Home Diet Plus কৰ্কট ৰোগীৰ বাবে অনলাইন প্লেটফৰ্ম : কেনহিল

কৰ্কট ৰোগীৰ বাবে অনলাইন প্লেটফৰ্ম : কেনহিল

কৰ্কট ৰোগী এগৰাকীৰ চিকিৎসা পৰ্যায় আৰু চিকিৎসাৰ পৰৱৰ্তী পৰ্যায়ত এই যুঁজৰ সৈতে অব্যাহত প্ৰক্ৰিয়াটোত হোৱা খৰচ আৰু কষ্ট কৰ্কট ৰোগীগৰাকীৰ লগতে ভুক্তভোগী পৰিয়ালটোৱেহে সঁচা অৰ্থত অনুভৱ কৰিব পাৰে৷ সেয়েহে এই পৰ্যায় বা প্ৰক্ৰিয়াটোত জড়িত হৈ কৰ্কট ৰোগীসকলক কিছু পৰিমাণে সহায়ৰ পথ দেখুওৱাৰ বাবে কৰ্কট ৰোগী আঞ্চুল শৰ্মাই শেহতীয়াভাৱে কেনহিল (canhealonline.com) শীৰ্ষক এনে এটা প্লেটফৰ্ম মুকলি কৰিছে, য’ত কৰ্কট ৰোগীসকলৰ বাবে প্ৰয়োজনীয় চুলি, চাল আৰু দেহ যতনৰ লগতে খাদ্য আৰু পৰিপুষ্টিজনিত ভালেমান উন্নতমানৰ জৈৱিক দ্ৰব্য সামগ্ৰী বহু কম দামত উপলব্ধ হয়৷ প্ৰসংগত কেনহিলৰ প্ৰতিষ্ঠাপক আঞ্চুল শৰ্মাই কয় যে ইণ্ডিয়ান কাউঞ্চিল অব্‌ মেডিকেলৰ প্ৰতিবেদন অনুযায়ী অসম, অৰুণাচল, মিজোৰামকে ধৰি উত্তৰ-পূবত থকা কৰ্কট ৰোগীৰ সংখ্যা দেশৰ ভিতৰতে সৰ্বাধিক৷ তেওঁ লগতে কয় যে কৰ্কট ৰোগৰ চিকিৎসা পৰ্যায়ত গ্ৰহণ কৰা কেম'থেৰাপী, ৰেডিয়েশ্যন বা ঔষধৰ বাবে ৰোগীসকলে সম্পূৰ্ণ এশ শতাংশ প্ৰাকৃতিক দ্ৰব্য ব্যৱহাৰ কৰিব লাগে৷ তেওঁ যিহেতু নিজেই এগৰাকী কৰ্কট ৰোগী আৰু এই প্ৰক্ৰিয়াটোত জড়িত আছিল, সেয়েহে তেওঁৰ লগতে অন্যান্য কৰ্কট ৰোগীসকলৰ অভিজ্ঞতাৰ ভিত্তিত এই দ্ৰব্যসমূহ যোগান ধৰাৰ বাবে www.canhealonline.com শীৰ্ষক এই প্লেটফৰ্মখন মুকলি কৰিলে৷ উল্লেখ্য যে কৰ্কট ৰোগজনিত নানা দিশ বা সমস্যাসমূহ আলোচনা কৰাৰ বাবে কেনহিল শীৰ্ষক এক কমিউনিটি গঠন কৰা হৈছে৷ য’ত এই ক্ষেত্ৰৰ অভিজ্ঞ ব্যক্তিসকলৰ লগতে কৰ্কট ৰোগৰ বিষয়ে বিভিন্ন দিশত আলাপ-আলোচনা কৰা হয়৷ এই প্লেটফৰ্মত উপলব্ধ দ্ৰব্যসমূহ কেনহিলৰ নিজা উৎপাদিত আৰু আন কেতবোৰ কেনফেন, হাই লাইফ, ব্লিছ বক্স আদি কৰ্কট ৰোগৰ জনপ্ৰিয় ব্ৰেণ্ডৰ পৰা বাছনি কৰি সংগ্ৰহ কৰা ঔষধজাতীয় দ্ৰব্য অন্তৰ্ভুক্ত হৈ আছে৷

Most Popular

মছলা হিচাপে খোৱা কলাজিৰাৰআছে বিস্ময়কৰ শক্তি

প্ৰাচীন কালৰে পৰা কালজিৰা মানৱদেহৰ নানা ৰোগৰ চিকিৎসাত ব্যৱহাৰ হৈ আহিছে৷ কালজিৰা অকল খাদ্যৰ সোৱাদ বৃদ্ধিতে নহয়, ইয়াৰ বীজৰ পৰা উৎপন্ন হোৱা...

ৰেস্তোৰাঁত ফলৰ ৰসৰ পৰিৱৰ্তে ডিটাৰজেণ্ট মিহলি পানী : ক’ত?

ছ’চিয়েল মিডিয়াত প্ৰকাশিত এক আজব আৰু দায়িত্বজ্ঞানহীন কৰ্মই সৰ্বসাধাৰণৰ মাজত চাঞ্চল্যকৰ সৃষ্টি কৰিছে৷ চীনৰ ৰেস্তোৰাঁত ফলৰ ৰসৰ পৰিৱৰ্তে...

মহাবিশ্বত ISRO-ৰ ৰিইউজেবললঞ্চ ভেহিকলৰ পৰীক্ষাৰ পদক্ষেপ

এটা সময়ত সমুদ্ৰ বিশ্বৰ বাণিজ্য তথা শক্তিৰ কেন্দ্ৰ আছিল৷ কিন্তু লাহে লাহে এতিয়া মহাকাশে সেই স্থান পূৰ কৰিবলৈ...

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...