Home Daily news দুটি শিশুৰ দেহত ন’ৰ’ভাইৰাছৰ সংক্ৰমণ : ক’ত ?

দুটি শিশুৰ দেহত ন’ৰ’ভাইৰাছৰ সংক্ৰমণ : ক’ত ?

কেৰালা চৰকাৰে ৰাজ্যখনত ন’ৰ’ভাইৰাছ সংক্ৰমণৰ দুটা ঘটনা নিশ্চিত কৰিছে৷  ৰাজ্যখনৰ ৰাজধানী তিৰুৱনন্তপুৰমৰ বিঝিনজাম অঞ্চলৰ দুটা শিশুৰ শৰীৰত অতি সোঁচৰা ন’ৰ’ভাইৰাছৰ সংক্ৰমণ ধৰা পৰিছে৷ ৰাজ্যখনৰ স্বাস্থ্য মন্ত্ৰী বীণা জৰ্জে উদ্বেগৰ কাৰণ নাই বুলি কৈ জনায় যে দুয়োটি শিশুৰে অৱস্থা সুস্থিৰ৷ 
খাদ্যত বিষক্ৰিয়া আৰু ডায়েৰিয়া হোৱা বুলি জনোৱাৰ পাছত বিজিনজামৰ এল এম এছ এল পি বিদ্যালয়ৰ ছাত্ৰ-ছাত্ৰীসকলৰ তেজৰ নমুনা সংগ্ৰহ কৰা হৈছিল৷ সেই নমুনা ৰাজ্যখনৰ জনস্বাস্থ্য পৰীক্ষাগাৰলৈ পঠিওৱাৰ পাছত দুজনৰ শৰীৰত ন’ৰ’ভাইৰাছৰ সংক্ৰমণ নিশ্চিত হয়৷ কেৰালাত প্ৰথম ন’ৰ’ভাইৰাছৰ সংক্ৰমণ ধৰা পৰিছিল ২০২১ চনৰ নৱেম্বৰ মাহত৷ 
এখন পশু চিকিৎসালয়ৰ ১৩গৰাকী শিক্ষাথ¹ৰ শৰীৰত এই ভাইৰাছৰ সংক্ৰমণ হৈছিল৷ ন’ৰ’ভাইৰাছ থকা খাদ্য বা পানীৰ যোগেদি এই ভাইৰাছ সোঁচৰে৷ আনকি ন’ৰ’ভাইৰাছ থকা বস্তু চুলে বা এই ভাইৰাছৰ দ্বাৰা সংক্ৰমিত লোকৰ সংস্পৰ্শলৈ আহিলেও সংক্ৰমণ হ’ব পাৰে৷ 
এই ভাইৰাছৰ দ্বাৰা সংক্ৰমণ হ’লে বমি হয়, পেটৰ বিষ হয় আৰু ডায়েৰিয়া হয়৷ তিনি দিনমানৰ পাছতে লক্ষণবোৰ নাইকিয়া হয়৷ কিন্তু ৰোগীজনে আৰোগ্য লাভ কৰাৰ পাছৰ দুসপ্তাহলৈ উক্ত লোকজনৰ পৰা সংক্ৰমণ হ’ব পাৰে৷ কেৰালা স্বাস্থ্য বিভাগৰ মতে এই ৰোগ সোনকালে আৰোগ্য হয়৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...