Home Daily news কাজিৰঙা ৰাষ্ট্ৰীয় উদ্যানলৈ সুখবৰ!

কাজিৰঙা ৰাষ্ট্ৰীয় উদ্যানলৈ সুখবৰ!

কাজিৰঙা ৰাষ্ট্ৰীয় উদ্যান বিশ্বৰ সৰ্বাধিক এটা খৰ্গ থকা গঁড়ৰ কাৰণে বিশ্ব বিখ্যাত৷ বৰ্তমান গঁড়ৰ লগতে ঢেঁকীয়াপতীয়া বাঘৰ কাৰণতে ৰাষ্ট্ৰীয় উদ্যানখন পৰ্যটকৰ আকৰ্ষণৰ কেন্দ্ৰবিন্দু হৈ পৰিছে৷ 
সাধাৰণতে কাজিৰঙা ৰাষ্ট্ৰীয় উদ্যান তথা টাইগাৰ ৰিজাৰ্ভ ফাইব বিগছৰ কাৰণে জনপ্ৰিয়৷ ফাইব বিগছ অৰ্থাৎ গঁড়, হাতী, ঢেঁকীয়াপতীয়া বাঘ, এছীয় ম’হ আৰু দুষ্প্ৰাপ্য দল হৰিণা৷ 
পৃথিৱীৰ এখন ৰাষ্ট্ৰীয় উদ্যানত একেলগে পাঁচটা ডাঙৰ বন্যপ্ৰাণী থকাটো বিৰল৷ যাৰ বাবে কাজিৰঙা ৰাষ্ট্ৰীয় উদ্যান প্ৰকৃতিপ্ৰেমীৰ কাৰণে বিশেষ আকৰ্ষণ হৈ পৰিছে৷ 
শেহতীয়াকৈ দেশৰ ভিতৰত ঢেঁকীয়াপতীয়া বাঘৰ ঘনত্বৰ সৰ্বাধিক এখন ৰাষ্ট্ৰীয় উদ্যান হিচাপে কাজিৰঙা স্বীকৃতি পোৱাত দেশ-বিদেশৰ পৰ্যটকৰ আকৰ্ষণ অধিক বৃদ্ধি পাইছে৷ 
ইণ্ডিয়ান ষ্টেট অব্‌ ফৰেষ্ট ৰিপ’ৰ্ট-২০২১ ৰ তথ্যৰ পৰা জানিব পৰা মতে, কেন্দ্ৰীয় চৰকাৰে পৰ্যালোচনা কৰি দেশৰ প্ৰতিখন টাইগাৰ ৰিজাৰ্ভৰ প্ৰতি ১০০ বৰ্গ কিল’মিটাৰ ব্যাসাৰ্ধ এলেকাত ঢেঁকীয়াপতীয়া বাঘৰ ঘনত্ব প্ৰকাশ কৰিছিল৷ 
কাজিৰঙা ৰাষ্ট্ৰীয় উদ্যান তথা টাইগাৰ ৰিজাৰ্ভত ১৩.০৬ টা বাঘ থকাৰ তথ্যই দেশৰ ভিতৰতেই কাজিৰঙা ৰাষ্ট্ৰীয় উদ্যানে দ্বিতীয় স্থান লাভ কৰিছে৷ 
প্ৰথম স্থানত থাকে কৰবেট টাইগাৰ ৰিজাৰ্ভে৷ ইফালে কৰ্ণাটকৰ নাগৰহোল টাইগাৰ ৰিজাৰ্ভত ১১.৮২টা, ওৰাং টাইগাৰ ৰিজাৰ্ভত ১০.৬২টা আৰু মানাহ টাইগাৰ ৰিজাৰ্ভত ০৩.৩০টা বাঘ থকাৰ তথ্য পোৱা গৈছে৷ 
অন্যহাতে শেহতীয়াকৈ ৰাজ্যখনৰ টাইগাৰ ৰিজাৰ্ভকেইখনত বাঘ গণনা মতে কাজিৰঙাত ১০৪টা, মানাহত ৩১টা, ওৰাঙত ২১টা আৰু নামেৰিত মাত্ৰ ৩টা বাঘ পোৱা গৈছিল ৷ 
ইণ্ডিয়ান ষ্টেট অব্‌ ফৰেষ্ট ৰিপ’ৰ্ট -২০২১ৰ মতে কাজিৰঙা টাইগাৰ ৰিজাৰ্ভত বাঘৰ ঘনত্ব সৰ্বাধিক হোৱাৰ কথা প্ৰকাশ পোৱাত দেশ-বিদেশৰ পৰ্যটক কাজিৰঙাৰ প্ৰতি অধিক আকৰ্ষিত হৈ পৰা দেখা গৈছে৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...