Home Daily news এ এম চি এইচৰ ছুপাৰ স্পেছিয়েলিটি ব্লকৰ সা-সুবিধাৰ পৰ্যালোচনা

এ এম চি এইচৰ ছুপাৰ স্পেছিয়েলিটি ব্লকৰ সা-সুবিধাৰ পৰ্যালোচনা

স্বাস্থ্য মন্ত্ৰী কেশৱ মহন্তই অসম চিকিৎসা মহাবিদ্যালয়ৰ ছুপাৰ স্পেচিয়েলিটি ব্লকৰ চিকিৎসা কক্ষ আৰু পৰীক্ষাগৃহ পৰিদৰ্শন কৰে৷ মন্ত্ৰীগৰাকীয়ে পৰিদৰ্শন কালত চিকিৎসাধীন ৰোগীৰ স্বাস্থ্য আৰু  সমস্যাৰ  বুজ লয়৷ ইয়াৰ পাছত চিকিৎসা মহাবিদ্যালয়ৰ কৰ্তৃপক্ষৰ উপস্থিতিত তেওঁ এখন পৰ্যালোচনা বৈঠকত মিলিত হয়৷ অসম চিকিৎসা মহাবিদ্যালয়ৰ সমাগত মহাৰজত জয়ন্তী উদ্‌যাপনৰ বিষয়েও মন্ত্ৰীগৰাকীয়ে বুজ লোৱাৰ উপৰি চৰকাৰৰ তৰফৰ পৰা সকলো ধৰণৰ সহযোগিতা আগবঢ়োৱাৰ আশ্বাস দিয়ে৷ 
ইয়াৰ লগতে ছুপাৰ স্পেচিয়েলিটি ব্লকত উপলব্ধ সা-সুবিধা আৰু পৰিচালনা ব্যৱস্থাৱলীৰ বিষয়ে বিতংভাৱে আলোচনা কৰে৷ এই পৰিদৰ্শন আৰু পৰ্যালোচনা বৈঠকত ডিব্ৰুগড়ৰ  বিধায়ক প্ৰশান্ত ফুকন, জিলাৰ উপায়ুক্ত বিশ্বজিৎ পেগু, ৰাষ্ট্ৰীয় স্বাস্থ্য অভিযানৰ ৰাজ্যিক কাৰ্যবাহী সঞ্চালক তথা অতিৰিক্ত চিকিৎসা শিক্ষা সঞ্চালক ডাঃ মনোজ চৌধুৰী, স্বাস্থ্য বিভাগৰ উপ-সচিব তথা অসম ৰাজ্যিক এইডছ নিয়ন্ত্ৰণ সমিতিৰ প্ৰকল্প সঞ্চালিকা পমী বৰুৱা, অসম চিকিৎসা মহাবিদ্যালয়ৰ অধ্যক্ষ ডাঃ সঞ্জীৱ কাকতী আৰু  এ এম চি এইচৰ অধীক্ষক ডাঃ প্ৰশান্ত দিহিঙীয়া আৰু বিভিন্ন বিভাগৰ মুৰব্বী অধ্যাপকসকল উপস্থিত থাকে৷ এ এম চি পৰিদৰ্শন কৰাৰ পাছতে স্বাস্থ্য মন্ত্ৰী কেশৱ মহন্তই ডিব্ৰুগড়ৰ ব্ৰহ্মপুত্ৰ ডায়েগ্নষ্টিক এণ্ড হস্পিটেলত চিকিৎসাধীন হৈ থকা চাবুৱাৰ বিধায়ক পোনাকণ বৰুৱাৰ স্বাস্থ্যৰ বুজ লয়৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,