Home Daily news গৰমৰ পৰা সকাহ পাবলৈ AC-টো কিদৰে সাজু কৰিব ?

গৰমৰ পৰা সকাহ পাবলৈ AC-টো কিদৰে সাজু কৰিব ?


ইতিমধ্যে সমগ্ৰ দেশতে গৰমপ্ৰবাহ আৰম্ভ হৈছে৷ প্ৰখৰ ৰ’দে দহিছে সমগ্ৰ দেশৰ বিভিন্ন অঞ্চল৷ পাৰাস্তম্ভ দিনকদিনে ঊধ্বৰ্মুখী হৈছে৷ এনে সময়ত বাহিৰলৈ ওলাবই চিন্তা কৰিবলগীয়া হৈছে৷ সূৰ্যৰ প্ৰচণ্ড উষ্ণতাত সেপ ঢুকি নোপোৱা অৱস্থাৰ সৃষ্টি হৈছে৷ গৰমৰ পৰা ৰক্ষা পাবলৈ ফেন, এয়াৰকুলাৰ, AC আদিৰ আশ্ৰয় ল’বলগীয়া পৰিস্থিতিৰ উদ্ভৱ হৈছে৷ তীব্ৰ গৰমৰ পৰা ৰক্ষা পাবলৈ AC-ৰ শীতল বতাহে শৰীৰ আৰু মন জুৰি নিয়ে৷ কিন্তু এইসমূহ সামগ্ৰী কেইবাদিনো ব্যৱহাৰ নকৰাৰ ফলত পুনৰব্যৱহাৰৰ বাবে চাই-চিতি ল’ব লাগে, যাতে কোনোধৰণৰ হানি বিধিনি নোহোৱাকৈ ব্যৱহাৰ যোগ্য কৰিব পাৰি৷ সেয়েহে গৰম পৰাৰ লগে লগে ব্যৱহাৰ হৈ নথকা AC-টো কেনেদৰে সাজু কৰিব জানো আহক৷
AC চলোৱাৰ আগতে AC-ৰ এয়াৰ ফিল্টাৰত মছলা জমা হৈ আছে নেকি বা বৈদ্যুতিক সংযোগ, ইয়াৰ ছুইছবোৰ, ফিল্টাৰ ঠিক আছে নে আদিবোৰ পৰীক্ষা কৰিহে ব্যৱহাৰ কৰিব লাগে৷ নহ’লে সামান্য অসাৱধানতাই বিপদ মানিব পাৰে৷
দীৰ্ঘদিন অব্যৱহৃত হৈ থকা AC ব্যৱহাৰ কৰাৰ আগতে চেকআপ বা ছাৰ্ভিচিং কৰাটো অত্যন্ত জৰুৰী৷
বহুদিন AC ব্যৱহাৰ হৈ নাথাকিলে এয়াৰ ফিল্টাৰত ধূলি জমা হয়৷ ধূলি জমা হোৱাৰ বাবে বতাহ চলাচলত বাধা পায়৷ ফলত AC-টোৱে ঠিকমতে কাম নকৰা হয়৷
দীৰ্ঘকাল ব্যৱহাৰ নকৰাৰ ফলত AC-ৰ পৰা শব্দ ওলাব পাৰে অথবা পানীও ওলোৱাৰ সম্ভাৱনা থাকে৷ সেইবোৰ ভালদৰে চাই-চিতিহে ব্যৱহাৰ কৰিব লাগে৷
বহুদিন বন্ধ থকাৰ বাবে ইয়াৰ কুলিং বা ঠাণ্ডা কৰাৰ ক্ষমতা কমিব পাৰে৷ এইক্ষেত্ৰত AC-ৰ ভিতৰৰ নেট খুলি ছেম্পুৰে ভালদৰে পৰিষ্কাৰ কৰিব লাগে৷ মনত ৰাখিব AC সদায় ফিল্টাৰ পানীৰেহে পৰিষ্কাৰ কৰিব৷ খুব বেছি ধূলি বা ময়লা জমা হ’লে ডিটাৰজেণ্ট পাউডাৰ বা লিকুইডেৰে পৰিষ্কাৰ কৰক৷
এয়াৰ কণ্ডিশনাৰত জমা হোৱা ময়লা শুকান কাপোৰ, ব্ৰাছ বা ফেনৰ ব্লেডেৰে পৰিষ্কাৰ কৰিব পাৰে৷
কুলিং একেবাৰে বন্ধ হৈ গ’লে বুজিব যে AC-ৰ ভিতৰত গেছ নোহোৱা হৈছে৷ এনে হ’লে সংশ্লিষ্ট প্ৰতিষ্ঠানৰ পৰা গ্ৰাহক সেৱা প্ৰদানকাৰী প্ৰতিনিধিৰ যোগেদি গেছ ৰিফিল ভৰাই লওক৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,