Home Beauty Plus ডাবৰ পানীৰে ছালখন কিদৰে উজ্জ্বল কৰিব ?

ডাবৰ পানীৰে ছালখন কিদৰে উজ্জ্বল কৰিব ?

ডাবৰ পানী আমাৰ সু-স্বাস্থ্যৰ বাবে অতি প্ৰয়োজন৷ ডাবৰ পানীয়ে শৰীৰৰ নানা উপকাৰ সাধন কৰে৷ খোৱাৰ উপৰি কিন্তু এই ডাবৰ পানী ফেচিয়েল হিচাপে ব্যৱহাৰ কৰি আপোনাৰ ছালখন উজ্জ্বল তথা সতেজ কৰি ৰাখিব পাৰে৷ মহিলাসকলে মুখৰ সৌন্দৰ্য বৰ্তাই ৰখিবলৈ নিয়মিতভাৱে বিউটি পাৰ্লাৰলৈ যায়৷ কিন্তু ইয়াত ব্যৱহৃত কছমেটিকবোৰে ছালখনৰ অনিষ্ট কৰিব পাৰে৷সেয়েহে প্ৰাকৃতিকভাৱে পোৱা নাৰিকলৰ পানী ব্যৱহাৰ কৰি ছালখন সুস্থ ৰাখক৷  ডাবৰ পানী মুখৰ ছালখনত কিদৰে ব্যৱহাৰ কৰিব জানো আহক৷
ফেচ ক্লিনজাৰ হিচাপে নাৰিকলৰ পানী ব্যৱহাৰ কৰিব পাৰে৷ ডাবৰ পানীত মইশ্বৰাইজাৰিং গুণেৰে সমৃদ্ধ হোৱা হেতু ছালখন সতেজ কৰি ৰাখে৷ অসহ্য গৰমৰ বাহিৰ পৰা আহি মুখখনত ডাবৰ পানী লগাওক৷ কিছুসময় লগাই পাছত পৰিষ্কাৰ পানীৰে দুই দিব৷ এনে কৰিলে ছালখনৰ সজীৱতা পুনৰ ঘূূৰি আহে৷
ডাবৰ পানী আৰু গোলাপ জল মিহলাই সেই মিশ্ৰণটো কপাহৰ সহায়ত মুখত লগাওক৷ এই মিশ্ৰণে মুখৰ টনিং কৰাত সহায় কৰে৷
এক্সফলিয়েশ্যন কফিৰ সৈতে ডাবৰ পানী মিহলাই এটা পেষ্ট তৈয়াৰ কৰক৷ কিছুসময় এই মিশ্ৰণটোৰে মুখত মাচাজ কৰক৷ এনে কৰিলে ছালৰ শুষ্কতা দূৰ হৈ ছালখন সতেজ আৰু উজ্জ্বল হৈ পৰে৷
ডাবৰ পানীৰ সৈতে এলোভেৰা জেল মিশ্ৰণ কৰি এই মিশ্ৰণটো মুখত ১৫ মিনিটমান সময়ত মাচাড কৰি লগাই ৰাখক৷ পাছত পৰিষ্কাৰ পানীৰে মুখখন ধুই পেলাওক৷ এইদৰে কৰাৰ ফলত মুখৰ ৰক্ত সঞ্চালন উন্নত হোৱাৰ লগতে মুখৰ উজ্জ্বলতা ঘূৰি আহে৷
এচামুচ বেচন, ডাবৰ পানী, এচামুচ হালধি, এটামুচ মৌ মিহলাই এটা মিশ্ৰণ প্ৰস্তুত কৰক৷ এই উপকৰণটো গোটেই মুখতে ভালদৰে লেপন দিয়ক৷ ২০ মিনিটমান এনেদৰে ৰাখি পাছত ঠাণ্ডা পানীৰে মুখখন ধুই পেলাওক৷ এই মিশ্ৰণটোৰ জৰিয়তে ছালৰ উজ্জ্বলতা, সতেজতা দুহুণে বাঢ়ি যায়৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...