Home Daily news দেশৰ কিমান শতাংশ প্ৰাকৃতিকগেছ অসমৰ ভূগৰ্ভত আছে

দেশৰ কিমান শতাংশ প্ৰাকৃতিকগেছ অসমৰ ভূগৰ্ভত আছে

অসমৰ ভূগৰ্ভত সঞ্চিত হৈ আছে এক বিশাল প্ৰাকৃতিক গেছৰ ভাণ্ডাৰ৷ দেশত সঞ্চিত হৈ থকা মুঠ প্ৰাকৃতিক গেছৰ ৩৬ শতাংশ প্ৰাকৃতিক গেছেই অসমত আছে৷ কিন্তু অসমৰ ভূমিত সঞ্চিত হৈ থকা এই প্ৰাকৃতিক গেছ আজিও উপযুক্তভাৱে আহৰণ কৰিব পৰা হোৱা নাই৷ বৰঞ্চ ২০২০-২১ বৰ্ষত পূৰ্বতকৈ অসমত হ্ৰাসহে পাইছে প্ৰাকৃতিক গেছ আহৰণৰ পৰিমাণ৷ খোদ কেন্দ্ৰীয় পেট্ৰলিয়াম আৰু প্ৰাকৃতিক গেছ মন্ত্ৰ্যালয়ে প্ৰকাশ কৰা তথ্য অনুসৰি নিষ্কাশন কৰিব পৰাকৈ অসমৰ ভূগৰ্ভত নিহিত হৈ আছে ১৪৪.৩ বিলিয়ন কিউবিক মিটাৰৰ প্ৰাকৃতিক গেছ৷ অসমৰ ভূগৰ্ভত নিহিত হৈ থকা সুবিশাল এই  গেছৰ বজাৰ   মূল্য প্ৰায় ৩.৫ লাখ কোটি টকাতকৈও বেছি৷ কিন্তু ৰাজ্যখনত বিশাল পৰিমাণৰ প্ৰাকৃতিক গেছৰ ভাণ্ডাৰ থকাৰ পাছতো সেই অনুসৰি গেছ আহৰণ হোৱা নাই৷ কেন্দ্ৰীয় চৰকাৰে শেহতীয়াকৈ প্ৰকাশ কৰা তথ্য অনুসৰি অসমৰ ভূগৰ্ভৰ পৰা ২০১৭-১৮ বিত্তীয় বৰ্ষত ৩.২২ বিলিয়ন কিউবিক মিটাৰ প্ৰাকৃতিক গেছ আহৰণ কৰাৰ বিপৰীতে ২০১৮-১৯ বিত্তীয় বৰ্ষত ৩.২৯ বিলিয়ন কিউবিক মিটাৰ, ২০১৯-২০বিত্তীয় বৰ্ষত ৩.১৪ বিলিয়ন কিউবিক মিটাৰ আৰু ২০২০-২১ বিত্তীয় বৰ্ষত ৩.০০ বিলিয়ন কিউবিক মিটাৰ প্ৰাকৃতিক গেছহে আহৰণ কৰিবলৈ সক্ষম হৈছে৷ অথাৰ্ৎ পূৰ্বতকৈ ৰাজ্যখনত শেহৰ দুটা বছৰত প্ৰাকৃতিক গেছৰ আহৰণৰ পৰিমাণ হ্ৰাস পাইছে৷ অৱশ্যে আশাৰ খবৰ এয়াই যে ২০২১-২২ বিত্তীয় বৰ্ষত  পূৰ্বৰ বৰ্ষসমূতকৈ কিছু পৰিমাণে অধিক ৩.৩৭ বিলিয়ন কিউবিক মিটাৰ প্ৰাকৃতিক গেছ আহৰণ হৈছে৷ মন কৰিবলগীয়া যে দেশৰ মূল ভূখণ্ডৰ গৰ্ভত নিহিত হৈ আছে ৩৯৮.২ বিলিয়ন কিউবিক মিটাৰ পৰিমাণৰ প্ৰাকৃতিক গেছ৷ ইয়াৰ ভিতৰত অসমত ১৪৪.৩ বিলিয়ন কিউবিক মিটাৰ গেছৰ ভাণ্ডাৰ আছে৷ উল্লেখ্য যে খাৰুৱা তেল আৰু প্ৰাকৃতিক গেছৰ পৰা অসমে প্ৰতিবছৰে এক বৃহৎ অংকৰ ৰয়েল্টি লাভ কৰিবলৈ সক্ষম হয়৷ সেয়েহে ৰাজ্য চৰকাৰখনেও ৰাজ্যখনৰ ভূগৰ্ভত মজুত থকা প্ৰাকৃতিক সম্পদৰাজি আহৰণত সৰ্বাধিক গুৰুত্ব দি আহিছে৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...