Home Daily news কৃত্ৰিম প্ৰজননৰ ফলপ্ৰসূতা আৰু উপকাৰিতাৰ বিষয়ে আলোকপাত : ক’ত?

কৃত্ৰিম প্ৰজননৰ ফলপ্ৰসূতা আৰু উপকাৰিতাৰ বিষয়ে আলোকপাত : ক’ত?

ৱেষ্ট অসম মিল্ক প্ৰডিউচাৰ্ছ ক’-অপাৰেটিভ ইউনিয়ন লিমিটেড [WAMUL], চমুকৈ পূৰবী ডেইৰী নামেৰে জনপ্ৰিয় অনুষ্ঠানটিৰ উদ্যোগত অসমৰ পাঠশালাৰ নিত্যানন্দ খেলপথাৰত কৃত্ৰিম প্ৰজননৰ ফলপ্ৰসূতা আৰু উপকাৰিতাৰ ওপৰত আলোকপাত কৰাৰ উদ্দেশ্যে এক মেগা কাফ্‌ শ্বোৰ আয়োজন কৰা হয়৷ পঞ্চায়ত আৰু গ্ৰামোন্নয়ন, খাদ্য, অসামৰিক যোগান আৰু গ্ৰাহক পৰিক্ৰমা মন্ত্ৰী ৰঞ্জিত কুমাৰ দাস আৰু সমবায় তথা শক্তি মন্ত্ৰী নন্দিতা গোৰ্লোছাৰ উপস্থিতিত, অসম চৰকাৰৰ কৃষি, পশুপালন, পশু চিকিৎসা আৰু দুগ্ধ মন্ত্ৰী অতুল বৰাই মুখ্য অতিথি হিচাপে কাফ্‌ শ্বোটোৰ শুভ উদ্বোধন কৰে৷  এই অনুষ্ঠানত জিলাখনৰ লগতে চুবুৰীয়া অঞ্চলৰ শতাধিক কৃষকে অংশগ্ৰহণ কৰে৷ বিশ্ব বেংকৰ বিত্তীয় সাহায্য ‘APART’ প্ৰকল্পৰ অধীনত WAMUL-ৰ উদ্যোগত আনুষ্ঠানিক গাখীৰ মূল্য শৃংখলৰ অধীনত ৰূপায়ণ কৰা ‘ড’ৰষ্টেপ AI ডেলিভাৰী সেৱা’ৰ জৰিয়তে আৰু প্ৰদান কৰা এন ডি বি বি ডেইৰী চাৰ্ভিছেছে আগবঢ়োৱা কাৰিকৰী সহায়ৰ সহযোগত অসমত কৃত্ৰিম প্ৰজনন (AI)ৰ জৰিয়তে উৎপাদিত হোৱা ১০০টা মাইকী পোৱালি এই প্ৰদৰ্শনীত প্ৰদৰ্শন কৰা হৈছিল৷ গিৰ, সাহিৱাল আৰু ৰেডসিন্ধী আদি থলুৱা জাতৰ যোগ্যতাসম্পন্ন পোৱালি আৰু থলুৱাজাত আৰু হোলষ্টেইন ফ্ৰিজিয়ান (HF) / জাৰ্চি [JY]ৰ ক্ৰছ- ব্ৰিদ পোৱালি এই কাফ্‌ শ্বোত প্ৰদৰ্শন কৰা হয়৷ HF আৰু JYৰ দৰে বিদেশী জাতৰ কিছুসংখ্যক পোৱালিও এই কাফ্‌ শ্বোত প্ৰদৰ্শন কৰা হৈছিল৷ শ্বোটোত ছাহিৱাল, জাৰ্চি আৰু ৰেডসিন্ধীৰ এফ ৰ মাতৃকো প্ৰদৰ্শন কৰা হয়৷ দুৱাৰডলিতে সকলো সেৱা প্ৰদান কৰিব পৰাকৈ ম’বাইল এ আই টেকনিচিয়ান [এম এ আই টি]ক শিলিগুৰি আৰু জলন্ধৰৰ এন ডি ডি বিৰ প্ৰশিক্ষণ প্ৰতিষ্ঠানত প্ৰশিক্ষণ দিয়া হয়৷ এই প্ৰকল্পৰ অধীনত, কৃষকসকলৰ মাজত পশুকুলৰ গৰ্ভধাৰণৰ উপযুক্ত সময় কেনেকৈ ধৰা পেলাব পাৰে, তাৰ বাবে সজাগতা সৃষ্টি কৰা হয় আৰু তেওঁলোকে MAIT-সকলক অৱগত কৰাৰ পিছত অভিজ্ঞ দলটোৱে কৃষকৰ চৌহদত উপস্থিত হৈ কৃত্ৰিম প্ৰজনন সম্পন্ন কৰে৷

Most Popular

স্বৰ্গ-মৰ্ত্যৰ মাজৰ এই উপত্যকা!য’ত সময়ো থমকি ৰৈছে

ছাংগ্ৰিলা উপত্যকা– সঁচাকৈয়ে কি আছে এই ৰহস্যময় উপত্যকাত৷ ইয়াক লৈ বিভিন্ন সময়ত নানা প্ৰশ্নৰ উদয় হৈছে৷ ইয়াৰ ৰহস্য...

ভূপৃষ্ঠত সূৰ্যৰ উৎপত্তিৰ আগতেই পানী আছিল : কোনে ক’লে?

বিশ্বব্ৰহ্মাণ্ডত নক্ষত্ৰ সৃষ্টি হোৱাৰ আগৰে পৰাই পানী আছিল৷ বিজ্ঞানীসকলে ইয়াৰ তথ্য লাভ কৰিছে৷ উল্লেখ্য যে বিজ্ঞানীসকলে বিশ্বব্ৰহ্মাণ্ডত প্ৰথমে নক্ষত্ৰ, পানী, পৃথিৱী নে...

বিশাল অট্টালিকাৰ ভৰে বছৰিদুই মিঃমিঃলৈ বহাইছে নিউয়ৰ্কক

নিউয়ৰ্ক চহৰখন বছৰি অহৰহ তললৈ বহি যাবলৈ আৰম্ভ কৰিছে৷ ইয়াৰ প্ৰধান কাৰণ হ’ল মহানগৰখনত বছৰি ক্ৰমবৰ্ধমান গতিত বৃহৎ বৃহৎ অট্টালিকা নিৰ্মাণ কৰাটো৷...

পাইলটলৈ প্ৰত্যাহ্বান : কৃত্ৰিম বুদ্ধিমত্তাৰ দ্বাৰা উৰিব বিমান

বৰ্তমান যুগটোক বহুতেই কৃত্ৰিম বুদ্ধিমত্তাৰ যুগ বুলি ক’বলৈ লৈছে৷ ইয়াৰ কাৰণ হ’ল বিভিন্ন ক্ষেত্ৰত বহুলভাৱে ব্যৱহাৰ কৰিবলৈ লোৱা হৈছে কৃত্ৰিম বুদ্ধিমত্তাক৷ শেহতীয়াকৈ...