Home Fitness Plus ঘামৰ দুৰ্গন্ধ নিৰাময়ৰ বাবে ঘৰুৱাভাৱে কি কৰিব ?

ঘামৰ দুৰ্গন্ধ নিৰাময়ৰ বাবে ঘৰুৱাভাৱে কি কৰিব ?

গৰমকালি শৰীৰৰ পৰা ঘাম ওলোৱা সকলোৰে ক্ষেত্ৰত দেখা যায়৷ প্ৰচণ্ড গৰমত শৰীৰৰ পৰা ওলোৱা ঘামৰ দুৰ্গন্ধই সকলোকে অস্বস্তিত পেলায়৷ বিভিন্ন সভা-সমিতি, আত্মীয়-স্বজনৰ সৈতে, নাইবা বাহিৰৰ বিভিন্ন ক্ষেত্ৰত গাৰ ঘামৰ দুৰ্গন্ধই বিব্ৰতকৰ পৰিস্থিতিৰ সৃষ্টি কৰে৷ ইয়াৰ পৰা পৰিত্ৰাণ উপায় হিচাপে বজাৰত পোৱা পাৰফিউম, ডিওডেণ্ট আদি ব্যৱহাৰ কৰা হয় যদিও এইবোৰে সাময়িকভাৱেহে ঘামৰ দুৰ্গন্ধ নিৰাময় কৰে৷ ঘামৰ দুৰ্গন্ধৰ পৰা ৰক্ষা পাবলৈ বিভিন্নজনে বিভিন্ন কৌশল অৱলম্বন কৰা দেখা যায় যদিও ঘৰুৱা উপায়েৰে ইয়াৰ পৰা পৰিত্ৰাণ পাব পাৰি৷ জানো আহক কি উপায় অৱলম্বন কৰিলে ঘামৰ দুৰ্গন্ধ নাইকিয়া হয়৷
ঘৰুৱাভাৱে ঘামৰ দুৰ্গন্ধ নোহোৱা কৰিবলৈ অন্যতম উপায় হৈছে তেজপাত৷ প্ৰথমে তেজপাতৰ এটা পেষ্ট প্ৰস্তুত কৰি ল’ব৷ গা ধোৱাৰ ১৫ মিনিটমান আগেয়ে এই পেষ্টটোৰে শৰীৰত মালিচ কৰি তাৰ পাছত গা ধোওক৷ কেইদিনমান এনে কৰাৰ পাছত দেখিব আপোনাৰ গাৰ দুৰ্গন্ধ ক্ৰমে নাইকিয়া হৈছে৷
অথবা কেইখিলামান তেজপাত আধা ঘণ্টাৰ সময় পানীত তিয়াই ৰাখক৷ ইয়াৰ পাছত পাতকেইটা ভালকৈ পিচি লওক৷ গা ধোৱাৰ আগেয়ে শৰীৰত যি ঠাইৰ পৰা ঘাম বেছি ওলায়, সেই ঠাইত লগাই ২০ মিনিট এনেদৰে থওক৷ তাৰ পাছত ভালদৰে গা ধুই লওক৷ ঘামৰ দুৰ্গন্ধ আপোনা আপুনি নোহোৱা হয়৷
এই পেষ্টটোৰ লগত চন্দন মিশ্ৰণ কৰি এটা প্ৰলেপ তৈয়াৰ কৰিব পাৰে৷ এই প্ৰলেপটো গা ধোৱাৰ আগেয়ে শৰীৰত সানি তাৰ পাছত গা ধুব৷ ইয়াৰ উপৰি ইয়াত কম পৰিমাণে কৰ্পূৰো ব্যৱহাৰ কৰিব পাৰে৷
আনহাতে পদিনাৰ পাতৰ এটা পেষ্ট তৈয়াৰ কৰি শৰীৰৰ যি অংশৰ পৰা অতিৰিক্ত ঘাম বাহিৰ হয়, সেই অংশত এই প্ৰলেপটো ভালদৰে লগাই পাছত ভালদৰে গাটো ধুই দিয়ক৷ দেখিব ঘামৰ দুৰ্গন্ধ একেবাৰে নাইকিয়া হৈছে৷

Most Popular

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...

জিভাখন চাফা নকৰিলেকি কি ৰোগ হ’ব পাৰে

আমাৰ শৰীৰৰ অত্যন্ত প্ৰয়োজনীয় অংগৰ ভিতৰত জিভাখন অন্যতম৷ কিন্তু শৰীৰৰ আন অংগৰ সমান্তৰালভাৱে জিভাখনৰ যত্নত আওকাণ কৰা দেখা...