Home Daily news গুৱাহাটীত অপৰাধজনিত ঘটনাৰ হাৰ হ্ৰাস পাইছে : কোনে ক’লে ?

গুৱাহাটীত অপৰাধজনিত ঘটনাৰ হাৰ হ্ৰাস পাইছে : কোনে ক’লে ?

গুৱাহাটীৰ বিভিন্ন থানাত ৰুজু হোৱা অপৰাধজনিত ঘটনাৰ হাৰ বিগত ৫বছৰত হ্ৰাস পাইছে৷ মহানগৰ আৰক্ষী জিলাৰ নৱনিযুক্ত আয়ুক্ত দিগন্ত বৰাই এখন সংবাদমেলত দিয়া তথ্য অনুসৰি ২০২২ চনত মুঠ ১০,১৮৩ গোচৰ ৰুজু হৈছিল৷ যিটো বিগত বছৰতকৈ ৫০.৭৫ শতাংশ কম৷ ইফালে মহানগৰ আৰক্ষীৰ তৎপৰতাত যোৱা বছৰটোত দুই শতাধিক গোচৰ ৰুজু কৰি প্ৰায় ৪০৭ কোটি টকা মূল্যৰ নিচাজাতীয় সামগ্ৰী জব্দ কৰা হৈছে৷  মহানগৰীত সঘনাই হৈ থকা অপৰাধমূলক ঘটনাৰ সন্দৰ্ভত আয়ুক্ত দিগন্ত বৰাই বহু সময়ত গুৱাহাটীৰ চুবুৰীয়া জিলাৰ পৰা আহি একাংশ লোকে মহানগৰীত চুৰি, ডকাইতি কৰি আকৌ গুচি যোৱা তথ্যৰ কথাও উল্লেখ কৰে৷ তথাপি পৰিসংখ্যা অনুসৰি গুৱাহাটীত পূৰ্বৰ ৪ বছৰতকৈ এনে বিভিন্ন গোচৰ কমিছে আৰু অধিক গোচৰ তদন্ত কৰি অভিযুক্তক ধৰি আইনী ব্যৱস্থা গ্ৰহণ কৰা হৈছে৷ আয়ুক্তগৰাকীয়ে দিয়া তথ্য অনুসৰি যোৱা বছৰটোত মুঠ নিষ্পত্তি হোৱা গোচৰৰ সংখ্যা ১৭,১১২টা৷ অৰ্থাৎ নিষ্পত্তিৰ হাৰ পূৰ্বতকৈ বৃদ্ধি পাই ১৬৭.২ শতাংশ হৈছে৷ 
উল্লেখ্য যে ২০২১ চনৰ পৰা ২০২২ চনলৈ নিষ্পত্তি নোহোৱাকৈ ৰৈ যোৱা গোচৰৰ সংখ্যা আছিল ৩৪,৫৩০টা৷ ইফালে ২০২১ চনত গুৱাহাটীৰ বিভিন্ন থানাত ৰুজু হোৱা গোচৰৰ মুঠ সংখ্যা ২০,৬৭৯টা আৰু নিষ্পত্তিৰ হাৰ ১০৪.১৮ শতাংশ৷ একেদৰে ২০২০ চনত মুঠ ১৭,১০৭টা গোচৰ ৰুজু হোৱাৰ লগতে বছৰটোত ৮২.২১ শতাংশ গোচৰ নিষ্পত্তি কৰা হৈছিল আৰু ৩৫,৩৯৬টা গোচৰ নিষ্পত্তি নোহোৱাকৈ ৰৈ গৈছিল৷ ২০১৯ চনত ২০,৭২৯টা গোচৰ ৰুজু হোৱাৰ লগতে বছৰটোত ৭০.২৩ শতাংশ গোচৰ নিষ্পত্তি কৰা হয় আৰু ৩২,৩৫৪ টা গোচৰ নিষ্পত্তি নোহোৱাকৈ থাকে৷ আৰক্ষী আয়ুক্তগৰাকীয়ে গুৱাহাটীৰ বিভিন্ন ঠাইত সংস্থাপিত হৈ থকা চিচি টিভি কেমেৰা সংলগ্ন ট্ৰেফিক ছিগনেলৰ কাম অহা মাৰ্চৰ ভিতৰত সম্পূৰ্ণ হোৱাৰ সম্ভাৱনা আছে বুলি উল্লেখ কৰি মহানগৰীত অপৰাধ নিয়ন্ত্ৰণৰ বাবে ছাৰ্ভিলেঞ্চ কেমেৰা লগোৱা আন এটা প্ৰকল্পৰ কথাও আলোচনা চলি থকা বুলি জানিবলৈ দিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,