Home Daily news HIV-ত আক্ৰান্ত কাৰাবন্দীৰ বাবে ৰাজ্যত এণ্টি-ৰেট্ৰ’ভাইৰেল থেৰাপী প্ৰদান কেন্দ্ৰ মুকলি

HIV-ত আক্ৰান্ত কাৰাবন্দীৰ বাবে ৰাজ্যত এণ্টি-ৰেট্ৰ’ভাইৰেল থেৰাপী প্ৰদান কেন্দ্ৰ মুকলি

ৰাজ্যৰ কাৰাগাৰসমূহত থকা এইচ আই ভি আক্ৰান্ত কাৰাবন্দীসকলৰ নিয়মীয়া চিকিৎসা গ্ৰহণ সুনিশ্চিত কৰিবলৈ বিশেষ উদ্যোগ লৈছে স্বাস্থ্য বিভাগে৷ ইয়াৰ অংশ হিচাপে অসমৰ ছখন কেন্দ্ৰীয় কাৰাগাৰত এইচ আই ভি আক্ৰান্ত কাৰাবন্দীৰ বাবে মুকলি কৰা হৈছে ‘এণ্টি-ৰেট্ৰ’ভাইৰেল থেৰাপী বিতৰণ কেন্দ্ৰ’৷ গুৱাহাটী কেন্দ্ৰীয় কাৰাগাৰত আয়োজিত এক অনুষ্ঠানত ৰাজ্যৰ স্বাস্থ্য মন্ত্ৰী কেশৱ মহন্তই এই এণ্টি-ৰেট্ৰ’ভাইৰেল থেৰাপী প্ৰদান কেন্দ্ৰকেইটা একেলগে শুভ উদ্বোধন কৰে৷ অসম ৰাজ্যিক এইড্‌ছ নিয়ন্ত্ৰণ সমিতিৰ উদ্যোগত গুৱাহাটীৰ লগতে শিলচৰ, ডিব্ৰুগড়, যোৰহাট, তেজপুৰ আৰু নগাঁৱৰ কেন্দ্ৰীয় কাৰাগাৰত এই কেন্দ্ৰকেইটা স্থাপন কৰা হৈছে৷ কেন্দ্ৰীয় কাৰাগাৰকেইখনত মুকলি কৰা এণ্টি-ৰেট্ৰ’ভাইৰেল কেন্দ্ৰৰ জৰিয়তে এইচ আই ভি সংক্ৰমিত তথা এইড্‌ছ আক্ৰান্ত কয়দীসকলক এইচ আই ভি প্ৰতিৰোধী ঔষধৰ জৰিয়তে নিয়মীয়াকৈ বিনামূলীয়া চিকিৎসা উপলব্ধ কৰা হ’ব৷ 
কেন্দ্ৰকেইটা উদ্বোধন কৰি স্বাস্থ্য মন্ত্ৰী মহন্তই কয় যে এইচ আই ভি-এইড্‌ছ আক্ৰান্তই সম্পূৰ্ণৰূপে আৰোগ্য লাভ কৰাকৈ ঔষধ বা চিকিৎসা এতিয়ালৈকে সম্ভৱ হোৱা নাই যদিও নিয়মীয়াকৈ এণ্টি-ৰেট্ৰ’ভাইৰেল থেৰাপী [এ আৰ টি] গ্ৰহণ কৰি আক্ৰান্তৰ শৰীৰত এই মাৰাত্মক বীজাণুৰ সংখ্যা বৃদ্ধি পোৱাটো যথেষ্ট নিয়ন্ত্ৰণত ৰাখিব পৰা যায়৷ নিয়মীয়াকৈ এ আৰ টি গ্ৰহণৰ জৰিয়তে আক্ৰান্তৰ শৰীৰত এই বীজাণুৰ সংখ্যা [ভাইৰেল লোড] এটা নূ্যনতম পৰ্যায়লৈ কমাই আনি ইয়াৰ পুনৰ বৃদ্ধি নোহোৱাকৈ নিয়ন্ত্ৰণত ৰাখিব পাৰিলে এইচ আই ভি-এইড্‌ছ আক্ৰান্ত লোকে প্ৰায় সুস্থ ৰূপত দীৰ্ঘজীৱন লাভৰ সুযোগ পোৱাৰ লগতে তেওঁৰ পৰা নতুনকৈ আন লোকলৈ এই বীজাণু সংক্ৰমণৰ সম্ভাৱনাও প্ৰায় নোহোৱা হয় বুলি মন্ত্ৰীজনে উল্লেখ কৰে৷ ৰাজ্যৰ এইচ আই ভি আক্ৰান্ত কাৰাবন্দী ৰোগীক কাৰাগাৰতে চিকিৎসা নিয়মীয়াকৈ প্ৰদান কৰিব পৰাকৈ প্ৰথম পৰ্যায়ত কেন্দ্ৰীয় কাৰাগাৰসমূহত এ আৰ টি বিতৰণ কেন্দ্ৰ স্থাপন কৰা হৈছে৷ কাৰাবন্দীৰ বাবে কাৰাগাৰতে এ আৰ টি বিতৰণ কেন্দ্ৰৰ ব্যৱস্থা থকা অসম দেশৰ ভিতৰত পঞ্চমখন ৰাজ্য বুলিও তেওঁ প্ৰকাশ কৰে৷ উল্লেখ্য যে চলিত বৰ্ষৰ আগষ্টলৈকে ৰাজ্যৰ কাৰাগাৰসমূহত চিনাক্ত হোৱা ২০০গৰাকী এইচ আই ভি আক্ৰান্ত কাৰাবন্দীৰ নাম এ আৰ টি কেন্দ্ৰসমূহত পঞ্জীয়ন কৰা হৈছে৷

