Home Daily news জোতাৰ সহায়ত ম’বাইলৰ বেটাৰী চাৰ্জ কৰাৰ উপায় উদ্‌ঘাটন

জোতাৰ সহায়ত ম’বাইলৰ বেটাৰী চাৰ্জ কৰাৰ উপায় উদ্‌ঘাটন

ইটোৰ পাছত সিটো নৱ উদ্‌ঘাটনেৰে ৰাজ্যখনলৈ গৌৰৱ কঢ়িয়াই অনা যুৱ উদ্‌ঘাটক ড॰ জ্ঞানোজ্জ্বল বৰশইকীয়াই এক বিশেষ কৌশলেৰে বিদ্যুতৰ সহায় নোলোৱাকৈ পিন্ধি যোৱা জোতাৰ সহায়ত ম’বাইলৰ বেটাৰী চাৰ্জ কৰাৰ উপায় উদ্‌ঘাটনেৰে বৌদ্ধিক জগতৰ দৃষ্টি আকৰ্ষণ কৰিবলৈ সক্ষম হৈছে৷ 
শেহতীয়া তথ্য অনুসৰি ড॰ জ্ঞানোজ্জ্বলে জোতা পৰিধান কৰি খোজ কাঢ়োতে ভৰিৰ শক্তিক বিদ্যুৎ শক্তিলৈ ৰূপান্তৰ কৰি পিন্ধি যোৱা জোতাৰ ভিতৰত ডিভাইজৰ লগত কেবলৰ সংযোগ কৰি বেটাৰী চাৰ্জ কৰাৰ এক অনন্য কৌশল উলিয়াবলৈ সক্ষম হৈছে৷ 
এই সন্দৰ্ভত ড॰ জ্ঞানোজ্জ্বলৰ পৰা জানিব পৰা অনুসৰি পকেটত ম’বাইলটো ভৰাই লৈ তাৰ পৰা পিন্ধি থকা জোতাৰ ভিতৰত সংস্থাপন কৰা ডিভাইজৰ লগত কেবল সংযোগ কৰি বিদ্যুতৰ সহায়ত যিদৰে পাৱাৰ বেংকত প্ৰয়োজনীয় বিদ্যুৎ শক্তি সংৰক্ষণ কৰা হয়, সেইদৰে পকেটৰ ম’বাইল  চাৰ্জ হোৱাৰ সমান্তৰালকৈ ডিভাইজত প্ৰয়োজনীয় বিদ্যুৎ জমা কৰি ৰাখিব পাৰি৷ 
তদুপৰি যুৱ উদ্ভাৱকজনে জনাইছে যে ডিভাইজৰ সহায়ত উল্লিখিত প্ৰক্ৰিয়াটো সম্পূৰ্ণ কৰিবলৈ দুহেজাৰ খোজ কাঢ়িব লাগিব৷ উল্লেখনীয় যে ইয়াৰ পূৰ্বে ড॰ জ্ঞানোজ্জ্বলে ৰবটৰ সহায়ত চলাচল কৰিব পৰা অট’মেটিক ছেনিটাইজিং মেচিন, অন্ধ লোকৰ বাবে এক বিশেষ চছ্‌মা, তিনিটা ঠেং থকা অথবা কুকুৰৰ এখন ঠেং বিকল হ’লে খোজকাঢ়িবৰ বাবে ভৰিত লগাই দিব পৰা মেচিনযুক্ত ঠেং আৰু মহিলাসকলৰ কোনো বিপদৰ পৰা নিজকে ৰক্ষা কৰিব পৰা এবিধ বিশেষ জোতা উদ্‌ঘাটন কৰিছে৷

Most Popular

বিস্কুটৰ গাত অসংখ্য ছিদ্ৰ থকাৰ আঁৰৰ কথা জানেনে ?

বিস্কুট খোৱাটো আমি সকলোৱে পচন্দ কৰোঁ৷ পুৱাৰ ফিকা চাহকাপৰ সৈতে এখন বিস্কুট খোৱাৰ আমেজেই সুকীয়া৷ চাহ-বিস্কুটৰ জুতি নল’লে দিনটো যেন অসম্পূৰ্ণ হৈয়ে...

বিজ্ঞানীৰ উদ্ভাৱন : বিশ্বৰ ৰূপ সলনি কৰিব Red matter-এ

আধুনিক বিজ্ঞান-প্ৰযুক্তিৰ দিশত বিজ্ঞানীসকলে ন ন কৌশল উদ্ভাৱন ব্ৰতী হৈ আছে৷ ইয়াৰে ফচল হিচাপে এইবাৰ বিজ্ঞানীসকলে নতুন পদাৰ্থ...

নিমিষতে ম’বাইল ডাটা শেষনহ’বলৈ এই পদ্ধতি অৱলম্বন কৰক

আপুনি গোটেই দিনটোত ফে’চবুক, ৱাটছএপ কোনোটোৱে ব্যৱহাৰ কৰা নাই, অথচ আপোনাৰ স্মাৰ্টফোনটোৰ ডাটা ৫০ শতাংশ শেষ হৈ গৈছে৷ তাৰ বাবে আপুনি কাষ্টমাৰ...

বেচনৰ হেয়াৰ মাস্ক : চুলিৰ যত্নত কিদৰে ব্যৱহাৰ কৰিব ?

বহু যুগ ধৰি সৌন্দৰ্য বজাই ৰখাৰ বাবে বেচন ব্যৱহাৰ হৈ আহিছে৷ ছালৰ উজ্জ্বলতা, ব্ৰুন বা মুখৰ দাগ, পিগমেণ্টটেশ্যন আদি ছালৰ যিকোনো সমস্যা...