Home Daily news উত্তৰ-পূৰ্বাঞ্চলত স্থাপন হ’ব তিনিটা নতুন বটলিং প্লাণ্ট

উত্তৰ-পূৰ্বাঞ্চলত স্থাপন হ’ব তিনিটা নতুন বটলিং প্লাণ্ট

উত্তৰ-পূৰ্বাঞ্চলত এল পি জি বটলিং কেপাচিটি বৃদ্ধি কৰিবলৈ ৰাজহুৱা খণ্ডৰ বৃহৎ প্ৰতিষ্ঠান ভাৰতীয় তেল নিগম চমুকৈ আই অ’ চি-এ অঞ্চলটোত তিনিটা নতুন প্ৰকল্প স্থাপন কৰিবলৈ পৰিকল্পনা কৰিছে৷ অঞ্চলটোত এল পি জিৰ বৰ্ধিত চাহিদা পূৰণ কৰিবৰ বাবে ২০৩০ চনৰ ভিতৰত এল পি জি বটলিং কেপাচিটি প্ৰায় ৫৩ শতাংশ বৃদ্ধি কৰি বছৰি ৮ কোটি চিলিণ্ডাৰ কৰিবলৈ আই অ’ চিয়ে পৰিকল্পনা কৰিছে৷ আই অ’ চিৰ কাৰ্যবাহী সঞ্চালক (ইণ্ডিয়ান অইল-এ অ’ ডি) জি ৰমেশে কয় যে নতুন এল পি জি বটলিং প্লাণ্ট তিনিটা স্থাপন কৰা হ’ব মিজোৰাম, মেঘালয় আৰু অৰুণাচল প্ৰদেশত৷ ৰাজহুৱা-ব্যক্তিগত-অংশীদাৰীত্বৰ আৰ্হিত ইয়াৰ বাবে মুঠ ৩২৫-৩৩০ কোটি টকা বিনিয়োগ কৰা হ’ব৷ তেওঁ কয় যে উত্তৰ-পূৰ্বাঞ্চলত এল পি জিৰ বৰ্ধিত চাহিদা পূৰণ কৰিবৰ বাবে আমি আমাৰ বটলিং কেপাচিটিৰ সম্প্ৰসাৰণ ঘটাব৷ ২০৩০ চনৰ ভিতৰত বটলিং কেপাচিটি বছৰি আঠ কোটি চিলিণ্ডাৰ কৰিবলৈ আমি লক্ষ্য লৈছোঁ৷ আনুমানিক চাহিদা ৭ কোটি চিলিণ্ডাৰ হ’ব যদিও লক্ষ্য লোৱা হৈছে  ৮ কোটি চিলিণ্ডাৰ৷ উল্লেখ্য যে ইণ্ডিয়ান অইল-এ অ’ ডি হ’ল আই অ’ চিৰ উত্তৰ-পূব সংমণ্ডল৷ বৰ্তমান এই সংমণ্ডলৰ বাৰ্ষিক উৎপাদন ক্ষমতা ৫.২৩ কোটি এল পি জি চিলিণ্ডাৰ৷ ৯টা প্ৰকল্পত চিলিণ্ডাৰবোৰত এল পি জি ভৰোৱা হয়৷

Most Popular

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,

ঘণ্টা ঘণ্টা ধৰি কাণত হেডফোনথাকিলে হ’ব পাৰে এই মহা বিপদ

নিয়মিতভাৱে হেডফোন ব্যৱহাৰ কৰিলে বিভিন্ন সমস্যাই দেখা দিব পাৰে৷ এই তালিকাত কিছু ভয়াৱহ ৰোগৰ নামো সন্নিৱিষ্ট হৈছে৷ সময় থাকোঁতে সেয়ে এই বিষয়ে...

তিতাকেৰেলা এইবোৰৰসৈতে ভুলতো নাখাব

খাবলৈ তিতা হ’লেও তিতাকেৰেলা যে আমাৰ শৰীৰৰ বাবে ভীষণ উপকাৰী সেই কথা সকলোৱে জানে৷ তিতাকেৰেলা এনে এবিধ পাচলি, যাৰ আছে হাজাৰটা ঔষধি...