হাৰিয়ানাত বিক্ৰী কৰাৰ পাছত পলাই আহি অসমত উপস্থিত হোৱাত পোহৰলৈ আহিছে মানুহক বেচা-কিনা কৰাৰ বৃহৎ বজাৰৰ ভয়ংকৰ তথ্য৷ জামুগুৰিহাট অঞ্চলৰ এগৰাকী মহিলা তিনি সন্তানসহ ছমাহ পূৰ্বে সন্ধানহীন হৈছিল৷  কিন্তু  নিৰুদিষ্ট মহিলাগৰাকী আহি উপস্থিত হৈ নিজ সন্তানকেইটাক বিচাৰি জামুগুৰিৰ থানাত গোচৰ দিয়াতহে সমগ্ৰ ঘটনা পোহৰলৈ আহে৷ মহিলাগৰাকীয়ে আৰক্ষীক জানিবলৈ দিয়া অনুসৰি, জামুগুৰিৰ জয়সিদ্ধিৰ বিতু বৰা যুৱকজনে মহিলাগৰাকীৰ তিনিটা সন্তানৰ দায়িত্ব ল’ম বুলি প্ৰতিশ্ৰুতি দি দিল্লীলৈ নি এটা অসৎ চক্ৰৰ হাতত প্ৰায় ডেৰ লাখ টকাৰ বিনিময়ত বিক্ৰী কৰে৷ ইয়াৰ পাছত দিল্লীৰ চক্ৰটোৱে হাৰিয়ানাত কোনো এজন ব্যক্তিৰ লগত মহিলাগৰাকীক বিয়া দিয়ে৷ ইয়াৰ বিনিময়ত দিল্লীৰ চক্ৰটোৱে হাৰিয়ানাৰ দৰাৰ পৰা বৃহৎ পৰিমাণৰ ধন আদায় কৰে৷ মহিলাগৰাকীয়ে জামুগুৰি আৰক্ষী থানাত ঘটনা সন্দৰ্ভত এজাহাৰ দাখিল কৰাত আৰক্ষীয়ে তদন্ত আৰম্ভ কৰে৷ শোণিতপুৰ আৰক্ষীয়ে মহিলাগৰাকীৰ এজাহাৰৰ ভিত্তিত তদন্ত চলাই অভিযুক্ত বিতুক গ্ৰেপ্তাৰ কৰাত সকলো তথ্য পোহৰলৈ আহে৷ এই তথ্যৰ ভিত্তিত শোণিতপুৰ আৰক্ষীয়ে অৰুণাচল আৰক্ষীৰ সহযোগত এটা বিশেষ দল গঠন কৰি অভিযান আৰম্ভ কৰে৷ শোণিতপুৰ আৰক্ষী অধীক্ষকগৰাকীয়ে লগতে কয় যে জিলাখনত সংঘটিত মানৱ সৰবৰাহ ঘটনা ৰোধ কৰাৰ উদ্দেশ্যে এণ্টি হিউমেন ট্ৰেফিকিং ইউনিট ইতিমধ্যে গঠন কৰা হৈছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,