Home Daily news গ্ৰামাঞ্চলবাসীয়ে ২০২৪ চনৰ ভিতৰত বিশুদ্ধ খোৱাপানী পাব

গ্ৰামাঞ্চলবাসীয়ে ২০২৪ চনৰ ভিতৰত বিশুদ্ধ খোৱাপানী পাব

অসমৰ গ্ৰামাঞ্চলত বসবাস কৰা ৬৩ লাখ বাসিন্দাক অহা ২০২৪ চনৰ ভিতৰত ঘৰে ঘৰে পাইপযোগে পানী যোগান ধৰা হ’ব৷– এইবুলি মন্তব্য প্ৰদান কৰিছে কেন্দ্ৰীয় জলশক্তি দপ্তৰৰ মন্ত্ৰী গজেন্দ্ৰ সিং শ্বেখাৱটে৷ 
অসম প্ৰশাসনিক পদাধিকাৰ মহাবিদ্যালয়ত আয়োজিত এক অনুষ্ঠানত কেন্দ্ৰীয় মন্ত্ৰী শ্বেখাৱটে কয় যে ২০১৯ চনত এই মিছন আৰম্ভ হয় আৰু আৰম্ভণিতে অসমৰ গ্ৰামাঞ্চলৰ ১১১,৩১১ পৰিয়ালেহে বিশুদ্ধ খোৱাপানীৰ যোগান পাইছিল৷ 
কিন্তু সম্প্ৰতি অসমৰ ২০,২৪,৮৬৫ পৰিয়ালক বিশুদ্ধ পানী যোগানৰ সুবিধা পোৱাত সেই হাৰ ৩২ শতাংশলৈ বৃদ্ধি পায়৷ আনহাতে কেন্দ্ৰীয় মন্ত্ৰীগৰাকীয়ে অসমকে ধৰি উত্তৰ-পূৰ্বাঞ্চলৰ ৰাজ্যসমূহক লক্ষ্যত উপনীত হোৱাৰ বাবে অধিক সমস্যা বা জটিলতা থকা অঞ্চলসমূহক অগ্ৰাধিকাৰ দি প্ৰথমেই কাম কৰাৰ পৰামৰ্শ দিয়ে৷ 
উক্ত অনুষ্ঠানত মন্ত্ৰীগৰাকীয়ে কয় যে জল মিছন ৰূপায়ণৰ ক্ষেত্ৰত পৰিমাণ, মান আৰু সুস্থিৰতা অক্ষুণ্ণ ৰখাত সংশ্লিষ্ট ৰাজ্যসমূহে গুৰুত্ব প্ৰদান কৰিব লাগে৷
২০২৪ চনত অসমে জলজীৱন মিছনৰ লক্ষ্যত উপনীত হোৱাৰ প্ৰসংগত শ্বেখাৱটে কয় যে জলজীৱন মিছনৰ অধীনত কেৱল গ্ৰামাঞ্চলৰ প্ৰতিটো পৰিয়ালতে টেপ সংস্থাপন কৰাই নহয়, সেয়া প্ৰদান আৰু দীৰ্ঘম্যাদী সুস্থিৰতা নিশ্চিতকৰণৰো চিন্তা-চৰ্চা কৰা হৈছে৷ 
ইয়াৰ বাবে নিৰন্তৰ নিৰীক্ষণ আৰু ইয়াক নিশ্চিত কৰাটো কতৃৰ্পক্ষসমূহৰ দায়িত্বৰ কথাও দোহাৰে৷ ইয়াৰ লগতে উত্ত্‌ৰ-পূৰ্বাঞ্চলৰ ৰাজ্যকেইখনত জলজীৱন মিছন আৰু স্বচ্ছ ভাৰত মিছন (গ্ৰামীণ)ৰ ৰূপায়ণৰ ক্ষেত্ৰত কেইটামান বিষয়ত মন্ত্ৰীগৰাকীয়ে উদ্বেগ ব্যক্ত কৰে আৰু আলোচনাত উক্ত বিষয়সমূহ পৰ্যালোচনা কৰে৷ উক্ত অনুষ্ঠানত ৰাজ্য চৰকাৰৰ জনস্বাস্থ্য কাৰিকৰী, পঞ্চায়ত আৰু গ্ৰামোন্নয়ন মন্ত্ৰী ৰঞ্জিত কুমাৰ দাসো উপস্থিত থাকে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,