Home Daily news দেশত আত্মহত্যা কৰা লোকৰ সংখ্যাৰ প্ৰসংগত NCRB-ৰ প্ৰতিবেদনে কি ক’লে?

দেশত আত্মহত্যা কৰা লোকৰ সংখ্যাৰ প্ৰসংগত NCRB-ৰ প্ৰতিবেদনে কি ক’লে?

ভাৰতত ২০২১ চনত ১.৬৪ লাখতকৈ অধিক লোকে আত্মহত্যা কৰিছে৷ নেশ্যনেল ক্ৰাইম ৰেকড্‌ৰ্ছ ব্যুৰ’ই [এন চি আৰ বি] প্ৰকাশ কৰা এই তথ্যৰ পৰা জানিব পৰা গৈছে যে যোৱা বছৰ দেশত প্ৰতিদিনে ৪৫০ জন বা প্ৰতি ঘণ্টাত ১৮ জন লোক আত্মঘাতী হৈছে৷ চৰকাৰী তথ্য মতে, ই হৈছে এন চি আৰ বিয়ে পঞ্জীয়ন আৰম্ভ কৰা বৰ্ষৰ পৰা এতিয়ালৈকে এটা বছৰত আত্মহত্যা কৰা লোকৰ ভিতৰত এই সংখ্যা সৰ্বাধিক৷ আত্মহত্যা কৰাসকলৰ ১.১৯ লাখ হৈছে পুৰুষ, ৪৫,০৪৬  মহিলা আৰু ২৮ গৰাকী ট্ৰেন্সজেণ্ডাৰ৷ এন চি আৰ বিৰ ‘ভাৰতত দুৰ্ঘটনাজনিত মৃত্যু আৰু আত্মহত্যা’ শীৰ্ষক প্ৰতিবেদনত এই কথা প্ৰকাশ৷ তথ্যৰ পৰা দেখা গৈছে যে ক’ভিড-১৯ মহামাৰীৰ আগৰ বছৰবোৰৰ তুলনাত ২০২০ আৰু ২০২১ চনত এনেধৰণে মৃত্যু হোৱা লোকৰ সংখ্যা দ্ৰুতভাৱে বৃদ্ধি পাইছে৷ এন চি আৰ বিৰ তথ্য মতে, ২০২০ চনত দেশত ১.৫৩ লাখ লোকে আত্মহত্যা কৰিছিল৷ প্ৰতিবেদনত দেখা গৈছে যে  ২০২০ চনত ১.৫০ লাখৰ সীমা অতিক্ৰম কৰাৰ আগতে আত্মহত্যা কৰা লোকৰ সংখ্যা ২০১৯ চনত ১.৩৯ লাখ, ২০১৮ চনত ১.৩৪ লাখ, ২০১৭ চনত ১.২৯ লাখ আছিল৷ এন চি আৰ বিয়ে ১৯৬৭ চনৰ পৰা আত্মহত্যা কৰা লোকৰ সংখ্যা লিপিবদ্ধ কৰিছে৷ উক্ত বছৰত আত্মহত্যা কৰা লোকৰ সংখ্যা আছিল ৩৮,৮২৯জন৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,