Home Daily news কৃষকৰ বাবে সুখবৰ : ৰিম’টেৰে চলাব পৰা পাৱাৰটিলাৰ উদ্ভাৱন

কৃষকৰ বাবে সুখবৰ : ৰিম’টেৰে চলাব পৰা পাৱাৰটিলাৰ উদ্ভাৱন

শালি খেতিৰ বতৰত প্ৰখৰ ৰ’দ-বৰষুণৰ মাজেৰে মূৰৰ ঘাম মাটিত পেলাই কষ্ট কৰা কৃষকক সকাহ দিবলৈ দুলীয়াজানৰ এজন দশম শ্ৰেণীৰ ছাত্ৰই সাজি উলিয়াইছে চালক অবিহনে পথাৰত চলাব পৰা এখন পাৱাৰটিলাৰ৷ দুলীয়াজানৰ মাজগাঁৱৰ নিৱাসী প্ৰাক্তন আন্তঃৰাষ্ট্ৰীয় হকী খেলুৱৈ তথা অইল ইণ্ডিয়া লিমিটেডৰ কৰ্মচাৰী হীৰেন গগৈ আৰু জুৰী গগৈৰ একমাত্ৰ পুত্ৰ, দুলীয়াজানৰ দিল্লী পাব্লিক স্কুলৰ দশম শ্ৰেণীৰ ছাত্ৰ অয়ন গগৈক পঞ্চম শ্ৰেণীৰ পৰাই আকৰ্ষণ কৰিছিল বিভিন্ন ইলেকট্ৰনিক সামগ্ৰীয়ে৷
ছাত্ৰজনে গ্ৰাম্য পৰিৱেশৰ মাজত ডাঙৰ-দীঘল হোৱা হেতুকে দেউতাকৰ সৈতে পথাৰলৈ যাওঁতে ৰিমটৰ দ্বাৰা চলাব পৰা পাৱাৰটিলাৰ উদ্ভাৱনৰ বিষয়ে অৱগত কৰিছিল৷ কিন্তু ইলেকট্ৰনিক সামগ্ৰীৰ প্ৰতি আগ্ৰহী পুত্ৰৰ এই কথা পিতৃ হীৰেন গগৈয়ে প্ৰথমে হাঁহিমুখে আওকাণ কৰাত পুত্ৰ অয়নে নিজৰ জেদত পাছলৈ গাড়ীৰ গেৰেজৰ কিছুমান অব্যৱহৃত সামগ্ৰীৰে সাজি উলিয়ালে পাৱাৰটিলাৰখন৷ 
পিতৃয়ে খেতিৰ বাবে ক্ৰয় কৰা পাৱাৰটিলাৰখনতে গাড়ীৰ গেৰেজৰ পৰা বুটলি অনা অব্যৱহৃত সামগ্ৰী সংযোগ আৰু ৰিমটৰ বাবে ক্ৰয় কৰা প্ৰায় পাঁচ হাজাৰ টকা ব্যয়সাপেক্ষে চমক দিয়ে৷ কেৱল ৰিমটচালিত পাৱাৰটিলাৰেই নহয়, ড্ৰনো সাজি উলিয়াইছে ছাত্ৰজনে৷ এজন অভিযন্তা হোৱাৰ লক্ষ্য স্থিৰ কৰা অয়নে ইতিমধ্যে বিশেষভাৱে সমাদৰ লাভ কৰা ৰিমট কণ্ট্ৰল পাৱাৰটিলাৰৰ বাবে অলপতে ডুমডুমাত হোৱা প্ৰদৰ্শনীত পুৰস্কাৰ বুটলিবলৈ সক্ষম হৈছিল৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,