Home Daily news জনস্বাস্থ্যৰ প্ৰতি ভাবুকি অভাৱনীয় হাৰত বৃদ্ধি অবৈধ বজাৰ

জনস্বাস্থ্যৰ প্ৰতি ভাবুকি অভাৱনীয় হাৰত বৃদ্ধি অবৈধ বজাৰ

জনস্বাস্থ্যৰ প্ৰতি ভাবুকি সৃষ্টি কৰি মহানগৰীৰ বিভিন্ন স্থানত একাংশ লোকে দীৰ্ঘদিন ধৰি মুকলিকৈ  চলাই আহিছে মাছ-মাংসৰ ব্যৱসায়৷ পৌৰ নিগম কতৃৰ্পক্ষই এই অসাধু ব্যৱসায়ীসকলৰ বিৰুদ্ধে কেতিয়াবা অভিযান চলায় যদিও সেই অভিযান পুনৰ আধাতে সামৰাৰ ফলত পুনৰ অস্বাস্থ্যকৰ পৰিৱেশতে ব্যৱসায়ীসকলে মাছ-মাংস বিক্ৰী কৰি আহিছে৷ বিশেষকৈ সমগ্ৰ ৰাজ্যৰ ভিতৰতে গুৱাহাটী মহানগৰতেই মাছ-মাংসৰ চাহিদা অত্যধিক৷ যাৰ পৰিপ্ৰেক্ষিতত বহিঃৰাজ্যৰ লগতে কাষৰীয়া জিলাৰ পৰা দৈনিক গুৱাহাটীলৈ বৃহৎ পৰিমাণৰ মাছ-মাংস আহে৷ ইয়াৰে বহিঃৰাজ্যৰ পৰা অহা মাছ-মাংসসমূহ মহানগৰৰ পাইকাৰী বজাৰত বিক্ৰী হোৱাৰ লগতে কাষৰীয়া বিভিন্ন জিলাৰ পৰা গাড়ীৰ জৰিয়তে মাছ-মাংস গুৱাহাটীলৈ বিক্ৰীৰ বাবে লৈ অহা থলুৱা ব্যৱসায়ীসকলে একাংশ পথৰ কাষত বা বিভিন্ন অস্বাস্থ্যকৰ ঠাইত বিক্ৰী কৰি পুনৰ ঘৰলৈ উভতি যায়৷ 
দীৰ্ঘদিন ধৰি মহানগৰত এনে ব্যৱস্থাই অব্যাহত আছে যদিও বৰ্তমান গুৱাহাটীত মাছ-মাংসৰ ব্যৱসায়ীৰ সংখ্যা অভাৱনীয় হাৰত বৃদ্ধি পোৱাৰ ফলত সমস্যাও বৃদ্ধি পাইছে৷ কাৰণ একাংশ ব্যৱসায়ীয়ে ভৰলুৰ কাষত বা পদপথতে মুকলিকৈ মাছ-মাংস  বিক্ৰী কৰাৰ ফলত পদপথেৰে অহা-যোৱা কৰা লোকৰ অসুবিধাৰ সৃষ্টি হোৱাৰ লগতে মাছ-মাংসৰ পেলনীয়া সামগ্ৰী পেলোৱাৰ ফলত ঠাইসমূহ দুৰ্গন্ধময় হৈ পৰাত পথচাৰী অহা-যোৱা কৰাত যথেষ্ট অসুবিধাৰ সৃষ্টি হয়৷ আনহাতে, অস্বাস্থ্যকৰ আৰু মুকলি পৰিৱেশত বিক্ৰী কৰা মাংস খাই গ্ৰাহকসকলো বিভিন্ন ৰোগত আক্ৰান্ত হোৱাৰ আশংকা প্ৰকট হৈ উঠিছে৷ মহানগৰৰ বিভিন্ন ঠাইত এতিয়া মুকলি আৰু অস্বাস্থ্যকৰ পৰিৱেশত মাছ-মাংস বিক্ৰী কৰা এক প্ৰতিযোগিতাৰ দৰে হৈ পৰাৰ লগতে অধিকাংশ ব্যৱসায়ীৰেই নাই পৌৰ নিগমৰ মাছ-মাংস বিক্ৰীৰ বাবে থাকিবলগীয়া অনুজ্ঞাপত্ৰ৷ কিন্তু আইন উলংঘা কৰি এইদৰেই একাংশই কৰি আহিছে মাছ-মাংসৰ ব্যৱসায়৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...