Home Daily news অনবদ্য পদক্ষেপ ঃ ভোট জলকীয়া শুকুওৱা যন্ত্ৰ উদ্ভাৱন

অনবদ্য পদক্ষেপ ঃ ভোট জলকীয়া শুকুওৱা যন্ত্ৰ উদ্ভাৱন

অসম তথা উত্তৰ পূৰ্বাঞ্চলত উৎপাদিত ভোট জলকীয়া প্ৰণালীবদ্ধভাৱে দেশে-বিদেশে ৰপ্তানি কৰাৰ উদ্দেশ্যে ভোট জলকীয়া শুকুওৱা যন্ত্ৰ উদ্ভাৱন কৰি ভাৰত চৰকাৰৰ পেটেণ্ট পাবলৈ সক্ষম হৈছে সৰুপথাৰৰ বিশিষ্ট উদ্ভাৱক ৰণজিৎ চেতিয়াই৷ 
সৰুপথাৰৰ এক নং গন্ধকৰৈ গাঁৱৰ নিৱাসী ৰাসায়নিক প্ৰযুক্তিবিদ্যাৰ স্নাতক ৰণজিৎ চেতিয়াই ২০০৮ চনৰ পৰা জলকীয়া শুকুওৱা যন্ত্ৰ তৈয়াৰ কৰি ৰাজ্যৰ বিভিন্ন প্ৰান্তৰ খেতিয়কসকলক বিক্ৰী কৰি আহিছিল৷ উদ্ভাৱকগৰাকীয়ে এই যন্ত্ৰটোৰ সকলো ঋণাত্মক কাৰকসমূহ আঁতৰাই ২০১৪ চনত অত্যাধুনিক শুকুওৱা যন্ত্ৰ উদ্ভাৱন কৰে৷ 
এই যন্ত্ৰটোৰ বাবে ভাৰত চৰকাৰলৈ পেটেণ্ট অধিকাৰ লাভৰ বাবে আৱেদন কৰে৷ যোৱা ছেপ্টেম্বৰ মাহত ভাৰত চৰকাৰৰ পৰা ৩৭৬৬০৩ নম্বৰত নগা কিংচিলি শুকুওৱা যন্ত্ৰটোৰ পেটেণ্ট লাভ কৰে৷ লক্ষণীয় যে এই বিশেষ যন্ত্ৰটোত ভোট জলকীয়াবোৰ মেলি দিয়াৰ পাছত নলৰোৱাকৈ মাত্ৰ ১৮ ঘণ্টাৰ ভিতৰতে শুকুৱাব পাৰি৷ যন্ত্ৰটোৰ ভিতৰত বিশেষভাৱে নিৰ্মিত ধাতুৰ চুলা আছে৷
তাপ বিনিময় ব্যৱস্থাৰ দ্বাৰা খৰি জ্বলাই গৰম বায়ু এখন বিশেষ ফেনৰ দ্বাৰা জলকীয়াৰ মাজেদি যাবলৈ দিয়া হয়৷ যন্ত্ৰটোৰ ওপৰত আৰু তলত সংস্থাপন কৰা দুটা তাপজোখা মিটাৰৰ জৰিয়তে জলকীয়া শুকাই যোৱাৰ বিষয়ে জানিব পাৰিব৷ 
উদ্ভাৱক ৰণজিৎ চেতিয়াই জনোৱা মতে, এই শুকুওৱা যন্ত্ৰটোত ভোট জলকীয়াৰ উপৰি বিভিন্ন শাক-পাচলি, কাঠফুলা, ফুলকবি, গাজৰ, মূলা, মছলা, ডালচেনি, ইলাচি, জালুক, গ্ৰীন টী আদি শুকুৱাব পাৰি৷ উদ্ভাৱকগৰাকীয়ে জনোৱা মতে , তেওঁ ২০০৮ চনতে প্ৰথম এই যন্ত্ৰটো তৈয়াৰ কৰে৷ বৰ্তমান যন্ত্ৰটো মডিফিকেশ্যন কৰি আধুনিক ৰূপ প্ৰদান কৰে৷ 
ভোট জলকীয়া খেতিয়কসকলক এই যন্ত্ৰটোৱে আশাৰ সঞ্চাৰ কৰিছে৷ ভাৰত চৰকাৰৰ SPICE BOARD-য়ে ২০২২ চনৰ পৰা তিনি বছৰৰ বাবে ব’ৰ্ডৰ হৈ এই যন্ত্ৰ উৎপাদন কৰিবলৈ অনুমতি প্ৰদান কৰিছে৷ ভোট জলকীয়া খেতিয়কসকলৰ বাবে শুকুওৱা যন্ত্ৰটো উদ্ভাৱন কৰি সহায় আগবঢ়োৱা ৰণজিৎ চেতিয়াই বৰ্তমান সৰুপথাৰত এগ্ৰ’টেক ইণ্ডাষ্ট্ৰিজ নামৰ এটা কাৰখানাত এই যন্ত্ৰটো তৈয়াৰ কৰি আহিছে৷

Most Popular

বেদতে আছিল বিজ্ঞানৰ সমস্ত সূত্ৰতোলপাৰ লগাইছে এই দাবীয়ে

বিজ্ঞানৰ সমস্ত সূত্ৰ বেদতে আছিল৷ এই দাবী কৰিছে ইছৰ’ৰ অধ্যক্ষ এছ সোমনাথে৷ ভাৰতৰ মহাকাশ গৱেষণা সংস্থা চমুকৈ ইছৰ’ৰ অধ্যক্ষ সোমনাথে কোৱা মতে...

প্ৰথমবাৰৰ বাবে মঙল গ্ৰহৰপৰাপৃথিৱীলৈ এলিয়েন ছিগ্‌নেল প্ৰেৰণ

পৃথিৱীৰ বাহিৰতো আন জীৱৰ সন্ধান অব্যাহত থকা অৱস্থাত প্ৰথমবাৰৰ বাবে মঙল গ্ৰহৰ পৰা পৃথিৱীলৈ মহাবিশ্বৰ এটা সংকেত প্ৰেৰণ কৰা হৈছে৷ আন...

সুখবৰ : ডায়েবেটিছৰ বাবে বিশ্বৰ প্ৰথম অৰেল ইনছুলিন উদ্ভাৱন

বৰ্তমান বিশ্বত ডায়েবেটিছ ৰোগে ভয়াৱহভাৱে দেখা দিছে৷ অনিয়মীয়া খাদ্য গ্ৰহণ, দৈনন্দিন জীৱন প্ৰণালীৰ সালসলনি, আৰামপ্ৰিয় জীৱন, পৰিশ্ৰমহীন কৰ্ম, খাদ্য সামগ্ৰী ভেজালকৰণ ইয়াৰ...

ধুমুহা আহে লাহে লাহে

(৩১ মে' : বিশ্ব ধঁপাত-বিৰোধী দিৱস উপলক্ষে) ডাঃ অৰূপ কুমাৰ নাথঅধ্যক্ষ তথা মুখ্য পৰিচালন সঞ্চালক আৰু মুখ্য ইউৰ'লজি বিশেষজ্ঞ,