Home Daily news দেশৰ চতুৰ্থখন চি এন চেণ্টাৰ উদ্বোধন কেন্দ্ৰীয় গৃহ মন্ত্ৰীৰ

দেশৰ চতুৰ্থখন চি এন চেণ্টাৰ উদ্বোধন কেন্দ্ৰীয় গৃহ মন্ত্ৰীৰ

কেন্দ্ৰীয় গৃহ মন্ত্ৰী অমিত শ্বাহে জি এম চি  এইচৰ সৈতে সংলগ্ন দেশৰ চতুৰ্থখন চি এন চেণ্টাৰ [কাৰ্ডিঅ’থৰাচিক এণ্ড নিউৰ’ছায়েন্সেছ চেণ্টাৰ]ৰ শুভ উদ্বোধন কৰে৷  গৃহ মন্ত্ৰীজনে কয় যে অসম এতিয়া দ্ৰুতগতিত বিকাশৰ দিশে গতি কৰিছে৷ 
শ্বাহে কয় যে অসম চৰকাৰৰ বৰ্ষপূৰ্তিৰ প্ৰাক্‌সন্ধ্যা এই চিকিৎসালয়ৰ জৰিয়তে ৰাজ্যবাসীলৈ চৰকাৰখনে এক উল্লেখযোগ্য উপহাৰ আগবঢ়াইছে৷ বিজেপি চৰকাৰ অহাৰ পাছত যোৱা ছয় বছৰত অসম স্বাস্থ্য সেৱাৰ দিশত কেৱল উত্তৰ-পূবতে নহয়– চুবুৰীয়া দেশসমূহৰ মাজতো কেন্দ্ৰভূমিলৈ পৰিণত কৰাৰ চেষ্টা চলিছে৷ 
অসম কেৱল উত্তৰ-পূবে ভাৰতেই নহয়, পূব দিশৰ সকলো দেশৰে স্বাস্থ্য সেৱাৰ কেন্দ্ৰলৈ পৰিণত হোৱাৰ দিশে আগবাঢ়িছে বুলিও তেওঁ কয়৷ কৰ্কট ৰোগৰ চিকিৎসাৰ ক্ষেত্ৰত উত্তৰ-পূবৰ কোনো লোক যাতে দূৰলৈ যাব নালাগে অসমে তাৰ বাবে চিকিৎসালয় স্থাপনৰ উৎকৃষ্ট ব্যৱস্থা গ্ৰহণ কৰা বুলিও প্ৰশংসা কৰে৷ 
অনুষ্ঠানত অংশগ্ৰহণ কৰি মুখ্যমন্ত্ৰী ড॰ হিমন্ত বিশ্ব শৰ্মাই কয় যে ২০০৮ চনত স্বাস্থ্য মন্ত্ৰী থকা অৱস্থাতে এই চিকিৎসালয়খন নিৰ্মাণৰ পৰিকল্পনা কৰিছিল৷ ২০১৪ চনত বিজেপি চৰকাৰ অহাৰ পাছত এই প্ৰকল্পটোক পূৰ্বৰ ১০০খন বিছনাৰ পৰা ৩০০খন বিছনালৈ উন্নীত কৰা হয়৷ তাৰ পাছত ৰাজ্য চৰকাৰৰ পুঁজিৰ পৰা ২৭৩ কোটি টকা ব্যয় কৰি এই চিকিৎসালয়খন নিৰ্মাণ কৰি উলিওৱা হয় বুলি তেওঁ সদৰী কৰে৷ 
চৰকাৰে এই অঞ্চলতে ইউৰ’লজি আৰু নেফ্ৰ’লজি বিভাগৰ আৰু এটা ছুপাৰ স্পেচিয়েলিটি ব্লক নিৰ্মাণৰ পৰিকল্পনা কৰাৰ কথাও ঘোষণা কৰে মুখ্যমন্ত্ৰীজনে৷ তেওঁ কয় যে অসমত এতিয়া থকা ৮খন চিকিৎসা মহাবিদ্যালয়ৰ উপৰি ১৬খন চিকিৎসা মহাবিদ্যালয় নিৰ্মাণ কৰি থকা হৈছে৷ উল্লেখ্য যে ১০ মে’ৰ পৰা নতুন ছুপাৰ স্পেচিয়েলিটি হস্পিটেলখনত এই বিভাগ চাৰিটা সপ্তাহ ছদিনকৈ অ’ পি ডি ৰাইজৰ বাবে মুকলি থাকিব৷ আনহাতে এই চাৰিটা এতিয়াৰ পৰা মুঠ ৩০০ বিছনালৈ বৃদ্ধি পাইছে৷

Most Popular

চাহৰ সৈতে বিস্কুট কিমান স্বাস্থ্যকৰ ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

চাহৰ সৈতে বিস্কুটকিমান স্বাস্থ্যকৰ?

পুৱা শুই উঠিয়েই দাঁত ব্ৰাছ কৰি আমি সকলোৱে চাহকাপত চুমুক দিওঁ৷ পুৱা ব্ৰেকফাষ্টৰ সৈতে চাহকাপ সেৱন নকৰিলে গোটেই দিনটোৱে এলাহ ভাব অথবা...

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...