Home Diet Plus আম খোৱাৰ পাছত ভুলতো এইবোৰ নাখাব

আম খোৱাৰ পাছত ভুলতো এইবোৰ নাখাব

গ্ৰীষ্মকালত আম, জাম, কঁঠাল, লিচু আদি অনেক ৰকমৰ ফল খাবলৈ পোৱা যায়৷ বৰ্তমান সময়ত পকা আমেৰে বজাৰ ভৰি পৰিছে৷ সৰু-ডাঙৰ সকলোৰে মাজত আমৰ কদৰ আছে৷ অতি সুস্বাদু কেঁচাই হওক বা পকা আম স্বাস্থ্যৰ বাবে বেছ উপকাৰী৷ খাদ্য বিশেষজ্ঞৰ মতে আমত প্ৰচুৰ পৰিমাণে ফাইবাৰ আৰু প্ৰ’টিন থাকে, যিয়ে পৰিপাক কাৰ্যত সহায় কৰে৷ আমৰ ডায়েটৰি ফাইবাৰ থাকে, যিয়ে কলন কেঞ্চাৰ আৰু হূদৰোগ প্ৰতিৰোধ কৰাত সহায় কৰে৷ আম খোৱাটো যিমান উপকাৰী, ঠিক বিপৰীতে ইয়াৰ পাশ্বৰ্ক্ৰিয়াও আছে৷ যদিহে আম খোৱাৰ সঠিক নিয়ম নাজানে৷ বিশেষকৈ আম খোৱাৰ পাছত কিছুমান বস্তু খোৱাটো একেবাৰে অনুচিত৷ সেয়েহে জানো আহক আম খোৱাৰ পাছত কিবোৰ খাদ্য একেবাৰে নাখাব৷
বিশেষজ্ঞৰ মতে আম খোৱাৰ পাছত পানী খোৱা উচিত নহয়৷ ইয়াৰ ফলত পেটৰ সমস্যাই দেখা দিব পাৰে৷ পেটৰ বিষ, বজহজম, পেট ফুলা, এচিডিটি আদি বিভিন্ন সমস্যাৰ সৃষ্টি হ’ব পাৰে আম খোৱাৰ পাছতেই পানী সেৱন কৰিলে৷ সেয়েহে আম খোৱাৰ আধা ঘণ্টা পাছত পানী সেৱন কৰক৷
আম খোৱাৰ পাছত দৈ একেবাৰে নাখাব৷ বিশেষজ্ঞই জনোৱা মতে আম গৰম প্ৰকৃতিৰ আৰু দৈ ঠাণ্ডা প্ৰকৃতিৰ৷ সেয়েহে এই দুবিধ একেলগে খালে স্বাস্থ্যৰ ওপৰত ক্ষতিকৰ প্ৰভাৱ পৰাৰ সম্ভাৱনা থাকে৷
পৰাপক্ষত ঠাণ্ডা পানীয়, কোল্ড ড্ৰিংকছ আদি আম খোৱাৰ পাছত নাখাব৷ আম আৰু কল্ড ড্ৰিংকছত প্ৰচুৰ পৰিমাণে চেনি থাকে, যিয়ে ডায়েবেটিছ ৰোগৰ বাবে অপকাৰী৷ আনহাতে এবিধ শীতল আৰু আনবিধ গৰম হোৱা হেতুকে পেটৰ নানা সমস্যাই দেখা দিব পাৰে৷
আপোনাৰ যদি ব্ৰুনৰ সমস্যা আছে, তেনেহ’লে মছলাজাতীয় অথবা ভজা-পোৰা খোৱাৰ সৈতে আম একেলগে নাখাব৷ বিশেষজ্ঞৰ মতে আম আৰু মছলা বা ভজা-পোৰা একেলগে খালে পেট গৰম হয়, যাৰ ফলত ব্ৰুনৰ সমস্যা অধিক ভয়াৱহ হ’ব পাৰে৷
কেৰেলা শৰীৰৰ বাবে উপকাৰী হ’লেও আম খোৱাৰ সময়ত খোৱা উচিত নহয়৷ আম খোৱাৰ পাছত কেৰেলা খালে এচিডিটিৰ সমস্যা বাঢ়ি গৈ বমি হোৱা, শ্বাস-প্ৰশ্বাসত কষ্ট পোৱা আদি সমস্যা হ’ব পাৰে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,