Home Daily news অসম চাইবাৰ অপৰাধৰ হট্‌স্পট হৈ পৰিছে : ডি জি পি

অসম চাইবাৰ অপৰাধৰ হট্‌স্পট হৈ পৰিছে : ডি জি পি

চাইবাৰ অপৰাধৰ ক্ষেত্ৰত অসম হট্‌স্পট হৈ পৰিছে৷ ৰাজ্যখনত বিদ্যালয়-মহাবিদ্যালয়ৰ ছাত্ৰ-ছাত্ৰীও চাইবাৰ অপৰাধৰ ভুক্তভোগী হৈ পৰিছে৷ এই স্পৰ্শকাতৰ কথা ব্যক্ত কৰে ৰাজ্যৰ আৰক্ষী সঞ্চালকপ্ৰধান ভাস্কৰজ্যোতি মহন্তই৷ 
ৰবীন্দ্ৰ ভৱনত চাইবাৰ অপৰাধ বিষয়ক এক সজাগতামূলক সভাত অংশগ্ৰহণ কৰি আৰক্ষী সঞ্চালকপ্ৰধানজনে ৰাজ্যবাসীক এই বিষয়ত সতৰ্ক হ’বলৈ আহবান জনায়৷ তেওঁ সামাজিক মাধ্যম ব্যৱহাৰ কৰাৰ সময়ত যুৱ প্ৰজন্মক সাৱধান হ’বলৈ আহবান জনায়৷ তেওঁ কয় যে সামাজিক মাধ্যমত শিকিবলগীয়া বহু কথা আছে৷ 
কিন্তু তাৰ মাজতে সামান্য ভুল কৰিলেই বিপদত পৰাৰ আশংকা দিনে দিনে বৃদ্ধি পাইছে৷ আনহাতে অসম আৰক্ষীত নতুনকৈ নিযুক্তি লাভ কৰা বিষয়া-জোৱানসকলৰ সামাজিক মাধ্যমৰ ব্যৱহাৰৰ ওপৰত আৰক্ষীৰ চাইবাৰ চেলে তীক্ষ্ণ দৃষ্টি ৰাখিব বুলিও প্ৰকাশ কৰে ডি জি পি মহন্তই৷ 
আৰক্ষীৰ লোকসকলো সজাগ হ’ব লাগিব বুলিও উল্লেখ কৰি তেওঁ সামাজিক মাধ্যম ব্যৱহাৰৰ ক্ষেত্ৰত আৰক্ষীৰ লোকসকলক প্ৰশিক্ষণ দিয়াৰ পোষকতা কৰে৷ আনহাতে অসম আৰক্ষীৰ মুৰব্বীজনে ছেবাৰ পাঠ্যক্ৰমত চাইবাৰ অপৰাধৰ বিষয় সংযোজন কৰাৰ পোষকতাও কৰে৷ আৰক্ষীৰ তৰফৰ পৰা এই প্ৰস্তাৱেৰে ছেবালৈ পত্ৰ প্ৰেৰণ কৰা হ’ব বুলিও তেওঁ প্ৰকাশ কৰে৷
তেওঁ কয় যে চাইবাৰ অপৰাধ বিভিন্ন প্ৰকাৰৰ আছে৷ সম্প্ৰতি অসম চাইবাৰ অপৰাধৰ হটস্পট হৈ আছে৷ বিত্তীয় দিশত সৰ্বাধিক চাইবাৰ অপৰাধ অসমত সংঘটিত হোৱা বুলিও তেওঁ সদৰী কৰে৷ এই অপৰাধৰ পৰা অসমক কিদৰে মুক্ত কৰিব পৰা যায় তাৰ বাবে আৰক্ষীয়ে অন্য প্ৰতিৰোধৰ লগতে জনসাধাৰণক সজাগ কৰাৰ বাবে চেষ্টা কৰি আছে বুলি সদৰী কৰে৷ ব্যক্তিগতভাৱে ম’বাইল আৰু কম্পিউটাৰ ব্যৱহাৰৰ ক্ষেত্ৰত জনসাধাৰণে এজনে আনজনক সহযোগ কৰা উচিত বুলিও তেওঁ কয়৷

Most Popular

পাঁচখন গাঁৱত ধূমপান নিষিদ্ধ!জানক ইয়াৰ আঁৰৰ কথা

ধূমপানৰ পৰা হ’ব পৰা ক্ষয়-ক্ষতিৰ তালিকাখন আমাৰ সকলোৰে জ্ঞাত৷ সেয়ে সময়সাপেক্ষে কিছুমান এলেকা বা অঞ্চল ধূমপানৰ পৰা সুৰক্ষিত হ’বলৈ নিষিদ্ধ কৰা হয়৷...

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...