Home Daily news গুৱাহাটীৰ ৭৮ শতাংশই পোৱা নাই খোৱাপানী : এয়া কাৰ দাবী!

গুৱাহাটীৰ ৭৮ শতাংশই পোৱা নাই খোৱাপানী : এয়া কাৰ দাবী!


গুৱাহাটীবাসীৰ খোৱাপানী সমস্যাৰ সমাধানৰ দাবীত আপ, অসমে আৰম্ভ কৰা ‘পানী আন্দোলন’ৰ জৰিয়তে ৰাইজৰ পৰা সংগ্ৰহ কৰা মতামতৰ ভিত্তিত প্ৰস্তুত কৰা কিছু তথ্য ৰাজহুৱা কৰে৷ আপ অসমৰ ৰাজ্যিক যুটীয়া সমন্বয়ক জিতুল ডেকাই কয় যে যোৱা এক নৱেম্বৰৰ পৰা আপৰ গুৱাহাটীৰ সদস্যসকলে জনমত গঠনৰ বাবে ৱাৰ্ডে ৱাৰ্ডে মানুহৰ ওচৰলৈ গৈ ৰাইজে ভুগি থকা সমস্যাসমূহৰ সন্দৰ্ভত মতামত গ্ৰহণ কৰি যোৱা এমাহত আপৰ সদস্যসকলে প্ৰত্যক্ষভাৱে আৰু অনলাইনযোগে মুঠ ৬৫,১৬৪ লোকৰ মতামত সংগ্ৰহ কৰে৷ ৬৫,১৬৪ গৰাকীৰ ৭৮ শতাংশ অৰ্থাৎ ৫০,৮২৮গৰাকী মহানগৰৰ বাসিন্দাই খোৱাপানীৰ সমস্যাত ভোগাৰ কথা প্ৰকাশ কৰে৷ খোৱাপানীৰ লগতে বাট-পথ, ষ্ট্ৰীট লাইটৰ ব্যৱস্থা, কৃত্ৰিম বানপানীৰ সমস্যা ৱাৰ্ডত হস্পিটেলৰ ব্যৱস্থা আদি বিষয়ৰ ওপৰতো মন্তব্য আগবঢ়ায়৷ আপৰ সদস্যসকলে সংগ্ৰহ কৰা তথ্য অনুসৰি গুৱাহাটীৰ ২, ৬, ১১, ২৫, ২৮, ২৯, ৩৭, ৪৩, ৫৮নং ৱাৰ্ডৰ অধীনৰ বাপুজী নগৰ, শালবাৰী, নিজৰাপাৰ, জয়ন্ত নগৰ, জ্যোতিনগৰ, এফ চি আই গণেশ মন্দিৰ পথ, ধীৰেনপাৰা, হাতীগাঁও, নটবমা আদি বিভিন্ন অঞ্চলৰ বাসিন্দাই অধিক খোৱাপানীৰ সমস্যাত ভুগি আছে৷ সংবাদমেলত জিতুল ডেকাই কয় যে বিভাগীয় মন্ত্ৰী অশোক সিংঘালে সংবাদ মাধ্যমৰ আগত পানী যোগান দিয়া বুলি মন্তব্য আগবঢ়াই নিজকে দক্ষ দেখুৱাব বিচাৰিছে৷ কিন্তু গুৱাহাটীৰ পানী যোগান আঁচনিৰ এটাও সম্পূৰ্ণ কৰিব নোৱৰাটো তেওঁৰ বিফলতা৷ দিল্লী পৌৰ নিৰ্বাচনৰ প্ৰচাৰত গুৱাহাটীৰ উন্নয়নৰ কথা কোৱা মুখ্যমন্ত্ৰী হিমন্ত বিশ্ব শৰ্মাই প্ৰথমে গুৱাহাটীবাসীক খোৱাপানী সমস্যাৰ সমাধান কৰি দেখুৱাবলৈ আহ্বান জনায়৷

Most Popular

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...

জিভাখন চাফা নকৰিলেকি কি ৰোগ হ’ব পাৰে

আমাৰ শৰীৰৰ অত্যন্ত প্ৰয়োজনীয় অংগৰ ভিতৰত জিভাখন অন্যতম৷ কিন্তু শৰীৰৰ আন অংগৰ সমান্তৰালভাৱে জিভাখনৰ যত্নত আওকাণ কৰা দেখা...