Home Daily news আৰম্ভ হ’ল ক’ভিডৰ তৃতীয় পালি ভেক্‌চিন প্ৰদানৰ অভিযান

আৰম্ভ হ’ল ক’ভিডৰ তৃতীয় পালি ভেক্‌চিন প্ৰদানৰ অভিযান

অসমত আৰম্ভ হ’ল ১৮ বছৰৰ ঊৰ্ধ্বৰ সকলো যোগ্য লোককে বিনামূলীয়াকৈ ক’ভিড প্ৰতিষেধকৰ সুৰক্ষামূলক তৃতীয় পালি প্ৰদানৰ অভিযান৷ অসমত ‘ক’ভিড টিকাকৰণৰ অমৃত মহোৎসৱ’ যোৱা ১৫ জুলাইত আনুষ্ঠানিকভাৱে উদ্বোধন কৰে ৰাজ্যৰ স্বাস্থ্য আৰু পৰিয়াল কল্যাণ মন্ত্ৰী কেশৱ মহন্তই৷ কামৰূপ জিলাৰ আজাৰা খণ্ড প্ৰাথমিক স্বাস্থ্যকেন্দ্ৰত আয়োজিত এক অনুষ্ঠানত স্বাস্থ্য মন্ত্ৰীজনে ১৮ বছৰৰ পৰা ৫৯ বছৰ বয়স সীমাৰ যোগ্য লোকসকলৰ বাবেও সম্পূৰ্ণ বিনামূলীয়াকৈ ক’ভিডৰ তৃতীয় পালি প্ৰতিষেধক উপলব্ধ হোৱাকৈ এই বিশেষ ক’ভিড টিকাকৰণ অভিযান মুকলি কৰে৷ 
উল্লেখ্য যে ইতিমধ্যে ৬০ বছৰৰ ঊৰ্ধবৰ লোকসকলৰ বাবেহে বিনামূলীয়াকৈ এই সুৰক্ষামূলক তৃতীয় পালি ক’ভিড প্ৰতিষেধক উপলব্ধ কৰা হৈছিল যদিও কেন্দ্ৰীয় চৰকাৰে ১৮ বছৰৰ ওপৰৰ সকলোৰে বাবে তৃতীয় পালি ক’ভিড প্ৰতিষেধক বিনামূলীয়াকৈ আগবঢ়াবলৈ আনুষ্ঠানিক সিদ্ধান্ত গ্ৰহণ কৰে৷ এই উদ্দেশ্যে কেন্দ্ৰীয় স্বাস্থ্য মন্ত্ৰ্যালয়ে আজাদী কা অমৃত মহোৎসৱৰ সৈতে সংগতি ৰাখি ১৫ জুলাইৰ পৰা অহা ৩০ ছেপ্টেম্বৰলৈকে ক’ভিড টিকাকৰণৰ অমৃত মহোৎসৱ শীৰ্ষক এই বিশেষ ক’ভিড টিকাকৰণ কাৰ্যসূচী ঘোষণা কৰে৷ 
৭৫ দিনীয়া বিশেষ টিকাকৰণ অভিযানৰ অধীনত অসমৰ প্ৰতিখন জিলাতে সকলো চৰকাৰী চিকিৎসালয় তথা ক’ভিড টিকাকৰণ কেন্দ্ৰত ১৮ বছৰৰ ওপৰৰ যোগ্য লোকসকলক সম্পূৰ্ণ বিনামূলীয়াকৈ ক’ভিডৰ তৃতীয় পালি প্ৰতিষেধক প্ৰদান কৰা হ’ব৷ এই অনুষ্ঠানত পশ্চিম গুৱাহাটীৰ বিধায়ক তথা এমট্ৰনৰ অধ্যক্ষ ৰমেন্দ্ৰ নাৰায়ণ কলিতা, কামৰূপৰ উপায়ুক্ত কৈলাশ কাৰ্তিক এন, স্বাস্থ্যসেৱা সঞ্চালক [পৰিয়াল কল্যাণ] কমলজিৎ তালুকদাৰ, এন এইচ এমৰ কাৰ্যবাহী সঞ্চালক তথা অতিৰিক্ত চিকিৎসা শিক্ষা সঞ্চালক ডাঃ মনোজ চৌধুৰী, কামৰূপ জিলাৰ যুটীয়া স্বাস্থ্য সেৱা সঞ্চালক ডাঃ গুণীন্দ্ৰ নাথ দেৱশৰ্মা আৰু আজাৰা গাঁও পঞ্চায়তৰ সভানেত্ৰী কবিতা ইংতিয়েও অংশগ্ৰহণ কৰে৷

Most Popular

৮০০ কোটি বছৰৰ আগৰ ৰেডিঅ’ সংকেত আৱিষ্কাৰ ভাৰতীয় বিজ্ঞানীৰ!

মহাকাশত পুনৰ চমক সৃষ্টি কৰিলে ভাৰতীয় বিজ্ঞানীয়ে৷ মঙল গ্ৰহৰ তৰংগৰ স্ৰোত আৱিষ্কাৰৰ সময়ত ৮০০ কোটি বছৰ আগৰ ৰেডিঅ’ সংকেত ধৰা পেলাবলৈ সমৰ্থ...

প্ৰকৃতিৰ জামাদাৰখ্যাত শগুনৰঅস্বাভাৱিক মৃত্যু ঃ ক’ত?

পক্ষীকুল ৰক্ষা কৰাৰ সময়তে শিৱসাগৰত এজাক পক্ষীকুলৰ নিধনত ব্যথিত হৈছে প্ৰকৃতিপ্ৰেমী৷ প্ৰকৃতিৰ চাফাই কৰ্মীৰূপে খ্যাত আকাশ শুৱনি কৰা এজাক শগুন শিৱসাগৰ নগৰৰ...

বুকিং আৰম্ভ বিশ্বৰ প্ৰথমখনউৰন্ত মটৰচাইকেলৰ

বাইক বা মটৰচাইকেল সকলোৱে দেখিছে বা কেনেদৰে চলে সেয়াও সকলোৰে জ্ঞাত৷ পথ ৰাস্তাত চলা মটৰচাইকেল সকলোৱে দেখিব, কিন্তু উৰিব পৰা মটৰ চাইকেল...

অন্তঃসত্ত্বা মহিলাক ৩৩ সপ্তাহৰ পাছতগৰ্ভপাত কৰোৱাৰ অনুমতি ন্যায়ালয়ৰ

অন্তঃসত্ত্বা অৱস্থাত যিকোনো সময়ত কোনো সমস্যা দেখা দিয়ে, তেন্তে ভ্ৰূণৰ বিভিন্ন সমস্যাৰ সৃষ্টি হ’ব পাৰে৷ শেহতীয়াকৈ এক খবৰ মতে ২৯ সপ্তাহৰ এগৰাকী...