Most Popular

শীতকালত আপোনাৰচকুযুৰিৰ যতন কিদৰে ল’ব

আমি সকলোৱে শৰীৰৰ বিভিন্ন অংগৰ যতনৰ ওপৰত গুৰুত্ব দিওঁ৷ কিন্তু চকুৰ যতন ল’বলৈ পাহৰি যাওঁ৷ চকুযুৰিৰ জৰিয়তে আমি ধুনীয়া পৃথিৱীখনৰ সৌন্দৰ্যৰ দেখিবলৈ...

চলিত সপ্তাহত পৃথিৱীৰ একেবাৰেকাষেৰে পাৰ হ’ব এটা গ্ৰহাণু

ন্ডপৃথিৱীৰ কাষেৰে গ্ৰহাণু বা গ্ৰহাণুপুঞ্জ পাৰ হোৱাৰ ঘটনাটো নতুন নহয় যদিও পৃথিৱীৰ একেবাৰে কাষেৰে গ্ৰহাণু পাৰ হোৱাৰ ঘটনা এইবাৰ সংঘটিত হ’ব৷ চলিত...

বাহন চলিব গোবৰ গেছৰ ইন্ধনেৰে ! ক’ত, কেতিয়া?

দেশৰ বাহন নিৰ্মাণ প্ৰতিষ্ঠান মাৰুতি ছুজুকি মটৰ কৰ্প’ৰেশ্যনে ২০৩০ চনলৈকে শেহতীয়াকৈ এক দীৰ্ঘকালীন পৰিকল্পনা হাতত লৈছে৷ বাহন নিৰ্মাণ কৰা প্ৰতিষ্ঠানটোৱে আগন্তুক সময়ত...

জনসংখ্যা বৃদ্ধিৰ পদক্ষেপ : অবিবাহিত হৈও জন্ম দিব পাৰিব সন্তান ! ক’ত?

জনসংখ্যাৰ বৃদ্ধিৰ হাৰ পৃথিৱীয়ে সহিব নোৱৰাৰ সময়তে বিভিন্ন দেশে কিদৰে জনসংখ্যা ৰোধ কৰিব পাৰি তাৰ জনসংখ্যা ৰোধৰ ফলপ্ৰসূ আঁচনি ৰূপায়ণৰ চিন্তা-চৰ্চা অব্যাহত...